Theihter nak: Hi ca kan rak tar mi hi Chelsea Bawi sin in kan lak mi asi.News Tial tu nih credit ttha te le source ttha te kan in chiapiak hna si ahcun a reltu nih comments nan pek tih zongah i ralring ngaingai kan herh ve.

Ziah hipa hi piangthar taktak nan timi pa kha asi lo maw? Nai hrawng ah a dirhmun a chiattuk caah ai pianthar ter mi pa kha asi lo maw? Laimi caah cun a piangthar taktak mipa asi lai nain, a tuahsernak cu a ton cuahmah ve ko cang hi. Phatamah nu pawl a rak muaitam mi pawl ruangah tazacuai a rak tong I tu cu cawi le liam nih a kiah lai i tax a peh duhlo ruangah taza an cuai cuahmah hoi.

Trump's Church Moment Shows He Doesn't Understand the Protests | Time

Naihrawng adirhmun a vun chiat tuk tikah biatak tein ai pianthar ter hoi I Bible Ca caangkhat hmanh a thei bal lomi le biakinn a phan bal lomi nih ai thawh i Democratic pawl nih kan ram hi Pathian Bia in pial tak an timh, ti phun in bia ai chimter ve hoi cang. A piangthar ahcun a tha I kan lawmhpi cio mi asi ko hnga, cun a pianthar tak le tak lo zong kan thei lo tak lai lo nain, nifatin a biachim, a tuahsernak le a catialmi ah mi congoihnak, mah le mah i faknak le vuihramnak lawngte in a khat cuh. Cucu piangthar timi cu a si hnga maw? Twitter khi va zoh ulaw 90% cu a cunglei ka tialmi lawngte khi asi lai.

Donald Trump photo op at St. John's Church - Wikipedia

President George W. Bush kha piangthar asi an ti le a nun kha vun zoh cio hmanh u nihin tiang a lungtlin lo tukmi pa kong hmanh ah mi a thangchiat duh hna lo cu, zoh hmanh u piangthar pawl nun taktak cu. Cucaah Pres. Donald Trump khamh si fian ahcun vawleicung minung Vancung kai lo ding an um hnga lo, Hitler le bang cu Sui Luchin a hmuh rih hnga lo maw? Țialsang Bawitlung

LIVE STREAM: Joe Biden speaks about George Floyd protests

Thawngpang dang >>Democratic lei in president ai zuammi Joe Biden nih Senator Kamala Harris cu a vice-president tuan te dingin ai thim cang. Minak le Asian American nunau vialte lakah a tu bantuk dirhmun a phan kho mi hi amah Harris lawnglawng hi a si rih. Harris hi California senator a si i, Indian-Jamaican hrinsor a si. Rampumpi cuul in miphun thleidannak ralchanh in duhlonak langhter a si lio ah police dirhmun remhsiam ah a tha lai, tiin a aupitu a si. California attorney general zong a rak tuan bal mi a si.

Nov. 3 ah Biden nih President Donald Trump hi hmaitonh in a dironh ding a si cang. “Harris hi ka lungthli tein a pakhatnak i kai thimmi a si ve” tiah Trump nih Tuesday i White House news conference ah a chim. Oct. 7 ah khin Salt Lake City, Utah ah Trump i a Vice-President Mike Pence he debate an tuah te lai. Cuhlan i Vice-president tuan dingin min an rak pek bal mi nunau hi pahnih lawng an um bal – 2008 ah khan Republican party nih Sarah Palin, cun 1984 ah khan Democrats nih Geraldine Ferraro an rak tar bal hna. An pahnih ningin an sung; White House an phan kho veve lo. American party vialte lakah a main a si mi Democrats le Republicans nih hin cuhlan hrimhrim ah vunnak (vun dang) ai ngeihmi nu hi Vice-president tuan dingin mincazin an chuahpi bal lo.Credit:Chelsea Bawi.

How is Trump influenced by religion? | The Independent

Note: Mipi Sinah Lawmhnak le Zaangfah nawlnak: Ka thawngpang (News) ka ttial mi a rel mi vialte mipi nan dihlak cungah ka lunglawmnak nan sinah ka langter. Ka thawngpang ttialmi na kan rel piakmi ruangah keimah zong thawngpang a dikmi le a hmanmi ka post khawhmi a si. Thawngpang kan tial mi hi kan Mipi caah tha hnemnak a chuahpi ding tial hi a pakhatnak ah kan i timh bikmi a si.
Thawngpang (News) kan lakmi hi thatein source dang ka zoh hnuah mah hi cu a hmanmi a si lai tiah ka ruah mi hna hi ka miphun a si mi “Chinmi” caah tial khawh le theihter khawh ka rak I zuam. Asi nain vawlei cung cu tlamtlinglonak a si caah Source ka lakmi ah a hman lo mi zong a um kho caah cu a hmang lo mi a si tiah nan theih mi cu zeitik caan poah ah ka theihter uhlaw keimah ca zongah ralrinnak caah a si lai i cu thawngpang a hmanmi le a dik mi cu remh le tial khawh kan i zuam cawlh than ko lai. Cu caah ka Miphun hawi hna nangmah bawmhnak zong ka herh hringhran. Thawngpang tial piak na duh sual zongah zeitik caan poah ah tial piak khawh zong na si tiah Zaangfah nawlnak he- Lungleng Tlang Editor

 

 

By Chuncha