Jesuh Khrih nih ro a kan vuihmi bia cu zumtu mi nih kan tuah i kan tlingter hi kan Bawipa zong aa lawmh caan a si ko lai. Zumtu hremnak atamnak hi India zongah a karh taktak. Kum 2021 ahhin cun budist biaknak pakhat lawng kan kalpi lai tiah an rak aupi i, khrihfa le Muslim hi biatak tein a dohmi biaknak thleidan a ngeimi miphun an si. Biaknak dang pawl hi cu an tlom deuh tikah kan ti khawh ko hna lai tiah an i ruah i, muslim le khrihfa mi tu hi biatak tein an doh.

Asi nain zumtu tampi thisen tampi a luang lio ah zumtu thar member tampi an karh ve tawn mi thawng kan theih tikah lawmh hi a rak um tuk. Abik in India mi hna nih an zumh cang mi, an biaknak ahcun thih bak an ngamh i an i biaktak mi kan hmuh hna tikah zumtu taktak cu anmah ah hin a tling tiawk in an nung hmuh awk a um i, Pathian an thangthat ning zoh tikah lung a hmui kho taktak mi an si.

Atu lio Covid-19 zawtnak ruangah Lockdown buai cio dih asi lio ah nihin 26 July, 2020 Pathian ni, suimilam 10;30 Am ahkhan kan i ruahchan ngam tuk lo mi Arunachal East, Tezu khua a si mi (Mishmi) chungkhar 1, member 7 le Tlangval 1 hna cu Tezu Bialtu Pastor nih zumtu thar tipil a pek hna tiah thawng kan theih. Lunglawmh awk ngaingai thawng asi. zumtu mi hna nih lawmhpi cio hna uhsih. Bawipa nih lam hruai hram hna sehlaw zumtu tha le amah ram a kauh tertu si hram ko hna seh.

Note: Mipi Sinah Lawmhnak le Zaangfah nawlnak: Ka thawngpang (News) ka ttial mi a rel mi vialte mipi nan dihlak cungah ka lunglawmnak nan sinah ka langter. Ka thawngpang ttialmi na kan rel piakmi ruangah keimah zong thawngpang a dikmi le a hmanmi ka post khawhmi a si. Thawngpang kan tial mi hi kan Mipi caah tha hnemnak a chuahpi ding tial hi a pakhatnak ah kan i timh bikmi a si.

Thawngpang (News) kan lakmi hi thatein source dang ka zoh hnuah mah hi cu a hmanmi a si lai tiah ka ruah mi hna hi ka miphun a si mi “Chinmiโ€ caah tial khawh le theihter khawh ka rak I zuam. Asi nain vawlei cung cu tlamtlinglonak a si caah Source ka lakmi ah a hman lo mi zong a um kho caah cu a hmang lo mi a si tiah nan theih mi cu zeitik caan poah ah ka theihter uhlaw keimah ca zongah ralrinnak caah a si lai i cu thawngpang a hmanmi le a dik mi cu remh le tial khawh kan i zuam cawlh than ko lai. Cu caah ka Miphun hawi hna nangmah bawmhnak zong ka herh hringhran. Thawngpang tial piak na duh sual zongah zeitik caan poah ah tial piak khawh zong na si tiah Zaangfah nawlnak he- Lungleng Tlang Editor.

By Chuncha