Zahan zaan cu midang caah bawmhnak ka pekmi le kan nunphung thanchonak caah keimah pumpak phaisa ka hmanmi cazin ka tuah, hringtu ka pa motor ka cawk piakmi telh ahcun ting thongkhat leng a si cang. Langhter awk a tha lomi zong tampi a um.

Image may contain: text that says "Bawmhmi CNF/A chungkhar CACC tuahmi Idol winner laksawng Talent(USA) 2017 Zephai Lai 2017 2018 13 2019 2019 2019 Xmas laksawng chungkhar 15 Xmas laksawng Futsal bawlung puai zuamnak voi Lai paih voi 2nak Chin Miphun Ni Lai paih laksawng Vuangtu Lai zuamnak tuahmi Zophei Leitak tuahmi paih A ka riantuantu motor cawk piak Hakha & Thantlang khuate bawmh Vuangtu Uni lentecelhnak Hringtu ka Prado cawk piak Chin Person of Year Lian Η Sakhong Amount 2,500,000 5,000,000 1,400,000 1,000,000 1,000,000 6,000,000 7,000,000 11,000,000 1,500,000 1,000,000 1,400,000 1,000,000 31,500,000 10,000,000 1,400,000 31,000,000 2,000,000 115,700,000 16 17 2019 2020 2020 2017 2016"

February 12, 2014 London ka phak lio ah phaisa ting thongkhat ka ngei kho te lai timi ruahnak ka rak ngei rih lo, nain tuchun ah cun midang caah keimah phaisa ting thongkhat leng ka hman khawh cang. Pathian nih ka ruah lo leng in thluachuah aka pek. Bawmhnak ka tuah hi tukum lawng in aa thawkmi a si lo, bawm khotu dirhmun ka phak 2016 thawk in ka si khawh tawk bawmhnak ka tuah cang. Atu cu kum 4 leng a si cang. Ngah than ding ruahchannak ka ngei ruang ah bawmhnak ka pek zong a si lo, midang lunglawmhter hi kaa lawmhnak sang bik a si caah ka ti khawh tawk bawmhnak ka tuah theu hi a si.

Image may contain: 1 person

Atu cu Chin miphun caah kau deuh in le hmual ngei deuh in rian tuan ka duh i kaa tim fawn, Thantlang peng mipi nih nan caah riantuan ding nan ka duh le duh lo biachahnak tuah ding ni caan a phan cang. Hi lamthluan ah cun mipi lungtlinpinak(mandate) ngeih hmasa a herh. Khua fak piin tuak hnu ah vote pe hram u.

Relchap <<By Salai Lungthli Tum: Fimcawnnak le rum kawlnak hnu in ram le miphun ca pumpeknak lamthluan lei ah; Caan sau ngai khua ka ruah hnu ah tukum thimnak ah Thantlang peng Pyine No.2 in luh ve ding biachahnak ka tuah, ka nu le ka pa zong nih thluachuah an ka ham piak cang. Fimcawnnak ah India college tha bik a si vemi Loyola College in bachelor ‘first class’ ka dih, ka chunmang a simi England zong ah MBA ka dih fawn. Pumpak rumnak chawva zong ka kawl than i ka tinhmi dirhmun cu ka phan cang. Atu hi ram le miphun caah ka sining dihlak ka pek caan a si cang tiah ka ruah. Ram le miphun caah saduhthah tampi ka ngei ve, nain ka saduhthah tlinter ding ah midang rinh awk an tha lo timi fiang tein ka theih. Hi ruang ah keimah pumpak hrimhrim luh ka tim hi a si. Independent in ka luh lai caah MP ka tlin ahcun vuanci le CM tibantuk cu tutan ah ka ngah lai lo a fiang. Nain, MP pakhat dirhmun in ka si khawh tawk Chin miphun dihlak caah riantuan kaa zuam lai. Khuate ka kal tik zong ah ka tuah khawh ding lawnglawng bia ka kamh hna lai.

Image may contain: 1 person

Kaa tinhmi hi tuhnu kum 5 ca lawng ah a si lo, MP sawhsawh va tuan lengmang ding zong a si lo. Chinram caah ka saduhthah ka tlinter khawhnak ding caah cun Chief Minister tal ka si te hrimhrim a hau. Kum 15 maw kum 30 tiang a rau kho .Suu Kyi cu ka uar tuk, ka thih hnu tiang zong ah ka upat ko lai. Nain, ‘central power’ a tam tuknak party NLD ah cun zeitik hmanh ah luh kaa tim lo. Doh zong ka tim fawn hna lo, an tlamtlin lonak belte cu ka phuan pah te ko lai. Bawmh khawh tawk zong bawmh ka timh fawn hna.

Cun, CNLD bantuk in thutnak ngah duh ah miphun min zuar kaa tim bak lo. Ka party ah Chin ka telh(te lai) ruang ah vote pek ding ka si lai lo, ka tuahsernak tuanbia le miphun ka dawt le dawt lo ruang deuh ah vote pek or pek lo ding a si lai. Pumpak hlawknak caah si loin miphun caah riantuan a duhmi poahpoah he rian ka tuanti lai, hawikom ka ser hna lai. Nain,pumpak hlawknak a duhmi belte cu hrial an si lai. Keimah meehmun ah aa cuh ding hi Dr. Hmuh Thang, Saya Rung Kaw le MP Ni Sui Lian an si. Miphun a dawmi lawngte an si ve. Keimah caah harnak tampi a um lai, nain a dikmi zumhnak a um ko ahcun teinak a um hrimhrim lai tiah ka zumh. A donghnak ah, MP ka tlin ahcun ka ngahmi hlawh fangkhat hmanh kaa lak lai lo. Keimah nak a herh deuhmi sifak harsa bawmhnak caah a dihlak in ka hlut lai.

By Chuncha