Kan Chin/Laimi chung in hi bantuk vawlei lei in fim cawnnak leiah Degree sang tampi kan lak piak hna sehlaw ti hi a ho paoh saduh thah cio mi cu a si. Chinmi chungin mino tampi kan ngeih hna i, vawlei lei fim cawnnak ahhin thisa tampi le tha a chuahmi kan tlawm ngai rua tiah hmuh a si. Kan vawlei pi le kan Chinram, kan kawlram sersiamnak ahcun zei tluk in dah fimnak leiah a biapit ti hi kan lung fim a cu cang, cawn sangnak a ngei lo mi cu miphun le ram ca cu chim lo mah pumpak chungkhar riantuan, pawcawmnak hmanh ngeihkhawh a si ti lai lo.

Kan vawleipi hi a thancho tuk cang i, hi hnu kum 50 ahcun mifim thiam nih an chim ning ahcun cawnnak a ngei lo mi cu riantuan ding kan hmuh ti lai lo tiah an chim. Cu cu thiam sang pawl nih sehin riantuan khomi kan i chiah dih cang lai ti a si. Atu hmanhah hin ram thancho tampi ahcun seh thliri in minung tha hau lo in a tuah tuanmi an tam tuk cang. Cu tluk cun fimnak hi a karh i a rang. Cu chan cu kan phanh zuahmah cang tikah kan mino le kan fa le hna hi atu in fim cawn a herh zia hi kan chim cawn piak an herh tuk cang.

Kan lung a hung fim i, atu lio ah kawlram pi thimnak kan phan cawlh cang lai. Kawlram level in siseh, kanmah Chinram level zong in ram hruai khotu ding fimnak, thiamnak, cawn sangnak le zumhawk a tlakmi minung kan herh hna ning mu. Kan pa le u le deuh Dr. Za Hlei Thang (tleicia) hna Dr. Lian Hmung Sakhong, Kan pa Pu Lian Uk, Pu Zing Cung le Dr. Sa Sa hna bantuk tampi kan chuak kan um, kan thiam ve a herh cang. Anmah hna hi a kan um pi thai lai lo, cu bantuk bochanmi kan lai mino atu in lungfim tein kan i thawk i hmai kan kal ve a herh cang.

Atu ah kan unau pa Salai Biak Za Nawl nih University of Yangon in PhD (Law) teinak a kan hmuh piak thawng kan theih cu zeitluk lawmh awk dah a si. Ka upat taktak, hmailei ah bochan rinchanh tlak hrim hrim a si lai ti hi ka zumh fawn. Hi bantuk kan laipa chung in fim cawnnak sangah tampi an in chuah a herh hringhran. Hi hi mah pumpak ca lawng a si lo, kan miphun pi caah teinak kan hmuh tluk a si, hi bantuk teimak tein le lungsau tein zuamnak he teinak a hmumi cu ni ni khat cu ram hruaitu ah an i chuah ko lai. Bawipa nih lam hruai ko seh.

Bible leiin cun Laimi cu kan za ngai cang ko, Doctor tam tuk kan um cang ko hna, Bible lei cawnnak zong hi a tha tuk ko nain, vawlei lei hi tha kan pek a tlom deuh pinah ram biatak tein hruainak dingah cun vawlei fim cawn sang nih a hruai kho deuh caah vawlei lei hrim hi tha pe cio hna uhsih. Kha Mah hi Thawngpi nih lawmhpinak a thlahmi chung in kan lunglawmhnak kan rak hrawm ve mi a si. Lungawipinak: Falam peng, Rulbu khawmi Salai Biak Za Nawl in University of Yangon ihsin PhD (Law) a t’hehsuak ih kan lungawipi zet. Anih hi Dawei University ah Lecturer t’uan laifang a si. Big Congratulations

Note: Mipi sinah lunglawmhnak le zaangfah nawlnak: Thawngpang {News}kan tialmi a kan relpiak tu kan Miphun Chin/Laimi nan dihlak cungah lunglawmhnak tampi chim cawklo kan ngei. Thawngpang kan tialmi nan kan relpiaknak thawngin a dikmi le a hmaanmi thawngpang {News} kan thlah{Post}khawh hi mipi nan thawngin asi.

Thawngpang kan tialmi hi careltu mipi caah thathnemnak si hram seh tihi kan itinhmi asi. Chirhchanh {Source} kan lak hnu ah a dik mi asi lai tiah kan ruah mi kha kan Miphun Laimi {Chinmi} nih fawizang tein kan theih khawh cio nakhnga theihter khawh kan i zuam. Asinain vawleicung cu tlamtlinlonak a si caah chirhchanh {Source} kan lakmi tete hi a dik lomi a um khawh caah a dik lomi thawngpang a si tiah nan ruahmi kha zeitik caan paoh ah theihter khawh kan si i, kanmah lei zong in a dikmi thawngpang tial khawh le kan palhmi remh khawh kan i zuam lai.

Mipi nih theih le hngalh ve hna seh ti na duhmi, thawngpang {News} siseh, Pathian bia siseh, siaherhnak bia in siseh, capar biazai le theihtlai pawl tialpiak ding a um ahcun zeitik caan poah ah tialpiak le thlahpiak khawh zong a si. Nan dihlak cungah lunglawmhnak le zaangfah nawlnak he- Lungleng Tlang Editor

By Chuncha