Malaysia Chin unau rual sinah sawmnak. (12. 11. 2020) Dawtmi Malaysia Chin unau rual hna,
Nan umnak hmun kipah Pathian nih in umpi cio hna seh. Ka chim lengmang bantuk khan 2010 August 17 hlanah Malaysia a phan cang i UN Card a tlaih cangmi ca lawng ram (3)nak tiang lanh khawh ding a si caah anmah pawl lawng hngak rih ko hna sehlaw, 2010 August 17 hnuah Malaysia a phan i 2013 UN Card a tlaihmi vialte caah ram (3)na phan khawh a si lo caah nan chuahnak Kawlram ah rak kir than ding a si.

Two Chin refugees arrested after returning home from Malaysia | Burma News  International

Malay cozah nih a tuah tawnmi UN minung si lo, Malay cozah nih a hngalh lomi ‘over-stay’ vialte an ram ah kirter dingah nihin November 12 ah khan Malay cozah nih thawng a thanh cang. November 16 in a herhmi document tehna tuah hramthawk a si lai i 2021 June 16 tiang, thla (7) chung a si lai. CI in tlung ding a si lai. ACR, CRC le nan ipehtlaihmi Community ofis kipah bomhhalnak tuah khawh a si lai. Thawnginn in rak kuatmi dirhmun nan phak hlanah rak tlung khawh izuam cio u.

Nungak, tlangval le dawngpa (a papa) vialte Work-permit in hlawfa rih si sehlaw ngakchia le a nunu vialte kan ram ah rak kir chung cang u, tiah kan sawm hna.Nan fale sianginn kainak caah
kumkhua a kuan tuk sual lai. Covid-19 ruangah ramchung ngakchia pawl zong kum khat an sung ve. Tukum Kawlram thimnak thawngpang cu nan rak theih cio bantikin mipi bochanmi kan Pitar Nu party NLD nih teinak a hmuh caah 2021 in cozah a peh than lai.

Chin refugees still in limbo over documentation | The Star

Ralkap le a party USDP nih kum (60) dengmang an kan kalpi chung kan ram thanh- chomi nakin NLD nih kum (5) chung a kan kalpimi ah a thanhcho- nak hi zeitluk a thlau timi cu nan rak tlung tikah nan hmuh cio te lai. Ramchung riantuan ding zong tampi a kan serchuakpiak cang lai timi ruahchannak zong kan ngei.

Kan khua le kan ram a ngei lomi bantukin ramdang ah nifatin thinphang-thlalau in um ti hlah u, oparasi e, misual e timi tihnungmi thawngpang theih lonak kan ram ah rak kir cang u tiah kan sawm hna. Yangon Airport ah Lunglomh tein kan rak donh hna lai. Credit: C. Laiki.

No photo description available.

Note: Mipi sinah lunglawmhnak le zaangfah nawlnak: Thawngpang News kan tialmi a kan relpiak tu ka Miphun Chin/Laimi nan dihlak cungah lunglawmhnak tampi chim cawklo kan ngei. Thawngpang kan tialmi nan kan relpiaknak thawngin a dikmi le a hmaanmi thawngpang News kan thlah Post khawh hi mipi nan thawngin asi.

Thawngpang kan tialmi hi careltu mipi caah thathnemnak si hram seh tihi kan itinhmi asi. Chirhchanh Source kan lak hnu ah a dik mi asi lai tiah kan ruah mi kha kan Miphun Laimi Chinmi nih fawizang tein kan theih khawh cio nakhnga theihter khawh kan i zuam. Asinain vawleicung cu tlamtlinlonak a si caah chirhchanh Source kan lakmi tete hi a dik lomi a um khawh caah a dik lomi thawngpang a si tiah nan ruahmi kha zeitik caan paoh ah theihter khawh kan si i, kanmah lei zong in a dikmi thawngpang tial khawh le kan palhmi remh khawh kan i zuam lai.

Mipi nih theih ve hna seh ti na duhmi, thawngpang News siseh, Pathian bia siseh, siaherhnak bia in siseh, capar biazai le theihtlai pawl tialpiak ding a um ahcun zeitik caan poah ah tialpiak le thlahpiak khawh zong a si. Nan dihlak cungah lunglawmhnak le zaangfah nawlnak he- Chief Editor.

By Chuncha

Leave a Reply

Your email address will not be published.