Minung hi a ho hmanh lung a dong lo mi hi a ngei lo cu kan um hraw lai lo dah? Kan tonmi cio tu hi a khat dih cio lai lo i a si. Vawlei cung hi duh a tling lo nak ram a si caah kan duh mi thil le hlawhtlingnak hi kan hmuh dih kho hrim lai lo, kan nun chung caan tawite ah hin harsatnak le lungre theihnak cu a dong kho lo ding khi kan si ko. Cu bantuk vawlei ah hnangamnak a um lo zia a theih fiang lo tu kan ti lai maw? A tei kho lo tu kan ti lai dah? Mah hna cungah hin ruah lo pi hna in thil a cang sual ton hi a um lengmang.

Khrihfa zumtu a ti mi hmanh hi ruah sual ahcun mah tein nunnak i lak hi a fawu tuk mi a si i, mi tampi tuar chuah manh hlanah nunnak a la mi an tam ko. Zum lo tu zong cu thiamthiam an si ve, an nun chungah thiltha kan tuah ahcun aralaimi kan thih hnu zongah a hnu ah a rak kirthan ko lai ti a zummi cawnpaiknak a ngei mi zong chihkhat lo ah an nunnak an i la ve thiamthiam ko. Khuaruahnak a dih dong ko cang ahcun nunnak hi chihkhat ah a ziam khomi kan si ko.

Cu caah kan tongmi thil poah ah hin fak tuk in ruah lo in le a dih dongh tiang hna mah tein nunnak la tiang khuaruah tuaktan hi a sungh tuk mi nunnak man ngei lo khi kan si ko lai. Vawlei cung ah rum zong ah na duh a tling hlei lai lo, na si a fak zong ah na dir a ruam hlei lai lo, nupi pasal, fan a ngei zongah na hna a ngam hlei lai lo i, na duh tuk mi he nan i then zongah amah long minung a si lo i, na nu na pa na unau he nan i sik zawngah a then thiam thai minung kan si hna lo caah keimah hi nunman a ngeimi minung ka si ti hi kan i theih ahcun kan tongmi thil hi tei khawh lo in kan um hna lai lo.

Atu i kan farnu a lung dongh ruangah hlei cung bakin ka zuang lai i, ka nunnak ka la lai a ti mi thanwg kan theih cu lungthin a nuam lo ngaingai. Zeiruang set ah dah mah ti piin thah a timh timi theih fiang a si lo. Mah hi Kamagyi hlei cung in tiva ah nungak pakhat ka zuang lai tiah a timh lio pi ah minih an rak chanhchuah manh tiah thawng theih  asi. Harsatnak a tongmi thil hi a mithmai zoh tikah tuar a har ngai phun a si ko lai tiah an ruah. Nunthar a hmuh thannak lai zong duhsaknak pek cio a si. Ref: Moe Marn

Note: Mipi sinah lunglawmhnak le zaangfah  nawlnak: Thawngpang {News}kan tialmi a kan relpiak tu ka Miphun Chin/Laimi nan dihlak cungah lunglawmhnak tampi chim cawklo kan ngei. Thawngpang kan tialmi nan kan relpiaknak thawngin a dikmi le a hmaanmi thawngpang {News} kan thlah{Post}khawh hi mipi nan thawngin asi.

Thawngpang  kan tialmi hi careltu mipi caah thathnemnak si hram seh tihi kan itinhmi asi. Chirhchanh {Source} kan lak hnu ah a dik mi asi lai tiah kan ruah mi kha kan Miphun Laimi {Chinmi} nih fawizang tein kan theih khawh cio nakhnga theihter khawh kan i zuam. Asinain vawleicung cu tlamtlinlonak a si caah chirhchanh {Source} kan lakmi tete hi a dik lomi a um khawh caah a dik lomi thawngpang a si tiah nan ruahmi kha zeitik caan paoh ah theihter khawh kan si i, kanmah lei zong in a dikmi thawngpang tial khawh le kan palhmi remh khawh kan i zuam lai.

Mipi nih theih ve hna seh ti na duhmi, thawngpang {News} siseh, Pathian bia siseh, siaherhnak bia in siseh, capar biazai le theihtlai pawl tialpiak ding a um ahcun zeitik caan poah ah tialpiak le thlahpiak khawh zong a si. Nan dihlak cungah lunglawmhnak le zaangfah nawlnak he- Lungleng Tlang Editor.

By Chuncha