Mah le hring mi fanu tlaihhrem cu sual lakah tuksapur bak a si. A fa nu tal hi upa deuh cang sehlaw a va sual pi hmanhah minung thisa a nung mi cu a sum kho lo tiawk in a um, Kum 8 te long ngakchia cu ti pi in sual pi duh hi cu minung thinlung a keng lo bia a si ko lai. Mah le fanu ngegel a sualpi mi hi cu fak tuk in dantat phu an si ko. Hi bantuk thil hi cu kanmah miphun lakcun um sawh hram hlahseh mu.

A fanu kum 8 mi sualpitu Pacang, Naypyidaw, Oct 8,2020, Pe-khu division, Ywa myone, Tin-kan khua ah kum 8 le thla 4 mi nunau cu kum 32 mi a mah hringtu a pa rori in oct 1 simlam ah a sualpi ti thu theih a si.

Hivek thil a thlen hnu ni 6 nak, oct 7 mani sun ah palik zungah thuthlen in taza an ra cuai a si tin Ywa myo palik zung hotu pakhat Ye-Su cun an rel. A mai fanu kum 8 le thla 4 mi sualpitu Zaw-Htik cu Ywa myomah palik zung in (ပ)၂၄၁/၂၀၂၀, Penal Code (မ)၃၇၆ hmang in an kai ti a si. #VOM

2020 October 08, zinglei 09:00-11:00 ah Thantlang penguk zung ah cozah zunglei nawlngeitu, khua nu/pa le TYA/TSC upa tonbiaruahnak kan ngei. A biapi in kan lungfah, ngaihchiatnak le biakhiahnak ngeitu Covid-19 main committee ah khuami le zatlang phu telh le ruahnak hal ding ah chimhruah a si.

2020 October 08, zanlei 1:00- 4:00 ah Chin ramkulh cozah in Vuanci Pu Soe Htet, Upadi Choh Pu Sonny Thang Cung, Chin ramkulh uknak zung bawizik, Palik bawizik le khua nu/pa, biaknak lei, ngaihchiatnak tong mi chungkhar le TYA/TSC kan i tel. Tonnak a dih hnu ah Ramkulh cozah le TYA/TSC lawng tel in tonnak ngeih ding in hal a si i a dih hnu ah kanmah le Cozah upa lawng zalong tein kan i tong.

Chin ramkulh cozah sin ah kan hal mi cu: 1. Hi kongkau ah mizapi lei teltumnak in a zalong mi hlathlai phu (Independent Inquiry Commission) dirh i hmuhchuah mi fianhnak le dantatnak ngeih ding, 2. Peng huap Covid-19 Committee ah khuami teltumnak ngei ding in remhsiam ding, 3. Hihnu hmailei ah hi bantuk a um lo nakding le Covid-19 zulhphung he aa tlak in aho mithi zong nih thlaan hmunte ah an i vui khawh nakhnga tawlrelpiak ding

Hi a cunglei kan hal mi kong ah Chin ramkulh cozah nih ruahpiak ding le Statement siseh, thawngfianhnak tuahpiak ding in lehnak an kan ngeih. Credit: Thantlang Youth Association

Note: Mipi sinah lunglawmhnak le zaangfah  nawlnak: Thawngpang {News}kan tialmi a kan relpiak tu ka Miphun Chin/Laimi nan dihlak cungah lunglawmhnak tampi chim cawklo kan ngei. Thawngpang kan tialmi nan kan relpiaknak thawngin a dikmi le a hmaanmi thawngpang {News} kan thlah{Post}khawh hi mipi nan thawngin asi.

Thawngpang  kan tialmi hi careltu mipi caah thathnemnak si hram seh tihi kan itinhmi asi. Chirhchanh {Source} kan lak hnu ah a dik mi asi lai tiah kan ruah mi kha kan Miphun Laimi {Chinmi} nih fawizang tein kan theih khawh cio nakhnga theihter khawh kan i zuam. Asinain vawleicung cu tlamtlinlonak a si caah chirhchanh {Source} kan lakmi tete hi a dik lomi a um khawh caah a dik lomi thawngpang a si tiah nan ruahmi kha zeitik caan paoh ah theihter khawh kan si i, kanmah lei zong in a dikmi thawngpang tial khawh le kan palhmi remh khawh kan i zuam lai.

Mipi nih theih ve hna seh ti na duhmi, thawngpang {News} siseh, Pathian bia siseh, siaherhnak bia in siseh, capar biazai le theihtlai pawl tialpiak ding a um ahcun zeitik caan poah ah tialpiak le thlahpiak khawh zong a si. Nan dihlak cungah lunglawmhnak le zaangfah nawlnak he- Lungleng Tlang Editor.

By Chuncha