A Nuam Hih!; Hla phuah thiam min thang Samuel Hrat Hmung, Phun Lian Cung le keimah ti in Kawi Phun Studio ah NLD hla kan khumh lio ah chikhatt kan vun i dang ta ko hih!

Lai hlasak thiam minthang hna Bil Sung, Zung Iang le Hlawn Sung nih an sakmi hla a chuak zau lai. Hngah hlang ngai in hngak ko uh! Catialtu: Jacob Thang

Democratic Party nih kum 8 chung ram an rak  hruai cang i zei bantuk dirhmun kan rak phan. Vawleicung ah US power a tla, Russia le Tuluk power a kai. Sipuazi in siseh, ralkap hriamnam in siseh, politic in siseh vawleipi kan hip kho ti lo. Atu ning in kum 5 kan kal than rih ahcun a ruah hlan ah Russia le Tuluk nih US dirhmun an kan chuh cang lai.

Hussein Obama nih kum 8 chung ram a hruai rak chungah ramchung ramleng ah muslim ralhrang a let tampi in an karh. Minak le mirang karlak ah ihuatnak a karh. Zumtu le zum lotu karlak zongah i huatnak a rak karh.

US phunghram pi cu khrihfa phung he kalh lo in sermi ram a rak si. Asinain Kum 8 chungah Supreme Court ah Liberal biaceihtu an hung phan hna i, phunghram he ikalh in bia an chah caah zumtu le zum lotu karlak ah buainak tampi a hung chuak. Khrihfa zumtu hna zalonnak cu hrawh piak hram an rak thawk colh hna. Democratic party in president an chuah than ahcun Liberal biaceihtu an thim lai caah khrihfa mi hna kan zalonnak a let in an hrawh rih lai. Republican President kan thim rih ahcun Conservative biaceihtu nih a peh lai caah kan zalonnak zeimawzet a him lai. Cucaah tutan thimnak hi khrihfa kan zumhnak he a pehtlai mi a si caah a biapi khunnak a si rih. Oregan ramkulh ummi zumtu, Aaron le Melisa Klein cu an zumhning he a kalh caah ngeih khat hna [ nudawk pa dawk ] wedding cake an tuah piak duh hna lo ruangah biaceihtu nih an changreu dawr an khar piak hna pin ah $ 135000 dan an rak tat hna.

Oregan ramkulh thiamthiam i, biaceihbawi Vance Day cu zumtu a si bantuk in ngeih khat thit-umhnak a tuah piak duh hna lo ruangah biaceihbawi sinak in an rak tthilh. Washington State ummi, Florist Barronelle Stutzman cu Same sex wedding caah wedding thuam a tuah piak a rak duh hna lo ruangah a professional riantuan kho ti lo ding in dantat a rak tong.

Washington Olympia sidawr ngeitu, Storman Family hna cu nau a hrawktu si cu an rak duh na loin hranhram in an rak zuater dingah district biaceihtu nih nawl a pek. Storman chungkhar hna nih US Supreme court ah biaceih than ding in an sawk rak nain Supreme court nih ceih lo dingah an rak hnol piak hna. Kentucky ramkulh, Rowan County cazi nu, Kim Davis zong a zumhnak ruangah ngeih khat hna wedding License a chuah piak duh hna lo ruangah biaceihbawi nih ni 5 chung thong a rak thlak.

Khrihfa mi hna nih ka ngeihi freedom cu liberal judge pawl nih an kan rak kan hnon piak lawng si loin khrihfa mi hna zalonnak cu a rak bi chin lengmang. Cucaah tutan tim nak zong hi kan duhmi president si loin kan herhmi president thim nawlh kan hau.

By Chuncha