Nizan CDF bawmhnak caah tiin US ah Paih an tuah mi cu tlamtling tein a dih. Miphun le ram caah tiin an thazaang paihthiamnak long hlah an ngeihchia chawva anmah phaisa bak thap in a telmi Lai pathawng paih thiam upat an tlak taktak hna. Abik in Rung Lian Ceu nih paih singkhaw $5000 bak in a rak tuah mi cu Biak Hmun Sang nih cohlannak a rak tuah cawlh ve. Thangtu nih $2000 a thap ve i, Sang Hlei Thang nih a cohlan piak cawlh ve.

May be an image of 6 people, people standing and indoor

Thangtu le Sang Hlei Thang an i paihnak ah Sang Hlei Thang teinak a hmuh i, teinak a hmuhmi phaisa cu CDF ah a hlut taktak. Rung Lian Ceu nih $5000 bak thap in singkhaw a tuahmi cu Biak Hmun Sang he an I paih i, Biak Hmun Sang nih a tei ve. Zoh an i dawh taktak hna. Ruah lo leng in Biak Hmun Sang minute bak ah a voihnih ning bak in Rung Liann Ceu cu a tei ko.Atu lio ahcun Laipaih ahcun Biak Hmun Sang hi champion a si cang ko.

Tuzan ah CMpage nih CDF Champion Biak Hmun Sang interview an tuah. Bia tampi an i ruah hna. Uk Ling Thang a tei bal rih lo nak kong ah biahalnak an tuah i, amah he hin paih cu ka duh ko. Round 16 ah rak lut sehlaw kan i ton ko lai tiah a chim. Rung Lian Ceu nih a singkhaw than mi zongah na tei lai na zumh rih maw an ti i, zakhat ah zakhat bak in ka tei than lai tiah bialehnak a tuah hna. Laipa ciammam bak a si.

Australia paih pathawng a si mi Pa Sui nih a facebook i US champion pawl a singkhaw mi hna kongah Australia na kal lai maw? timi bia an hal mi cu Biak Hmun Sang nih Australia kal ka timh lo, pa an duh cun anmah rakra hna seh. Kan i paih hna lai tiah lehnak a tuah i, Facebook hna uakhuan hna hlahseh tiah a chim i, ca tampi tial a hau lo, a duhmi paoh cu vanlawng ticket a fawi te ko, rak la hna sehlaw rakra hna seh tiah lehnak a tuah hna.

Biak Hmun Sang cu nungak na ngei cang maw tiah an hal i, ka ngei cang hna tiah lehnak a tuah hna. A dang ampi an halmi lehnak a um ko nain CMpage ahkhan tha tein ngaithan khawh rak I zuam te ko uh. Miphun le ram caah anmah le pahrang thil ti khawh tawk in a zuam mi hna kan laipaih pathawng pawl an cungah lawmh a um hringhran, Next a rak lai ding an tuah ding mi hi CDM bawmhnak caah a si lai tiah kan theih i, mah ahcun Rung Lian Ceu le Biak Hmun Sang zong kan hmuh than hna lai, zoh an i nuam bak lai. I ngaih cio ko hna uhsih.

May be an image of 2 people, people standing and indoor

 

Australia Laipaih Patthawng a si mi Sui Bawi Sang nih Laipaih pathawng pawl singkhaw a tuah mi hna a si: Australia Lai Pa tthawng hna Paih a ka duh rih mi nan um maw teinak a hmu lomi paoh nih CDF caah $3000 Donation kan tuah lai. Mah hi Pa Sui nih comment ah a tial chih mi a si: US lei pawl khi anmah lawng pacak ah a ruat mi an lo Aussie ah an rak hau te la.

Chankhat hnu chankhat mi thawng an i dang peng ti na theih a hau atu lio an Pathawng pawl hi zawtnak um hlah seh law cu anmah rak ra a hau loh keimah ka kal la cun Laipa ka thawng cem ti an chim ahcun Aussie Pa thawng pawl a kan tei ta a hau lai. Pa Sui facebook

May be an image of 1 person, standing and indoor

A Dang relchap: 𝗥𝗮𝗹 𝘁𝗲𝗶 𝗱𝘂𝗵 𝗮𝗵𝗰𝘂𝗻 [𝗔𝗺𝗯𝗶𝘁𝗶𝗼𝗻] 𝗻𝗲𝗶𝗵 𝗵𝗲𝗿𝗵. Chinmi dohthlennak hi a hlawhtling lai lo, ti ka chim tawn caah mi cheukhat nih ka cung i “respect” an neih tilo kong an chim pah. Mi dang asiloah ka ram/miphun caah zei upattlak sinak hmanh ka tuahmi um lo kai theih le a poi ah ka chia lem lo, miluat pakhat ka si. Sihmanhsehlaw, ka miphun a luat lomi an tam tuk rih ti ka theih caah zapi hi ai pehtlaimi kong ah kai ceih, kai thlaak asiloah sawiselnak (critics) ka tuah tawn men khi a si.

[Ambition] ti hi Lai in cun “cungkai duhnak” ti lawng in a leh, nain mirang in ai fiangmi caah si lo in “si duhnak, cu si khawh nakding ah dawnkhantu i neih lo,” tilei khi a sawh duhmi a si. Mi tang toidor nih a dawn lo, lihchim a herh cun a chim a si nain a hmuitinh a thlau lo, mi thah a herh cun a that, mi sinum ttuan chung a herh cun a ttuan ko. Zei thil a tuahmi paoh ah hmuitinh a thlau lo i cu a hmuitinh caah cu a tuahmi thil vialte cu “timhlamhnak” a si ding biapi a si.

Raithawi siloah nun i (thaap) pekchanh (sacrifice) loin raltei khawh si lo, an ti nain [Ambition] ngei loin nunthaap le raithawi a har, a si hmanh ah pumpak maw caan khat caah a si. – A sau sual la, cu kong cu hi vial! Taliban nih uknak an lak khawh ning van ttial, a ka timi nan um pah le cu he pehtlai in bia i ruah bantuk in kakip benh in ka van ttial la.

An i thawk ning ka ttial cang caah Taliban nih uknak an tlaih khawh tthannak a ruangbik ah ka ruahmi tu ka van ttial la le cu hna cu; pakhatnak ah an hmuitinh a fiang (Afghanistan ah daihnak um tthan ding le a thianghlimbikmi Islam ram si ding.), pahnihnak ah cu hmuitinh a siter khotu le hruaitu si duhnak [Ambition] an nei, Pathumnak ah zeitik hmanh ah an hmuitinh an thlau lo bantuk in khawika hmun le zei caan paoh ah an herhmi thazaang (hriamnam/hawikom/fimnak) pakhatnak an chiah. Palinak ah an sinak asiloah kan si tiin (doh a thlengmi/ hriamtlai an simi/ uknak duhmi) an langhter peng. Panganak, zuu an ding lo [Muslim hi zu ding an tlawm taktak.

1996 in 2000 kum tiang an rak tlaihmi uknak lak tthannak ding ah kum 20 lawng an rau. USA Nevy training pekmi, American hriamnam tamtuk ai neih i ralkap sing li hrawng neimi Afghanistan cozah cu ral i tuk hau lo in an tei. Taliban le Chin dohthlennak hi tahchunh ding cu a si lo. Annih cu ram pakhat miphun pakhat an si, cun biaknak pakhat an si. Chinmi cu ramkomhbu chungtel kan si, kan biaknak ai dang, miphun ai dang i khuaram zong ai dangmi sin doh a thlengmi kan si. Asinain a caan si caah tlawmpal in an sin i cawn asiloah zohchun awk hna um maw ti hei ruah bia a si.

Chinmi kan dohthlennak “mahte khuakhan lairelnak” timi hi [Ambitious] Chinram le Chinmi zalenmi/luatmi si duhnak a ngeimi bia a si lo tiah ka ruah. Macau, HongKong, Catalonia (Spain) tibantuk tampi um rih, khuakhan lairelnak nawl an nei hna nain a buai lengmang, annih hna cu holh khat, biaknak/khuati/tuanbia khuaram umning ai naih/khatmi an si hna. Chinmi nih Kawl lakah mahte khuakhan lairelnak nawl hal, Pyitaungsuh pay bar, hrawng hi cu hmuihtinh fiang a si lo caah Ambition zong um lo.

Hmuitinh fian lo i Ambition a um lo ahcun phaisa maw, rank maw, asiloah harsatnak le chungkhat sahlawh khuasaktintuk nih chumbang kan dohthlennak hi a tlau kho. Mahte khuakhan lairelnak duh ahcun, ramri neih a herh, i a vengtu ralkap le hriamnam a herh. Kahdaihnak tuah i hotel ah ih le cabuai i bia i ruah paoh ah hmuitinh a phakter khomi rak thlau/derter. Cucu Taliban an si lo, Trump nih 2018 ah remdaihnak ser u a ti le cabuai ah bia an i ruah pah in Taliban nih heh bomb an puah, hriamnam an i zalh, i an hmuitinh lei an panh tthiam. Chinmi cu cabuai cung pin kan pet kho lo.

Hlen cuahmah, lem lengmang khawh, a donghnak ah uknak an kan chuh hnu hmanh ah a za cang, ramkomh bu in kan chuak lai, ti zong ai tlirkhawng lomi dohthlenak cu Taliban he tahchun ding a si lo ka timi cu a si. Mipi nih online luklak i van mawhchiat men ah mah miphun tu a tlirhkhonhmi dohthlennak, zeidah i phuhrun ding kan ngeih ti hi dakaw biahalnak a ra tawn cu. Taliban kong i palinak ka chimmi khi a si, Kawl officer/cozah ti ngam hleng lo i Laimi le Laimi bomh in i tlerh hei ti hrawng, dalaan a domi bang,.. Kawl nunnak 10 le Lai 1 hmanh a phu lo. A donghnak ah Zuu a ding i a rimi miphun dohthlennak cu cabuai pin a peh khawh ding cu a har bak.

Atu zong CDF/PDF in SAC doh cuahmah a si tikah Chinmi nih Siasal a biami miphun sinah i fonh ding in thisen le nunnak pek kan i timhmi nih “Afghanistan ralkap hmanh nih an tuk ngam lomi ral cu American ralkap nih an tuk hau ti lo.” timi bia hi ruahter. Politik ahhin a sangbik independence in i celh lo in 1947 i kan rak si cangmi ramkomh bu chungtel kha kan sok peng rih. SAC cu rampum ral nih a thlaak te (men) lai, nain Chinmi zalennak ral cu a dong la lo, a ruang cu mi dum, lo, inn ah i benh i bawktom dohthlennak a si caah si. hi vial hin rinni hmang nuam hna u. Credit: Si Bawimang Lian

Bible ruang ah thih nak in a luat “Francis James woolsey cu Pathian hnatuan ding ih a fehlai ih ,a nun nak ah thil mak a ton , Texa um Francis Jwoolsey kum 21 mi cu zarhpi khawm teh zawng ah lamzin a feh lai ah ,misual Gangs pawl ih meithal thawn an kap sual . Asinan ziang poi lo tein inn ah a tlung thei ,meithal kap nak a hawl ih a taksa ah kap nak hliamhma a hmu lo ,a ken mi Bible a zoh ih meithal ceret mu a rak um .meithal 9mm kap nak a si nan a bazet mi Bible cu a kap tlang thei lo ,Bible a kap tlang thei nak ding cu 1inche lawng a si nan.

Bible ruang ah himdam te in a um Pathian in a humhim ,thih nak ihsin .kan thlarau hrang lawng si lo in kan taksa hrang khal ah Bible hi a thupi bik a si .cupa cun hi vek ka tawng hnu ah ka feh nak kim ah Bible ka keng ring ring a ti hngehnge .nang le kei khal Kan feh nak kip ah Bible hi keng ve ring ring ding kan si .Christian kan si nak in langter tu khal a si . The power of the Bible. a rem cang dan in kan run ngan mi a si ka lungawi .Amen Credit: Salai Bawi Bawi

Rev. NC Thawng Tha Thang le Chungkhar an Lungput hi cu Zohchunawktlak Lungput a si. MECA Hmang in MECA Relief Pathian Rian ttuan tu hna ca ah Ting (80) an Bawmh hna. Ka Rianttuan Hawi hna Philhlonak ah Vawlei cung ah hin lung a fak i, philh awk a ṭha lomi pahnih a um. Pakhat cu Vawleipi Ral a si i, a dang pakhat cu Vawleipi Zawtnak ttha lo Rai hi a si.

Atu bantukin Vawleipi Rai nih a kan den cuahmah lio ah ka Miphun hawi le ka Minung hawi hna nih Harsatnak an tonmi ka hmuh tikah ka lung a ṭha lo tuk. Cu ca ah cun kei zong ka nunnak hmanh ruat ta lo in, ka si khawh chung ka ngeihmi thazaang dihlak chuah in dohnak rian ka ṭuan hi a si. Kan Upatmi Pathian Rianṭuantu tampi kan sungh hna ruangah ka ngaih a chia tuk. Pathian Rianṭuantu tampi kan sungh hna nak a ruang bik cu Samaritan’s thinlung ngei in midang he pehtlaih nak tampi an tuah i, an i pumpeknak ruang ah a si.

Cu ca ah, MECA hmang in Pathian Rianṭuantu hna caah tiah kei le ka innchungkhar nih Ting (80) cu MECA Relief Rian ah bawmhnak kan pek ve. A kan liamtakmi Pathian Rianṭuantu hna nih an tantakmi innchungkhar hna caah thlacam piak nak he, hi Raipi hi ka Miphun hawi le ka Minung hawi hna caah ka si khawh chung in ka doh rih lai. A kan liamtak mi kan hawi ttha hna kan phlih kho hna lo, Pathian, kan lei ah ṭang in kan bawm hram ko!

Krih ah Nan Hawi, 𝐓𝐡𝐚𝐰𝐧𝐠 𝐓𝐡𝐚 𝐓𝐡𝐚𝐧𝐠 (Pastor TT), General secretary, Believers Church, Myanmar, AGS – II, Myanmar Evangelical Alliance, President, Chinland Football Club, President, Yangon Lai Chiat That Bu LCB, Crd : Thawng Tha Thang FB

Taliban nih uknak an chuhmi Afghanistan president Ghani cu a zaam lio ah phaisa tom bag/kyatpha tam lak Helicopter ah a khin tiah media nganngan nih an van tial. Cu hmanh cu a senh dih kho lo le president inn le dumchung ah a tomtom in a kaltak ko hna ti a si. An rammi thinhun lo awk ttha lo. Mah bantuk uktu ruang ahhin vawlei hi a nganfak.

Minung hi kan nun caan a buaktlak in kum 70 lawng a si. Vawlei hi a ning in kan co hmanh ah kan nunnak kan sungh ni ah cun kan i kalpi kho lo ti fiang tukin Bible nih a chim. A nung rih nain a phaisa ai kalpi kho dih lomi pa kong hin cawn awk um kho men. Credit: Si Bawimang Lian

Thawngpang dang: 2.8 trillion leng dih in kum 20 chung US nih an umpimi Afgan ralkap le acozah cu zohchia in an mual a pho. Joe Biden dirhmun zong a fek i a fiang ko. “Hriam le nam le thilri a herhmi poah a si khawh chung in kan bawmh ko hna. Kan bawmh khawh lomi cu tuahduhnak (will) a si” a ti. Anmah minung hmanh nih an doh duh lomi cu American minung nih kan doh awk a si lo. US interest cu counter terrorism ah a si, counter insurgency ah a si lo an ti cang.

Russia le China nih dirpimi kawl rallokap zong hlawhfa ralkap (kyesar sittar) an si caah an thinlung an der tak tak tihphannak he an khat ve. Zei tik dah an ni le caan a phanh lai timi cu caan kanmah mipi leí kan lungthawnnak cung ah aa hngat ko. Credit: Lian Thawng Hnin

Thawngpang dang: US hrambunh The Grace Ministry (TGM) nih Rev. Thawng Tha Thang cu atulio zawtnak kong i a cawlcangh nak le riantuannak upatnak langhternak caah “TGM Good Samaritan Award” an pek. TGM nih cun hitihin an tial. TGM kan riantuanti hawi Rev. Thawng Tha Thang kan ram caah fak piin a riantuanmi zoh in “TGM Good Samaritan Award” kan pek. Bawipa nih kan miphun, kan ram le vawlei mi vialte caah hmang chinchin ko seh. We praise God that He has raised great sacrificial leaders like him in our nation”. Credit: TCP

By Chuncha

Leave a Reply

Your email address will not be published.