Ralkap Vanlawng nih Chin mi Akahthat Sual hna.

Nihin 5th March 2020 ah, Chinram, Paletwa, Pi Vung Khua pawng ah Kawl Ralkap nih AA cu Jet Vanlawng bakin a kah hna. Khuami (2) a kahthat sual hna I (2) hma fak tak in an pu. Ahnu ah hma pu mi (1) cu a thi. Ko Aa Lung ti asi. Sii zung an kel pi lio ah Lam tanแนญin ah a nunnak a liam. Inn (3) ciam lak in mei nih a kang I Inn (5) a rawk dih. Ko Zaw Naing (13,tang8) le Daw Win Phyu (26, Fa 2 ngei) cu an tai le an ke ah hma an pu ve.

Pi Vung khuah hi Inndong 40 le milurel 170 ansi. 100 cu him nak kawl ah an tlik zam dih hna.

Vawlei khur an I cawh mi ah a lut man mi hna cu an luat dih ve. Cozah nih Maivan an phih nak Cauhdaw le Pi Vung khua pawng ah hin Zahan thawk khan Jet Vanlawng (2) bakin kah hram an thawk (An tlikzam nak tlang par in kan zoh ko hna anti)

Pi Vung Khua in meng 1 hlat nak Leihkhong khua zong ah Helicoter in kah nak ruang ah Inn tampi an rawk. Khua chuak takin an tlik zam dih ve hna. Hranhram in khua pi kha an kah hram ko tiah khua mi nih an chimh.

Mi Vua khua zong fak tak tak in an I kap rih ti asi. Chun ni tlak I din bak loin Jet Vanlawng, Helicopter, Meithal ngan (Miapi) he tiah ngol hngalh loin an kah thluahmah ko hna.

Kaladan ah a kal ko mi Tilawng an kah ruang ah Hma pu 2 cu Cauhdaw Sii zung kalpi awk ah a har tuk caah Nurse nu hna nih sii an chun piak hna.

Khiathuka: Ralkap nih Mipi sin ah an I thuh I an kan kah. AA cu mipi kha sio ral ah kan hman bak hna lo ati ve. Mipi kha I khamh nak caah an hman mi le Vanlawng an kan kah mi hi Geneva phung an buar mi asi. Cu ruang ah mipi an thih nak asi. AA nih an kan tuk hmasat ah cun Rakhine vial te that dih nan si lai tiah an tlerh hna. Phungki Inn le Siang Inn ah hmun hma lak zau in Khua mi vialte kha an tlaih dih colh hna.

Bohmuci Winzaw Oo (Notlak lei Daing Hmu) le Bohmuchuk Zawmintun (Ralkap Pianciazi) kha RFA nih an hal ko hna nain an let duh hna lo.
February Zarkhat nak in March thla (2) tiang Khua 17 le Inn 180 hi mei ah a ciam mi an si hna. Mipi a thi mi 100 leng an si cang. Hmapu mi 300 leng an si cang. March ni (4) ni ah Mipi athi mi 15 le hma pu mi 30 an si.

Ref; Saya Rung Kaw

By Chuncha