USA Thimlio hrawnghrang ka Dairy: Kumthar ni ka mang ah US thimnak ah president Trump nih teinak a hei hmuh. January 06, 2021 zinglei 3:00 am hrawng ah vawidang bantuk in Trump nih teinak a hmuhnak hnga thlacam ka tim i ka thlcamnak cu a mah tein aa thleng. “Trump teinak na pek cang caah ka lawm” tiin.

Image may contain: one or more people and tree, text that says 'SAVE MARCH SAVE MERICA MARCH FOX Fox News NEWS 22,333,883followers 22,333,883 followers President Donald J. Trump addresses a "March for Trump" rally outside of the White House... ...See More See + Follow'

Vawlei minung hmuh ning ah cun Trump hi a sung ti khawh a si. Khat lei ah, minung lei in teinak kan ti mi le Pathian nih teinak a ti mi hi a caan ah cun phundang pi a si caan zong hi a um ve tawn. Keimah nih cun Trump nih teinak a hmuh tiah ka zumh ko. Teinak a hmuh mi cu “David nih Goliath a tei bantuk maw a si te hnga, Jesuh nih Philippians 2:6-11 chung i teinak a hmuh bantuk dek.” A caan hngah deuh rih a hau. A si lo le Jesuh nih “hnangamnak kan chiahtaak hna, vawlei nih an pek mi hna hnangamnak bantuk a si lo” ti zong hi a si kho ko. Cu bantuk teinak cu Bible nih “teitu nak in teitu kan si deuh” tiah a ti mi kha a si.

Vawlei cung pumpuluk zumtu taktak nih rawlulh in thla an campiak mi hi keimah ka theihtawk le ka hngalh tawk ah cun “USA President Donald Trump” pakhat lawnglawng hi a si rih. Cu hlan ah a hohmanh an um bal rih lo. Zumtu thlacamnak hi Pathian nih zeitik hmanh ah a lak a siter bal lo. Leh lo zong in a kan um bal lo. A mah nih a duh ning tein a kan leh zungzal ko. Hi bel te hi cu a mi kip nih hngalh khawh a si lo. Pathian thlarau le a thlarau a peh hnu ah Thiang Thlarau nih a hruaimi hna lawng nih ifian le hngalh khawh mi a si.

Image may contain: 1 person, phone, text that says '/FOX NEWS AIR FORCE VETERAN SHOT AND KILLED AT CAPITOL channel /FOX NEWS UPDATE For Facebook Watch'

2021 USA ithimnak ah lih le hrokhrol (fraud) a um ti cu zapi theih a si ko cang caah tam ka chim ti lai lo. “Thil dik a si ko, lih le hrawkhrol pakhat hmanh a um lo” tiah a au mi vialte zong hi an thinlung ne te ah cun “lih le hrokhrol hi a um ko” tiah an ti ve ko lai. Zei he dah ka tah chunh lai ti ah cun “kan ngakchiahlio ah thil sual pakhatkhat kan tuah sual i, kan nu le kan pa nih an kan hal i kan ipheh bantuk khi a si ko. Kan ka cun ka si bak lo, ka tuah bak lo kan ti ko na te in, kan thin lung ne te ah cun ka si ko, ka tuah ko” tiah kan ti bantuk khi a si ko. Chim ding a tamtuk; za rih seh.

Kan hnu lei ka chim mi “Kim Clement Prophecy” cu zakhat ah sawmriat (80 percent) cu a tling cang ti khawh a si. “Trump hi president a ṭuan le cangka in, impeach, impeach an ti lai nain an tei lai lo; Rian a ṭuan laifang ah USA ah buainak nganpi a chuak lai; ka hmuh ning ah cun USA hi a dihlak in chum nak pi nih a khuh dih” a ti. A tu hi mah caan cu kan phan. A dang a chimmi zong a tlin tik ah kan chim nolh te lai. Pathian nih a sal hna le a prophet hna theihter hmasa lo in zei thil hmanh a tuah bal lo.

Image may contain: 3 people, eyeglasses and closeup

USA ithimnak ruang ah buainak nganpi a chuak i United States Capitol ah mipi lei in pali le police officer pakaht, an dihlak ah ninung panga nunnak a liam mi ruah tik ah ngaihchia tuk a si. USA tuanbia ah a um bal lo mi muihnak ngan pi a si. A ho an thiam a ho an sual ti le USA nih thimnak phung kong ah remh le thlen a herhnak kong cu chim ka tim rih lo. A sau tuk lai caah. Ka chim duh mi tu cu hi hi a si.

Hi mipi pali a thi mi hna hi micheu nih cun “misual” tiah an ti khawh men hna, micheu ve nih cun “Hero” tiah an ti khawh men ve ko hna. A zei bantuk a si hmanh ah USA election tuanbia an chim fa tin te hi nunnak a liammi minung pa li le police officer kakhat kong hi chim an dai ti lai lo; vawlei a hmunh chung poh cu.

WATCH] Deadline Now: Donald Trump Vs. Joe Biden; Who Will Win Debate? –  Deadline

Bible nih “pithlung pakhat hmanh khi nan Pa nawl lo in vawlei ah a tla lo. Mathai 10:29 (Biahren Thar)” tiah a ti mi khi Bible thiam pawl nih an kan chimh ning ah cun “Pithlung pakhat a nunnak le thisen hmanh khi Bawipa Pathian nih hngalh pi lo in a um lo” tiah leh khawh a si an ti. Cu a si caah hi USA ithimnak a buai mi ruang ah an nunnak a liam mi hna nunnak le thisen hi “Pathian nih a hmuh ko hna; a philh lai lo; a cingchiah zungzal ko lai” ti hi kei ka zumhnak le ka chim duh mi cu a si.

2021 USA itimnak le thil a cang mi le nawlngeitu pawl an biakhiahnak ka ruah tik ah “USA hi Pathian lam in a pial cang; an pupa hna nih an phunghram an serlio hmanh ah Bible zoh chih bu le itlaih bu in an ser i, an phaisa hmanh ah “IN GOD WE TRUST” tiah an rak ṭial mi cu an philh diam cang” tiah ka thinlung chung DAIRY ah ka ṭial. Cu a si caah zumtu pakaht cio nih USA hi an pupa hna zumhnak kha an ruah ṭhan i Pathian lei ah an imer ṭhannak hnga caah thlacampiak cio ding in kan sawm hna.

US polls: Trump vs. Biden: US election uncertainty may hit Indian market.  Long-term investors must do this. - The Economic Times

Careltu vialte ThiangThlarau nih fian khawhnak in pe ko hna seh! Amen. Ka lawm, Isaac Duhtling pa (Mang Chawn) January, 10, 2021 (3:47 am) Indianapolis, USA

Note: Mipi sinah lunglawmhnak le zaangfah  nawlnak: Thawngpang News kan tialmi a kan relpiak tu ka Miphun Chin/Laimi nan dihlak cungah lunglawmhnak tampi chim cawklo kan ngei. Thawngpang kan tialmi nan kan relpiaknak thawngin a dikmi le a hmaanmi thawngpang News kan thlah{Post}khawh hi mipi nan thawngin asi.

Thawngpang  kan tialmi hi careltu mipi caah thathnemnak si hram seh tihi kan itinhmi asi. Chirhchanh {Source} kan lak hnu ah a dik mi asi lai tiah kan ruah mi kha kan Miphun Laimi Chinmi nih fawizang tein kan theih khawh cio nakhnga theihter khawh kan i zuam. Asinain vawleicung cu tlamtlinlonak a si caah chirhchanh Source kan lakmi tete hi a dik lomi a um khawh caah a dik lomi thawngpang a si tiah nan ruahmi kha zeitik caan paoh ah theihter khawh kan si i, kanmah lei zong in a dikmi thawngpang tial khawh le kan palhmi remh khawh kan i zuam lai.

Mipi nih theih ve hna seh ti na duhmi, thawngpang News siseh, Pathian bia siseh, siaherhnak bia in siseh, capar biazai le theihtlai pawl tialpiak ding a um ahcun zeitik caan poah ah tialpiak le thlahpiak khawh zong a si. Nan dihlak cungah lunglawmhnak le zaangfah nawlnak he- Chief Editor.

By Chuncha

Leave a Reply

Your email address will not be published.