Thawngthanhnak: Thaizing Nikhat Ni Decmber 14, 2020 in Covid kongah khammi tampi an van dorh lai. Hmaizarh Pathian ni thokin cun chun he zaan he hngakchia tel lo in i pumh khawh a si cang lai. Khrihfa Upa nih meeting kan tuah ningin thawng kan in thanh te hna lai. Biakinn kong ah biakin pi ah 1 person per 2 sqm a si ahcun minung 372 kan i pum kho lai i Foyer ah 102, cun Sunday School hall ah minung 102 an i pum kho lai ti nak a si.

No photo description available.

Ai Thleng Ding Hna Cu, Pakhatnak. Inn ah minung 50 tiang i len khawh a si lai. Pahnihnak. Wedding, Ruak Vui le Pumpal puai ah minung pakhat ah 2 meter square a um ahcun minung 200 tiang a ngah lai. Dirhmun rawlei le laam zong a ngah lai. Pathumnak. Rawldawr: minung 1 ah 2sqm

Palinak. Gym le a dang an on dih lai. Panganak. Cinema, bawlung kun tepawl hmaikhuh in 75% tiang, khuh lo 50% tiang an on lai. Paruknak. Puai lianpipi 1,000 renglo tuah duh ahcun COVID Management Plan ngeih in tuah khawh. Pasarihnak. Tar Zohkhenhnak i lenkai khawh a si than lai.

Pariatnak. Mask hruk mah thu a si lai. Personal care, Health, Residential Care pawl nih Dec 23, 2020 tiang cu an i hruk a herh lai. Nikhat Ni Thokin Retail Dawr, Coles, Wolworth tbk ah Covid QR phone in checkin a hau cang lai. Kan phone cio ah Covid Safe Checkin App Download cio hna usih.

Apple ah App Store cun Android ah Playstore ah mySA GOV timi download cio hna usih. Nawl zulh hi kan ram kan dirkamh zong a si. Biakinn kan rat tikah Scan tuah hna usih. Mobile na ngeih bak lo a si tu ahcun ca cungah maw, Computer chungah na min le phone number tial i zuam hna usih. Credit: Saya Cung Hnin

Tuzing Thawngpang Tawi. Covid_19 khamkho tu sii, Vaccine cu state 50 chung cu phatzamh a si cang. Trump Sihni pawl nih kan I zuam cuahmah teinak kan hmuh lai an ti. Trump nih dohnak a hram kan awtka te long a si rih a ti. Thildik te in vote zoh ah cun fawituk in kan tei hna a ti.

Keimah caah president ka tuan lo, ka miphun le ka ram caah ka nihlawh laklo tiangin ka dawt. Atuzong zeitik hmanhah ka ram le miphun, mipi vialte caah hnu kan tawn lailo I, lih ithimnak zong kan cohlan lailo a ti cang. An tang zong kan kum fawn lai lo.

USA cazah kan bia lo I, Pathian longlong kan Biak. USA ramah dinfelnak hmailei a kal khawhnak ding caah cun a herhmi kan tuahte ko lai. Mi pakhat hmanhhi USA ramfa a simi an biapi dih. An vote nanhlonh kholo I, nanhrawk kho lo. Atu bantuk lih hnu kan tawnpiak hna ah cun hmailei kan ram caah a tha lailo.

USA Supreme court justice cu duh anung nak zeihmanh a um lo. Zero a si a ti. Georgia ah vote minthutmi Governor Kemp nih zoh sehlaw fawi tuk in teinak kan co kohnga. Supreme court nih Texas tazacuainak cu an hnawn ruangah a dih naisai lo. Caan tamtuk lam tamtuk a um. Thildik le thiltha kan kawl lio. Hnu tawn kan I tim lo. Tulio zawtnak sii cu state dihlak hmanhkho dingin min kathut cang nan caah khuaruah har tiang khamthotu sii sihram seh. Sii long damnak a si lo, damnak tak cu Pathian sinah a um. Merry Christmas lawmhnak deihnak nan cung um ko seh. Credit:  Joseph Thawng Z Ting

Note: Mipi sinah lunglawmhnak le zaangfah nawlnak: Thawngpang News kan tialmi a kan relpiak tu ka Miphun Chin/Laimi nan dihlak cungah lunglawmhnak tampi chim cawklo kan ngei. Thawngpang kan tialmi nan kan relpiaknak thawngin a dikmi le a hmaanmi thawngpang News kan thlah{Post}khawh hi mipi nan thawngin asi.
Thawngpang kan tialmi hi careltu mipi caah thathnemnak si hram seh tihi kan itinhmi asi. Chirhchanh {Source} kan lak hnu ah a dik mi asi lai tiah kan ruah mi kha kan Miphun Laimi Chinmi nih fawizang tein kan theih khawh cio nakhnga theihter khawh kan i zuam. Asinain vawleicung cu tlamtlinlonak a si caah chirhchanh Source kan lakmi tete hi a dik lomi a um khawh caah a dik lomi thawngpang a si tiah nan ruahmi kha zeitik caan paoh ah theihter khawh kan si i, kanmah lei zong in a dikmi thawngpang tial khawh le kan palhmi remh khawh kan i zuam lai.
Mipi nih theih ve hna seh ti na duhmi, thawngpang News siseh, Pathian bia siseh, siaherhnak bia in siseh, capar biazai le theihtlai pawl tialpiak ding a um ahcun zeitik caan poah ah tialpiak le thlahpiak khawh zong a si. Nan dihlak cungah lunglawmhnak le zaangfah nawlnak he- Chuncha News Chief Editor.

By Chuncha

Leave a Reply

Your email address will not be published.