Ram pakhat chungah a zeizong tein a hrawm peng mi kan si caah, LT le HT idaw peng uh sih ti hi kan nulepa kan ule nih ngakchia bukheih in an kan kheih peng. HT cungah maw biatha lo le kan khua hnih thluachuah lam a phit tu ding biachia maw chim sual lai uh cih tiah ral ven in an kan ven peng caah nihin tiang kan lungfah le thinhun tluk in cawlcanghnak a kan neihter duh lo, an fale le mino nih an bia kan ngai, HT he a si thai le then thai ding kan si lo zia an kan chimh peng caah.

Cun Kan mah leitak nih rem le daih kan duh tuk caah Modern Project kan thawkka in naite taktak (ni thla ka fiang deuh lo) tiang kan nulepa khua nupa min siseh, ramleng um kan unau min in siseh Pathian riantuan tu kan pastor te dihlak in siseh avoi in voi tamtuk nan sinah rat in remdaih bia chim ceih tinak kan tuah peng, cozah nih dang khat an kan tuah rih. Nan cohlang bal lo.

Kan ngeihchiatngaimi cu HT upa le bochan mi upa Pastorte le khua nupa chung in a thatnak lei le remhnak le daihnak lei in an ttanpi tu hna le an hruaitu hna nan um lo mi hi kan lungtha lo chin mi cu a si. Pathian a ttihmi le thluachuah ham a thei/thiammi upa kan herh ngai ko HT chung in.Ka lawm.

Credit: Salai Lian Thang

By Chuncha