Pu Trump (A lai min cu “Pate Lul”) a sunghnak a ruang pakhat ah a tel ve tiah ka ruahmi cu, amah a ttanhtu, Mizoram lei in Dr. PC Biaksiama le Mizo cheukhat, Laimi (Chinmi) chung in zatuak 90 (Lai pastor le evangelists tampi telh) hrawng nih hruhttanh le palhttanh tuk in nan dirpi ruangah a si ve. Nan i thawh i Pu Trump cu Pathian nih a hmanmi a si, a umpi mi a si, a thimmi a si, Khrihfa a kan dawtu le a kan dirpi tu a si nan ti. Amah a ttanhtu le a dirpi tu pawl zong a piangthar mi le Khrihfa ttha kan si nan i ti rih fawn.

Donald Trump openly floats idea of 2024 White House run- The New Indian  Express

Asinan Lai Media le Facebook ah nan cattialmi pawl le biachimmi pawl cu lih le hrokhrawl a tamtuk. Biden a ttanhtu pawl cu nan kan huat, holh dawh lo le holh chiakha in hehtiah nan kan ti. Duk tawk in nan kan vawlhpamh fawn. Messenger in ca nan kan kuat thinhar bu in. Kan cattialmi tangah khawmenh (comment) fak emem in nan kan pek rih fawn. Kan hmanthlak le kan min pawl zong nan i lak riangmang hna i kan si lo ning piin hehtiah nan kan ti rih fawn.

Nan thin a har, thil ttha lo tamtuk nan tuah i nan ziaza hrim a chia tuk. Mah cu maw Khrihfa nundawh cu a si? Pu Trump nan ttanhnak ah nanmah tein nan nun nan i hrawk dih. Midang thluak zong nan hrawh dih hna thawngpang dik lo nan ttial ruangah. Mah bantuk lungput le ziaza chia a neimi thlacamnak cu zeitin dah Bawipa Pathian nih cun a ngaih duh lai. Ziah an leh duh hna lai nan thlacamnak cu? Nan i tinhmi hrim pei a ttha lo cu.

Supreme Court skeptical of Trump's plan to exclude undocumented immigrants  from census

Bible nih a timi cu mittha le miding thlacamnak cu Bawipa nih a ngaih a ti. Phungthlukbia 15:29 chungah fiang tein a chim ko hi “Miṭha nih thla an cam tikah Bawipa nih a ngaihpiak hna, sihmanhsehlaw miṭhalo cu zei ah a rel hna lo.” Jeim 5:16 chungah a ti rihmi cu “Miṭha mi thlacamnak cu hmual a ngei.” Pu Trump nan ttanh ruangah Laimi tampi cu nan Khrihfa ziaza a rawk lawng si loin hmailei nan nunnak zongah Pathian thluachuah hmuhnak lam a tlawm deuh ngaingai cang ko lai.

Cucaah cun Pu Trump a ttanhtu tamdeuh, nithum chung bak rawl-ulh in thla rak cam uh. Bawipa Pathian sinah ngaihthiam hal uh. Trump nan ttanh ruang i thinhar in thil ttha lo nan tuahmi le biadawh lo nan chimmi vialte cungah Bawipa sinah ngaihthiam hal uh. Pathian nih an leh hrim2 hna lai. Nan palhnak le nan sualnak vialte an ngaihthiam ko hna lai. Laimi tamdeuh le Mizo cheukhat nih Pu Trump cu hruhttanh le palhttanh rumro in nan ttanh ruangah a sunghnak hi a si ve ti khawh a si hi. Credit: Van Tum

Image may contain: 2 people, including Van Tum, people smiling, people standing, hat and eyeglasses

U.S Vailamtlang ngaihchiatnak kan tawng. Pu Tluang Chum nih ruah lopi in nihin ah mual a kan liam tak i Global Vailamtlang nih kan ngaihchiatpi ngai ngai hna. Pu Tluang Chum hi lailei a khua “Thau” a si. Meithal i chuah sual nak in mual a kan liamtak hi a si. Indianapolis ah a ruak zong vui a si lai tiah, Thau khua Upa sin in thawng theih a si. A vui ni caan belte a fiang rih lo tiah, thawng theih a si. Tantakmi Chungkhar ca ah thlacam in bawm hna u sih. Ngaihchiatnak hrawmpi buin, Thawngcinpa, Indianapolis city.

Pu Tluang Chum (Kum 49) nih a kan liamtak. Upat mi CEBC khrihfabu hna, kan chungtel Pu Run Hre ( Lian Bawi pa) I a chuahpi a nau Pu Tluang Chum ( Kum 49) nih January 10, 2021 ah Springfield Missouri, Arzuatnak ava tlawn lio ah vanchiat in a kan liam tak tithawng kan theih. CBCUSA biaruahnak ah an pastor Rev. Dr. Cung Lian Hup zong nih arak tial cang nizan ah. Amah hi Battle Creek Chin Baptist Church ah chungtel member a si. A fapa Pu Tha Thawng Bik hi a nupi he CRC, Dallas ah an um. A fanu Dawt Thapar Cinzah hi BCBC, Battle Creek ah a pa he a ummi an si. A upa Pu Run Hre hi CEBC, Indianapolis kan khrihfabu chungtel asi. Aruak vuinak kong he pehtlai in a upa umnak (CEBC,Indianapolis) ah hin I vuai ko usih tiah chungkhar lei nih an ti caah Indianapolis kan mah sinah vui ding in timh lamh lio pi asi. Aruak hi tuzarh Saturday or Sunday (January 16-17, 2021) hrawng ah Indianapolis ah a phan lai tiah kan zumh. Cucaah hmaizarh zarhchung(Weekdays) chungah a ruak vui asi te lai tiah kan ruah. Ani le a caan cu thil a fian deuh tikah thanhthan kan in zuam te hna lai. Taantak mi fale , u le nau , cingla rualchan, khuami le khrihfabu hna, Bawipa nih nan mitthli in hnawh hna sehlaw, in hnem ko hna seh tiin thlaza kan in cam piak hna. Chungkhar Pehtleihnak: Pu Run Hre, 6708 Sonesta Dr. Indianapolis, IN 46217, 317-531-1121, Khrihfabu pehtlaihnak, John Za Thleng, Executive Pastor 317-840-5563, CEBC, IN, Khrihfabu aiawh in, John Za Thleng

Miphun Damnak: 13 Hnangamnak Fianrial (Peace Corner) timi cauk hmete chungah tleicia kan pa Rev. David Van Bik, D.D, nih capar a ttialmi ah cun: “Rian ah lawmhnak a um” a ti. A tha a thumi hi a ngaingai ti ahcun aa nuam mi an rak si hrim lo. Tuahkel sining kel tein (punghman/regular) minung nih kan cawlcangh lo ahcun, rian kan ngeih lo i, rian ngei ding zong in kan i kawl huam lo ahcun, thathutnak nih a kan zenter ko lai. Duhfah hakkauh tuk lawpaw i rianttuan belte cu kan caah a ttha theng lai lo, asinain rian ttuan a duhmi kut le thinlung ahcun, Satan nih tukforhnak caanttha a hmu kho lo.

Cucaah rian ah lawmhnak um timi hi nunnak caah a hmaan taktak mi a si. Kan Bawipa Jesuh nih ka Pa cu rian a ttuan zungzal a ti. Kan Bawipa Jesuh nih a zultu a thim lio hna ah khan aa manh lo ngaimi, rian a rak ttuan cuahmah mi hna kha a thim ko hna. Rian nih a kawl chommi si lo in, mah lungtho tein rian a kawl i a ttuanmi hna cu an i lawm, tawro in an tthu bal lo. Cucaah rian a ngeimi pumpak, chungkhar le khrihfabu kan si a herh tukmi a si.

Kan ram hi midang kan canh khawh lonak a ruang bik pakhat cu kan mino hna an cataang rup in rian kan ngeihter kho hna lo. Income timi phaisa luhnak zeihmanh a ngei lomi nih handphone ttha phun i tlaih in a vak sawsawh mi kan tamtuk mi hi a si. USA ah hin keimah ka theih tawk ah siangakchia cathiam mi an si ah, thiam tuk lomi an si ah, scholarship tbt a hmu mi hna zong hi 100% pek le bawmh a um lo. Siangakchia nih a tlawm bik library ah maw, sianginn chung um eidin dawr (cafeteria/canteen) ah maw part-time in rian an ttuan ter dih hna. Phaisa, man a ngeihnak kha an hngalh ter hna.

US system a si tiah lakphak ti le chuncaw kan ei tti tik ah mah cio te nih liam a si, i dangh a um lo. Kannih kan mino cathiam hna cu inn zong ah rian kan ngeihter kho hna lo, sianginn asiloah khuachung zongah part-time rian ttuan awk an ngei lo. Cucaah an i lawmhnak kha a tling kho lo, ti khawh an si. Rian ngeihnak le ttuannak in damnak ding caah kan I thlawp a herh mi a si (peh tthan te ding). By Lal Pek Lian

By Chuncha

Leave a Reply

Your email address will not be published.