Atu bantuk thawngpang khuaruahhar ngai a si mi hna kan theih mi hi mi tampi lakah pakhat hnih long a si caah a lumsa ngai i a thawngpang rel duh ngai mia si. Minung hi Pathian sermi dih kan si i amah mui lo in sermi kan si caah kan chuahnak ri in amah ah I hngat hi zumtu caah cun a biapi ngaingai mi asi, kanmah Khrihfa zumtu a si lo mi belte caah cun vanchiat ngai ah ruah a fawi te ngai ve. Atu bantuk thil a cang mi hi a um ballo cu a si lem lo nain a um chung mi te hna hi um zia an ngei caah an thawng theih duh ngai mi ah a cang.

Atu ni June 28. 2020 Sunday India ramah ngakchia a chuakmi vanchiat ngai in ruahmi genetic disorder – “Tetra-Amelia mutations in the WNT3 gene” an tih mi ruangah Sakla village , Sironj Tehsil,the Vidisha district of India ah a rak chuak. Ngakchia nu hi kum 28 long asi tiah theiha si, Dr Suresh Aggarwal, paediatrician , Rajiv Gandhi Smriti Hospital, Sironj nih cun ngakchia hi a kut le a ke dah ti lo cu a dang a tha dih ko tiah a chim.

Bhopal CMHO & paediatrician Dr Prabhakar Tiwari, nih Tetra-Amelia syndrome hi vawlei cung ngakchia a chuak mi 100,000 ah 1 hrawng long hi an um tawn ti8ah tiah a chim. Mah bantuk case a chuak mi hna vawlei cungah theih mi cu 1982 I Nicholas James Vujicic, zawng hi a rak chuak ve mi kan hmuh theihmi asi.

Relchap Ding,,,,,Kawl ralkap le AA i kah ruangah kan Chin unau Paletwa nih thihnak le harsatnak tampi an tonnak kong kan thei tikah thinlung a fak hringhran ko. Atu ah Ralzam dirhmun in minung tampi runrep ngei lo in caan an hman. Atu bantuk in bom le zenkuan ruangah dam lo a tong mi kan unau a ca ko ah hin tuar a har hringhran ko lai. Damnak tuan a hmuh khawhnak hnga thlacam bawm uhsih. Alam kip in bawmchan a herhmi zong a bawmchan kho mi nih kut samh ve hram ko uhsih.

 Paletwa ka Chin unau nu hi nuhmei an pa nih a thihtak mi fanu pakhat te a ngei. Kawl ralkap zenkuan/ bawmh thlakmi nih a ke ruh kuai dih in a tlak. Matupi -mindat ah saupi a um hnu ah Paletwa ah thla hnih operation tuah a hngah. A ngah lo hnu ah nizan ah Rangoon sizung cu lamcan sau taktak Motor in a vun phak. Vitamin a tlakchamh tuk cang caah operation zong tuah colh ngah lo.

Sizung ah ihnak a lawn rih lo caah sizung leng ah a it rih. Zun ek amah tein a thiar kho lo. Minung pathum nih dawmh cawi peng a hau. Thlop bultu zong Hlawh an ngeilo. An har hringhran. Dawtnak tein tu vuikhat te cu kut vun samh piak rih ko hna usih mu….Ref: Sui Chin

By Chuncha