Nizaan February 9/2/2021 ah police meithal kah nak in nungak kum 20 pakhat a nunnak a liam lawng si loin, Minung 4 leng nih fak ngai in an hliam hna. Cu thawngpang cu Tlangcung hriamtlai cheukhat nih an theih I an lung afak ngai ve.

May be an image of standing and outdoors

Nihin February 10/2/2021 ah KIA/KIO lei in ralkap sin ah lungfak ngai in cathanh an chuah colh. An cathanh chungah hitihin an tial. KIA/KIO nih ralkap uknak rianttuan ning kan cohlan lo ii,Democracy uk  nak kan dirh kamh.

May be an image of one or more people, people standing and outdoors

Hi ruangah Mipi duhnak lei ah kan lung ating ve, cuca ahcun daihnak tein sandah apiah tu mipi nan hliam hna hi kan cohlan kho lo ii, kan lung afak. Cuca cun daihnak in duhlonak a langter tu mipi an duhnak nan zul lo ii, mipi fahnak pek thisen luan in Ralkap nih uk nak an lak thai ding asi ahcun, A lam kip in kan nih KIA/KIO nih kirven le zohkhen hna ding in ready kan si cang tiah an tial.

Nizaan  ti ni ahkhan Tlangcung hriamtlai phu hna nih sandahpiah tu mipi dirhkam le zohkhen ding in cathanh an chuah fawn. Cheukhat kawl ralkap nupi le hna cu an va le tthen in,Sandah piahtu mipi hna sin ah I chawk vak ve an I timh cang ti zong in thawng theih asi.Source: PA&CS

 Relchih:Myanmar ram cu lungrethei chin lengmang dirhmun a phan cang. Kawl ralkap tuanbia zoh tikah, ram mipi duhlonak langhtermi nih an lung a thleng kho bal rih hna lo; mipi thisen tu a luang tawn. Ramkhel lei thiamsang cheu khat nih, “2021 cu hlan lio deuh he cun aa dang tuk cang” an ti cio i cu aa dannak theipar cu a um phum te hnga maw, ti te khi kan i ruahchanmi cu a si.

UK nihcun “Myanmar ralkap uknak hi khirh tthan khawh a si ti lai lo. Zeicatiah vawlei cung democracy ram ngan bikbik hna nih ralkap uknak khirhter tthan ding tiang in an tuah khawhmi zeihmanh a um ti lo” tiah a ti.

Nizan ah ralkap lei in Min Aung Hlaing nih ralkap dirhmun fiang tein chim nolhnak a ngeih tthan i kan biakam le kan tlahttem ti bak si ko khah! Cu lawng hlah, atu an ttuan cuahmahmi rian hnahnawhnak petu vialte {sandahpiahmi telh in} action kan lak cang lai caah minung cu zat kha zat leng a buu in um a ngah ti lai lo” tiah felfai tein ramri an ser cang.

Cu bantuk an ramri te lonhnak cun thisen luan hram aa thok tawn kha a si; a luan ciami caan ah!  Sandahpiah caan a sau deuh deuh, mipi zong an thi a lin deuh deuh ve. Ralkap lei nih le an ramri an bitter deuhdeuh ve fawn.

Cucaah ram chung ummi kan miphun hawi hna hi an him lo chin lengmang cang. Zeitik poh ah, thisen luang kho peng dirhmun kan phan cang hih!  Fak chin lengmang in kan miphun le kan ram caah thlacamnak ngei ko tuah hna u sih.

Note: Mipi sinah lunglawmhnak le zaangfah nawlnak: Thawngpang News kan tialmi a kan relpiak tu ka Miphun Chin/Laimi nan dihlak cungah lunglawmhnak tampi chim cawklo kan ngei. Thawngpang kan tialmi nan kan relpiaknak thawngin a dikmi le a hmaanmi thawngpang News kan thlah{Post}khawh hi mipi nan thawngin asi.

Thawngpang kan tialmi hi careltu mipi caah thathnemnak si hram seh tihi kan itinhmi asi. Chirhchanh {Source} kan lak hnu ah a dik mi asi lai tiah kan ruah mi kha kan Miphun Laimi Chinmi nih fawizang tein kan theih khawh cio nakhnga theihter khawh kan i zuam. Asinain vawleicung cu tlamtlinlonak a si caah chirhchanh Source kan lakmi tete hi a dik lomi a um khawh caah a dik lomi thawngpang a si tiah nan ruahmi kha zeitik caan paoh ah theihter khawh kan si i, kanmah lei zong in a dikmi thawngpang tial khawh le kan palhmi remh khawh kan i zuam lai.

Mipi nih theih ve hna seh ti na duhmi, thawngpang News siseh, Pathian bia siseh, siaherhnak bia in siseh, capar biazai le theihtlai pawl tialpiak ding a um ahcun zeitik caan poah ah tialpiak le thlahpiak khawh zong a si. Nan dihlak cungah lunglawmhnak le zaangfah nawlnak he- Chief Editor.

By Chuncha

Leave a Reply

Your email address will not be published.