CNN lawng si loin main stream media a simi, NBC le MSBC zong nih Trump huatu minung an hlan len ve hna. Obama chan ah CIA director a rak tuanmi, John Brennan cu NBC National security analyst tuah dingah rian an pek. Brennan cu Russia nih US election an hnursuan timi classified information kha media ah a zuhter tu a si tiah puhmi a si. NBC media I rian a ngah caah President Trump dohnak caah caan tha a ngah than. Obama kuttang ah chief of staff for FBI director a simi Chuck Rosenburg, Deputy director national security advisor Frank Figliuzzi, chief of FBI counterintelligence Juan Zarate, Deputy National security advisor Ken Dilanian hna zong rian an pekmi hna an si.

Ken Dilanian hi Los Angeles Times ah reporter a rak tuanmi a si I, article a tialmi poah Obama le CIA sin ah approve a tuahter lengmang tu hna a si. Cucaah cun Main Stream Media tam deuh nih Donald Trump an doh peng mi hi Obama minung pawl hna nih main stream media ah hmunhma an ngah ruangah a si. Donald Trump president a kai hnu ah Media tampi ah cozah he a pehtlaimi classified information a zut lengmangmi hi a let thum in a karh deuh ti a si. President hlun, Obama minung hna nih media kip ah cozah he a pehtlai mi information tampi an pek hna ti hi a fiang ngaingai mi a si. President Donald Trump chan ah hin dossier asiloah whistleblower timi a thli thup in cozah classified information Media sin ah a phuangtu tampi an chuak. . President Donald Trump chan ah hin classified information, timi cozah biathli hi kum khat ah buaktlak in voi 104 a zuh lio ah Obama chan ahcun kum khat ah 39 lawng a zut ti a si.

Thawngpang dang <<Kawlram Khrihfa hna le Chinram Khrihfa hna le ram Leng um Chin mi Khrihfa hna nih Kum tam pi uknak ttha lo kan in tuar lio caan i, Pathian sinah thla kan rak cam i,rawlulh le pum hrem in thinlung kek kuai in caan sau pi thla kan rak cam mi vial te cu Pathian nih a rak kan thaih piak i, CNF/CNA zong cozah he daihnak an van tuah khawh i, cu hnu ah USDP cozah zong Pathian nih NLD hruaitu Daw Sung San Suu Kyi hmangin Democracy uknak phunglam ah a van kan luh pi.

Kawlram pumpi uknak ttha lo Ralkap hna nih an thah mi hna le an hrem mi hna an dawi mi hna ram chungah um kho lo in an van tuah mi hna tuar innak cu Pathian nih Daw Aung San Suu Kyi le Mipi hna hmangin a van thlen, Ralkap uk lio caan i.Chinram ah khua a saa mi pauh nih nan thaih dih zei tluk in dah a har kha, Kawlram le Chinram ah Khual tlawn a rak har ning le kan rak in tuar ning kha nan philh cio lai lo dah.A ho thawngin dah tu chun ni ah zalong te le hna ngam te in khua kan sak i, a ho thawngin dah kan khua le kan ram ah lung lawm le dai te in rian kan ttuan khawh,Pakhatnak ah Pathian Pahnihnak ahcun Daw Aung San Suu Kyi le NLD party le Mipi NLD ah me a petu vial te hna thawngin asi.

Myanmar Vice President Dr.Henry Van Thio le Dr.Anna Sui Hluan hi NLD a tthawng mi party ah rak i pe hna hlah seh law Chin mi kan rak sungh mi a tam tuk hnga, Mi tam pi nih an palh mi cu Vice President cu Chin mi khuai ttan an hei ti rih cu,Chin Mi Phun chungin NLD party ah pakhat hmat rak lut lo in rak um hna hlah seh law zei khuai ttan bia, NLD ah an rak luh tik ah cozah form kho tu an si caah Dr.Henry Van Thio cu Pathian nih Daw Aung San Suu Kyi hmang in an thim mi a rak si
Vice President Dr.Henry Van Thio le a nupi hi Pathian an ttih zah tuk Pathian an i bochan tuk,Vice President Dr.Henry Van Thio hi a hringtu a nu hi a thih ni tiangin Pathian ai hruh pi mi nu Pathian hmai ah mitthli dor he thla a cam peng mi a rak si, Cu lawng hlah Dr.Anna Sui Hluan a nupi a nu zong Bawihu nu an ti,Kawlram chung Minung hna lak ah ziaza ttha le Pathian ai hruh pi mi le khual tlung a daw tuk minu a rak si,Dr.Ral Buai a nupi asi.

Zoh tuah u si,Kawlram pumpi thaih le Vawlei pi thaih in, Kawlram Cozah zung saang bik le Budah an tamnak bawi lian ngan an tamnak hmun ah Vice
President Dr.Henry Van Thio nih cun,ral ttha taktak in kum chiar te Christmas Jesuh chuah lawmhnak lian ngan taktak le sung lawi tuk in Pathian cu an sawm i, Naypyitaw Cozah mi Lian ngan vial te hna hmai ah,an inn chungkhar dih lak te in Thawng Ttha an chim Pathian an thangthat Pathian mi hmen nih Thawng Ttha an chim, Biaknak dang zum lo tu hmanh nih Jesuh Mi khamhtu a sinak kong hna an van chim ve A nung mi Pathian nih sunparnak co ko seh.

Vice President Dr.Henry Van Thio Lungthin put hi khua ruah har a rak si hrim ko,Ta Ma Ttah Pathum hna lak ah an tlaih ter mi rian a tam bik a har bik mi asi,Kawlrawn lei ah a tuah ttuan mi vial te Chin mi phun tam deuh nih cu an thei hngal kho lo, Kawlrawn lei ah a ttuan mi vial te ttial caan chim caan a um tthan lai.

Chin State ah Vice President Dr.Henry Van Thio nih a tuah ttuan mi a ram tuk,a si na te in Chin mi phun cheu khat nih cun an i thaih ter duh lo,Chin Mi phun kan dih lak le party dang vial te zong nih kam lawmh pi le kan cawi saan ding le kan Upat ding mi a rak si. Tu kum 2020 thimnak zongah ai tel tthan lai caah tha a nuam tuk,teinak cu Pathian le Mipi thawngin a hmuh ko lai zumh cia asi ko, Pathian nih a rem a ti le Ta Ma Ttah a peh lai, a rem lo a ti le Daw Aung San Suu Kyi le ttuanvo ngeitu hna nih a ttha an tinak pauh ah an chiah te ko lai, Naypyitaw ah zaa tthu Lian mi cu an tlaih ter tthiam tthiam lai ti mi hi cu zumh cia a si ko.

Kum 2020 in 2025 tiang ah NLD a tthawng mi cozah chung in Vice President Dr.Henry Van Thio ai tel khawh tthan ko a si ah hin cun,Chinram caah Plan a suai ta mi tam pi a um cia lai va si kaw, Lu le Baan ngan a tlaih khawh i Naypyitaw center pi ah an ttut ter ve ko rih ahcun Chin State caah ram pi rian a ttuan khawh rih lai. Thlacam in bawm cio hna usi. Ref: Yangon Chin Unau Kawl Rawn Chin Unau Bia Ruahnak.

Note: Mipi Sinah Lawmhnak le Zaangfah nawlnak: Ka thawngpang (News) ka ttial mi a rel mi vialte mipi nan dihlak cungah ka lunglawmnak nan sinah ka langter. Ka thawngpang ttialmi na kan rel piakmi ruangah keimah zong thawngpang a dikmi le a hmanmi ka post khawhmi a si. Thawngpang kan tial mi hi kan Mipi caah tha hnemnak a chuahpi ding tial hi a pakhatnak ah kan i timh bikmi a si.

Thawngpang (News) kan lakmi hi thatein source dang ka zoh hnuah mah hi cu a hmanmi a si lai tiah ka ruah mi hna hi ka miphun a si mi “Chinmi” caah tial khawh le theihter khawh ka rak I zuam. Asi nain vawlei cung cu tlamtlinglonak a si caah Source ka lakmi ah a hman lo mi zong a um kho caah cu a hmang lo mi a si tiah nan theih mi cu zeitik caan poah ah ka theihter uhlaw keimah ca zongah ralrinnak caah a si lai i cu thawngpang a hmanmi le a dik mi cu remh le tial khawh kan i zuam cawlh than ko lai. Cu caah ka Miphun hawi hna nangmah bawmhnak zong ka herh hringhran. Thawngpang tial piak na duh sual zongah zeitik caan poah ah tial piak khawh zong na si tiah Zaangfah nawlnak he- Lungleng Tlang Editor.

By Chuncha