Covid-19 zawtnak khamhnak caah tangka 1,900,000 Kyats pe tu Myanmar Hlasa Minthang May La Thanzin.Myanmar ram mipi tamngai nih tha pekmi chanthar mino hlasa minthang May La Thanzin nih Covid-19 zawtnak khamhnak caah tangka 1,900,000 Kyats cu bawmhnak a pek tiah theih asi. Naypyitaw siizung pi (1000 beds) ah PAPR thilri cawknak caah 700,000 Kyats cu September thla 24 ah bawmhnak a pek lawng si lo in Yangon i Yoma Inn (Facility Quarantine Center) ṭuanvo ngei tu pawl asi mi ngandamnak lei rianṭuantu le bawmchantu minung 75 caah 1,200,000 Kyats maan thilri pawl cu bawmhnak a rak pek hna tiah Yoyarlay cherhchan in theih asi.

May La Thanzin မေလသံစဉ် ( ၀ါဆို Cover Song) Chords - Chordify

Thawngpang dang>> US ram ah ramkulh 52 a um. Cu ramkulh hna i an milu sining zoh in President thimnak ca ah a thimtu phu electoral college timi an um. An dihlak minung 583 an si. US rampi ah mee tambik a ngahtu hi President a si lai tiah chim awk a tha lo. 2016 kum zong ahkhan Democratic party lei in Hillary Clinton nih Republican in Donal Trump cu mipi mee in a tei. Ram pumpi huap ah Hillary Clinton nih ram pumpi huap ah Trump kha meefung 3 million hrawng in a tei.

Trump-Biden debate topics released ahead of their first head-to-head matchup

Asinain, ramkulh cio in thim mi President le Vice-president thimtu phu minung 538 chungah 304 nih Trump an thim i, minung 227 lawng nih Hillary Clinton an thim ca ah Trump nih a rak teinak kha a si. President Donald Trump nih a hnubik biakhiak khotu State biapi deuh pawl ahhin electoral college ah biatak ngai in ai zuam ruang ah teinak a hmuh hi a rak si. A tubantuk in electoral college hmang in President thimnak timi hi kamkhat lei ah thatnak a um nain, a that lonak zong a um ve ti a si. Asinain, US ram an rak dirhka tein electoral college an rak hman ca ah mi zapi nih an upat i, an cohlan peng mi phung a si.

Trump lashes out at Biden as 'the weakest mentally' as both travel to Iowa  - ABC News

US ram ah President thim tikah, eletoral college ah hram aa bunh ca ah rampi nih an thimmi nakin, State ai-awh in thimnak tu ah hmual a ngei deuh. US ram president thimnak tuanbia ahhin ram mipi nih Presidential Candidate pawl mee an pek mi hna le electoral college nih a thim mi hna hi ai khat tawn nain, a luancia president thimnak voi 5 tiang zoh ahcun voi 5 chung ah voi 2 cu an i khat lo. State cio ah President le Vice President thimtu palai pawl cu zeitindah an thim hna? US ram ah Maine State le Nebraska State dah ti lo, US ram state 48 ah mee tambik a ngah tu President candidate nih hin electoral college hi teinak an hmuh tawn.

Hi chung ah a biapi ngai mi State an um i, cu hna cu battleground states tiah an kawh hna. Nang maw kei tiah zuamcawh a sannak state hi swing states ti zong an kawh ve. Hi state pawl ahhin Republican le Democratic mee petu hna cu zatphut in an um tawn. Florida le Ohio states hna hi zatphut in mee an tluk tawnnak hmun an si tawn. Tutan thimnak ahin cun a hlan Republican nih teinak arak hmuh tawnnak Arizona state le Texas ahhin Democratic an thawng deuh ngai cang ti a si. Cu ca ah Florida, Ohio, Arizona le Texas ramkulh pawl hi swing states an si kho tiah zumh a si. – Pehthan ding.

Presidential debate: Trump, Biden to face questions on coronavirus and  Supreme Court

Note: Mipi sinah lunglawmhnak le zaangfah nawlnak: Thawngpang {News}kan tialmi a kan relpiak tu kan Miphun Chin/Laimi nan dihlak cungah lunglawmhnak tampi chim cawklo kan ngei. Thawngpang kan tialmi nan kan relpiaknak thawngin a dikmi le a hmaanmi thawngpang {News} kan thlah{Post}khawh hi mipi nan thawngin asi.

Thawngpang kan tialmi hi careltu mipi caah thathnemnak si hram seh tihi kan itinhmi asi. Chirhchanh {Source} kan lak hnu ah a dik mi asi lai tiah kan ruah mi kha kan Miphun Laimi {Chinmi} nih fawizang tein kan theih khawh cio nakhnga theihter khawh kan i zuam. Asinain vawleicung cu tlamtlinlonak a si caah chirhchanh {Source} kan lakmi tete hi a dik lomi a um khawh caah a dik lomi thawngpang a si tiah nan ruahmi kha zeitik caan paoh ah theihter khawh kan si i, kanmah lei zong in a dikmi thawngpang tial khawh le kan palhmi remh khawh kan i zuam lai.

Mipi nih theih le hngalh ve hna seh ti na duhmi, thawngpang {News} siseh, Pathian bia siseh, siaherhnak bia in siseh, capar biazai le theihtlai pawl tialpiak ding a um ahcun zeitik caan poah ah tialpiak le thlahpiak khawh zong a si. Nan dihlak cungah lunglawmhnak le zaangfah nawlnak he- Lungleng Tlang Editor.

By Chuncha