Evan. Van Biak Tluang nih kan dawt kan far Lg. Sui Hlei Tial i a kan liam taak ruangah a tuarnak le zaihla in a hlawinak a langhtermi Chorus te ka van chiah chung… a phuahtu ‘Halleluiah Biak’ timi fb ah a tlingin zoh khawh a si lai… Kan tuarnak le kan ngeihchiatnak hmurkaa nih chimphuan ding a tlinh lo, zai hla in kan rak langhter ve 😔 Credit: Bawi Thiang Bik

Image may contain: flower and plant, text that says 'HLE TIAL AMIN- KUM TLANGTEM MINONIH NGEIH CHIAT NAK DAWM HNA DAWT PHILH AWK THALO RSKAN 十 Miss SUIHLEITIAL-21. 29 9 2020 ah Malay a kan liam tak Apc Anu Pi Thang Kar Achua hpiunauhna unau Tluang Zi .Duh Lian Thang Darvt Tha Khun Zung Lian Sang 4 phun -Bawitlung langte chuck REDMI NOTE 8 Al QUAD CAMERA'

Ngaihchiat lungfah tuar pinak: Mai Sui Hlei Tial ( kum 21 ) cu Malysia a umnak Sungaibuloh sang inn dot 9 cung in September 29, 2020 zan suimilam 9:00 hrawng ah a tla i a hmun ah a nunnak a liam.

Malaysia police nih a ruak sizung ah an kalpi. Sizung ah sibawi te nih a ruak an chek dih hnu ah October 3,2020 zanlei suimilam 7:00 hrawng ah a ruak cu Kawlram ah an kuat. October 4,2020 zanlei sml 4:30 ah Thantlang khua luh lai Laipawnglung an phak pi.

Image may contain: 1 person, standing, car and outdoor

Thantlang COVID – 19 runvennak committee nih khua chung ah ruak nan luh pi kho lo tiin an kham hna. Thanthlang myone ohchohzi hmu U Aung Shwe Myint le Thantlang myone ngandamnak lutlai Dr. Tun Pau nawlpeknak in Mai Sui Hlei Tial ruak cu zan khuamui ah lamkam ah an phum ter hna.

Hi kong he pehtlai in Chin miphun kan nunphung le kan Khrihfa phung sersat in Mai Sui Hlei Tial ruak lamkam ah a phumter tu Thanglang covid – 19 committee cung ah Chin Youth Organization Malaysia ( CYOM ) nih kan lungfahnak le kan ngaihchiatnak kan rak langhter. Tu hnu hmailei ahcun hi bantuk thil hi cang ti hram hlah seh.

Image may contain: one or more people, outdoor and nature

Ngaihchiatnak le lungfahnak a tuarmi chungkhar, sahawh rualchan le khuami vialte CYO Malaysia nih nan ngaihchiatnak le lungfahnak kan in tuar pi hna, kan in hrawm pi hna. Chin Youth Organization Malaysia ( CYOM ) Date: 7/10/2020

Note: Mipi sinah lunglawmhnak le zaangfah  nawlnak: Thawngpang {News}kan tialmi a kan relpiak tu ka Miphun Chin/Laimi nan dihlak cungah lunglawmhnak tampi chim cawklo kan ngei. Thawngpang kan tialmi nan kan relpiaknak thawngin a dikmi le a hmaanmi thawngpang {News} kan thlah{Post}khawh hi mipi nan thawngin asi.

Thawngpang  kan tialmi hi careltu mipi caah thathnemnak si hram seh tihi kan itinhmi asi. Chirhchanh {Source} kan lak hnu ah a dik mi asi lai tiah kan ruah mi kha kan Miphun Laimi {Chinmi} nih fawizang tein kan theih khawh cio nakhnga theihter khawh kan i zuam. Asinain vawleicung cu tlamtlinlonak a si caah chirhchanh {Source} kan lakmi tete hi a dik lomi a um khawh caah a dik lomi thawngpang a si tiah nan ruahmi kha zeitik caan paoh ah theihter khawh kan si i, kanmah lei zong in a dikmi thawngpang tial khawh le kan palhmi remh khawh kan i zuam lai.

Mipi nih theih ve hna seh ti na duhmi, thawngpang {News} siseh, Pathian bia siseh, siaherhnak bia in siseh, capar biazai le theihtlai pawl tialpiak ding a um ahcun zeitik caan poah ah tialpiak le thlahpiak khawh zong a si. Nan dihlak cungah lunglawmhnak le zaangfah nawlnak he- Lungleng Tlang Editor.

By Chuncha