Yangon (CBN News) : Myanmar sihni nih ralkap State Administrative Council (SAC) hna cu 2008 phunghram phaoh in ralkap thazang hmang i ram pakhat cozah an doh ruang ah taza cuai awk ah an auh hna. SAC taza cuai dingin NLD party nih an dirhmi Committee Representing Pyidaungsu Hluttaw (Union Parliament) (CRPH) cu ruat an si.

Myanmar Sihni phu nih Ralkap taza an cuai lai - CBN NEWS

CRPH cu international court dang dang ah SAC taza cuai dingin forhfial an si, Myanmar sihni hna nih ralkap hruaitu hna cu a fah khawhchung in sual phawt i an hruaitu bik Min Aung Hlain zong thihdan (death sentence) ing kho ding ah an ruah. “asi ning takte ah cun ralkap nih thazang hmangin cozah a doh, hi ruang ah ralkap council SAC cu supreme Court of Union ah taza cuai hrim hrim an silai” tiah an chim.

Image result for myanmar supreme court

Ralkap nih thazang hmangin 2008 phunghram an phaoh mi hna cu Articles 201, 203, 347 le 375 an si i commander in chief, Min Aung Hlaing pumpak hi state emergency thantu a si tiah sihni nih an chim.

Article 201 nih a langhtermi cu state emergency hi National defence and Security council member minung 11, President tangah ralkap bawizik rank paruknak hna, Vice president in minung 2, parliamentary speaker in minung 2 hnatlakpi nak tello in thanh khawh a silo tiah sihni nih a chim.“Nawlngeihnak an lakmi cu 2008 phunghram nih a sianhning in kan lak an ti, a sinain 2008 phunghram an buarzia taza kan cuai lai, kan tuah khawhmi paoh kan tuah lai” tiah CRPH member U Myo Naing nih a chim.

Ralkap leinih CRPH i tinhmi an zoh tik ah Ralkap cozah dohnak a si tiah CRPH member tlaih khawhnak arrest warrants an chuah. “Mipi zong lungrual te in an cawlcang, a tu kan i tinhmi cu ralkap uknak dictatorship hlonhthlet a si. mipi nih ruahnak lungkhat le awka khat in an doh awk a si” tiah U Myo Naing nih a chim.

SAC nih 2008 phunghram ah tazacuainak sang article tialmi cheukhat cu a bia an rak remh manh cang, a sinain cu an thlenmi cu CRPH nih an duhlo i mipi sin ah article an thlenmi theihpi lo dingin an cah. sihni nih an chimning ah 2008 phunghram thlen hi a cian (draft) in suai hmasat ding a si cucu parliament ah chuahpi i president nih hnatlaknak min a thut hnu lawng lawng ah phunghram ah cohlan khawh a si tiah an chim.

Note: Mipi sinah lunglawmhnak le zaangfah  nawlnak: Thawngpang News kan tialmi a kan relpiak tu ka Miphun Chin/Laimi nan dihlak cungah lunglawmhnak tampi chim cawklo kan ngei. Thawngpang kan tialmi nan kan relpiaknak thawngin a dikmi le a hmaanmi thawngpang News kan thlah{Post}khawh hi mipi nan thawngin asi.

Thawngpang  kan tialmi hi careltu mipi caah thathnemnak si hram seh tihi kan itinhmi asi. Chirhchanh {Source} kan lak hnu ah a dik mi asi lai tiah kan ruah mi kha kan Miphun Laimi Chinmi nih fawizang tein kan theih khawh cio nakhnga theihter khawh kan i zuam. Asinain vawleicung cu tlamtlinlonak a si caah chirhchanh Source kan lakmi tete hi a dik lomi a um khawh caah a dik lomi thawngpang a si tiah nan ruahmi kha zeitik caan paoh ah theihter khawh kan si i, kanmah lei zong in a dikmi thawngpang tial khawh le kan palhmi remh khawh kan i zuam lai.

Mipi nih theih ve hna seh ti na duhmi, thawngpang News siseh, Pathian bia siseh, siaherhnak bia in siseh, capar biazai le theihtlai pawl tialpiak ding a um ahcun zeitik caan poah ah tialpiak le thlahpiak khawh zong a si. Nan dihlak cungah lunglawmhnak le zaangfah nawlnak he- Lungleng Tlang Editor.

By Chuncha

Leave a Reply

Your email address will not be published.