Atu lio thlarau taksa lei in kan nu le kan pa a si mi kan i bochan taktak mi hna Rev. Dr. Van Ram Uk te nupa kong hi mi thinlung ah a cam ngaingai mi an si. Atu lio Corona Virus dam lonak in an dam lo timi kong thawng kan theih tikah a ho poah kan lungre a theih cio i an damnak dingah thlacamnak zong kan bom cio mi hna an si.

Nizan ah a dam lo nak kong thawng a leng pah tikah kan lau cio hna. Asi nain US ummi kan unau nu Nu Par nih thawng fiang in an dam deuhnak kong a kan thanh tikah kan hna a rak ngam cio i a rak zia ngai manh. Bawipa nih hin damnak tlamtling pe ko hna seh ti hi kan saduh thah cio a si bantuk in Kan pa a si mi Rev. Dr. Van Ram Uk cu siizung in a chuak tiah thawng kan theih tikah kan lung a lawm cio hringhran lai tiah ka zumh.

 

Kan nu belte cu siizung in a chuah kho rih lo tiah thawng kan theih i, Nihin ah a chuak kho men tiah kan theih caah kan nu caah thlacam bawm rih ko hna uhsih. An mah hi caan saupi nundamnak, Chansaunak hi kan hmuh piak hna sehlaw ti hi kan saduh thah cio a si bantuk in hmailei zongah dam saunak Bawipa nih kan pek piak ko hna seh. Rev. Van Ram Uk siizung in a chuak cang timi hi kan unau nu Nu Par Fb a tial mi kan theihmi kan rak lak mi a si.

By Chuncha