Tukum chung lawngah Chinland khualipi Halkha chungah kawl pawl an cawlcang nak thawngpang theih cu lung a fak hrim ko cang. Kan kokek  vawlei cia le kan innlo cia ah an duh poahpoah in an cawlcang khawh  hi cu tuak aacu ko cang.Tutang zongah kawlchia pa ruang ah kanmah le kanmah a kan soisel ter, NLD pawl nih Hi thil atuah tu cu CNLD lei ttanh mi minung pakhat khat an si ko lai tiah an puh thualh hna, cun Cheukhat nih Kanmah laimi Zuri pawl an si lai tiah an puh thualh hna.A cu khirkhirh ah kawlchia pa tu arak si diam ko.

Image may contain: 4 people, people standing and outdoor, text that says 'Teinak Thantar Fehnak Dingah Me Pe Usih! 2020/9/8 08:08'

 

Hakha NLD Party nih “Teinak Thantar Fehnak Dingah Me Pe Usih” tiah an tarmi a hrawk thlek tu cu Salai Van Lian Thang nih Kawlca in fianternak a rak tuah cang. Kawlca zong in van rel chih khawh a si. Hakha NLD Party nih “Teinak Thantar Fehnak Dingah Me Pe Usih” tiah an tarmi cu tuandeuh September 9 lio ah khan hrawh le hleh piak an tong i, minung tampi nih CNLD Party minung nih an hrawh thleh mi a si ko lai tiah ruahdamh in bia a chimtu minung tampi an um. Nain, Hakha NLD Party nih “Teinak Thantar Fehnak Dingah Me Pe Usih” tiah an tarmi cu CNLD Party minung nih an hrawh thleh mi si loin, USDP Party minung Kawlpa hrawh thleh mi tu a rak si diam.

Hakha NLD Party nih “Teinak Thantar Fehnak Dingah Me Pe Usih” tiah an tarmi a hrawk thlek tu hi Magway Ramthen, Taungdwinygi ah a um mi a si i, Hakha ah riantuan mi a si. A nih hi USDP Party minung a si. A Faccebook Account ah Chin min hmang in ai tuah mi a si. Hibantuk minung hi ralrin ngai an hau. Hakha NLD Party nih “Teinak Thantar Fehnak Dingah Me Pe Usih” tiah an tarmi a hrawk thlek tu hi CNLD Party minung an si lo nak cu fiangten theihkhawh a si cang. Laimi hi kan thinlungput a ttha ko. Hibantuk tiangtiang lungput kan ngeih lo nak tehte a lang.

Thawngpang dang <<<Bawlung kum an hun thawk cang i France League 1. ah PSG le Marseille an chuih ah an i vel hna i minung panga Redcard an hmu. Cun PSG 0-1 in an sung.Leandro Paredes nih Dario Benedetto a zuan hnawh i a thluk caah Yellowcard pahnih veve nak an hmu i chuah an si. Cu kong an i el hna lio ah PSG hnukham Layvin Kurzawa aa sum kho lo i Kung-fu a hman caah chuah a si ve. Amah he aa nammi Jordan Amavi zong Redcard a hmu ve.Cuti minung pali an chuah hna lio ah cun i sik cu an ngol lo i a thlite in Neymar nih Alvaro Gonzalez cu a tukbakhur ah a thongh. Mah cucu bualupa nih a hmu lo nain VAR an zoh tthan tikah a lang. Cucaah Neymar cu an chuah ve. Journalist nih a ruang an hal i “Racist a si caah ka thonghmi a si, a hmai ah ka thongh lomi kha kaa chir,” tiah Neymar nih a chim.Phaisa liamter lawng si loin caan zeimawzat cu bar (chuihter lo) an si kho, an ceih rih hna lo. VG/ Sport1

Note: Mipi sinah lunglawmhnak le zaangfah  nawlnak: Thawngpang {News}kan tialmi a kan relpiak tu kan Miphun Chin/Laimi nan dihlak cungah lunglawmhnak tampi chim cawklo kan ngei. Thawngpang kan tialmi nan kan relpiaknak thawngin a dikmi le a hmaanmi thawngpang {News} kan thlah{Post}khawh hi mipi nan thawngin asi.

Thawngpang  kan tialmi hi careltu mipi caah thathnemnak si hram seh tihi kan itinhmi asi. Chirhchanh {Source} kan lak hnu ah a dik mi asi lai tiah kan ruah mi kha kan Miphun Laimi {Chinmi} nih fawizang tein kan theih khawh cio nakhnga theihter khawh kan i zuam. Asinain vawleicung cu tlamtlinlonak a si caah chirhchanh {Source} kan lakmi tete hi a dik lomi a um khawh caah a dik lomi thawngpang a si tiah nan ruahmi kha zeitik caan paoh ah theihter khawh kan si i, kanmah lei zong in a dikmi thawngpang tial khawh le kan palhmi remh khawh kan i zuam lai.

Mipi nih theih le hngalh ve hna seh ti na duhmi, thawngpang {News} siseh, Pathian bia siseh, siaherhnak bia in siseh, capar biazai le theihtlai pawl tialpiak ding a um ahcun zeitik caan poah ah tialpiak le thlahpiak khawh zong a si. Nan dihlak cungah lunglawmhnak le zaangfah nawlnak he- Lungleng Tlang Editor.

 

Top of Form

Bottom of Form

 

By Chuncha