Lungthli Tum cu Chin Wirathu bak si ko hih: Kan Chin mi phun No Thang Kap a sual nak hman ngai thiam kho lo in. Mi sual Than Swe a tanh pi dioh mi ( LungThil Tum Wirathu ) cu kan Chin mi phun caah tih a nung bak cang ko.

A tu kan ram Political hi zoh tik ah, Kawl Ralkap misual bu hman khi hawi kawm ban tuk kan ni kawm lio a si. Kan kawm duh tuk ruawng ah si lo. Kan ram remdeih nak caah a herh tiah, zum caah si kha theih tiam a hau.

NO Thang Kap pa khat duh lo ruang ah kan Chin Party doh peng hi cu ramkhelh kawng ai fiang rih lo tuk caah a si. Kan Party , Kan Chin ralkap tha zang kan ngei lo a cun Kawl Cozah nih Chon hman a kan duh lo i, miphun pa kha kan si ve in hmanh, zei a kan rel lo ti hi theih fiang cang u si. Cu caah Kan Party le kan Ralkap hi tha zang thong ter hna u sih. Catialtu: Christina Chin

Relchap..Aka rem lomi cheukhat nih ka cawnnak kong ah a dik lomi an tial len caah fianternak ka rak tuah. Cawnnak kong tial hi mah le mah i fak a lo caah tial ka duh lo ngai nain Kei hi a thluak thami ka si bak lo, ca thiam cazin zong ah chiah tlak ka si lo. Nain, a lung ngan taktakmi le tei a duh bak lomi cu ka si.

June thla 2008 ah Hakha in tanghra ka awng i 2009 ah India ka phan, kum khat chung Bible sianginn ah English ka cawng. Ka saduhthah cu India ram chung top 5 tang a ummi college ah admission ngah khawh ding a rak si.

Loyola College, Chennai hi 2009 ah India ram chung Art&Science college lakah top 1 a rak si. India ram chung ah admission ngah a har bikmi sianginn a si ve. Mah ah cun interview an ka tuah i tlamtling tein admission ka ngah khawh. B.Sc. cu kum 3 ka kai i subject tampi ah distinction(mark 80 cung) ka hmuh. May, 2013 ah ‘First Class’ in ka dih.

Certificate ka ngah le cangka in July, 2013 ah Hakha ka rak tlung. Hakha ah zarhhnih lawng ka um. August 3, 2013 ah Yangon ka phan. Mi tampi nih kum tampi tuition an kai i an awn khawh lomi IELTS cu tuition kai loin August 29, 2013 ah ka phi. Band score 6.0 ka ngah.

England ah MBA(Master of Business Administration) kai ding sianginn ka sawk, bachelor ah ‘first class’ in ka dih hlei ah interview ah an lung ka tlin caah college fee 50% scholarship an ka pek. February 12, 2013 ah London ka phan i 2015 ah Cardiff Metropolitan University in MBA cu ka dih.

MBA ka dih hnu in DBA(Doctor of Business Administration, PhD level) ka kai than, ka kainak sianginn cu London School of Commerce timi college a si, degree petu cu University of Wales Trinity Saint David a si. Sianginn minthang tuk cu a si lo, nain sianginn fee a niam deuh caah kai thimmi a si.

Class based hi kum khat kai a si i a tangmi cu mah tein thesis tial a si. Class based kum khat cu ka dih, nain thesis cu ka dih naisai rih lo. Tuan ah dih zong kai tim lo, ka business rian ah biapi deuh in ka focus caah a si.

Note: Ka tarmi hmanthlak ah personal information tampi ai tel, nain original langhter a hau caah zeihmanh ka khuhmi a um lo. Biadang ah, ka chuah kum taktak cu January 1, 1991 a si. Catialtu: Salai Lungthli Tum

By Chuncha