Kawlram khuakip ah a thong thong in Mipi an chuak cang. Ralkap uknak hi “overthrow” hloh dingin ready an si cang. MIPI cu an chuak cang i, biapimi cu Hruaitu an si. Tutan ahhin 2008 phunghrampi hi thah/destroy lawlaw in, Mipi nih uknak lak lawlaw a herh lio caan a si. Example ah, Mipi thazaang hmang in, NLD kha interim Cozah thar dirh ter in, cun, UN Ralkap/ peacekeeping pawl kha, National security caah request tuah colh kho hna sehlaw, cun Ralkap lutlai/ leaders vialte kha tlai viar hna sehlaw, cuticun Ralkap telh bak loin, Democracy ram thar a dirh khawh nakhnga ruahnak/ thluak chuah a herh lio caan te a si.

May be an image of 1 person, walking, standing, crowd and outdoors

Cucaah, tlangpar/ethnic lei hruaitu vialte an si ah, Kawlrawn lei an si ah, Zeitindah Ralkap uknak hi kan hloh/ destroy lai i, Zeitindah Mipi duhmi Cozah thar kan dirhning a si lai tbk, cun, zeibantuk buu ahdah kan ifuntawm chung a herh tbk pawl hi ttha tein an iruah cia a herh bak lai ka ti. Democracy le Federalism a duhmi vialte, kan pale/ leaders pawl hi thate in an ifun/tawm khawh lo ahcun, tulio Mipi thazaang hi a lak a si kho. Kan hruaitu/ leaders pawl nih hin Mipi thazaang hi a hman zia thiam hram hna seh timi hi ka thlacamnak a si. Credit: Za Sang Cinzah

Kawlram Cozah Riantuantubhna Sinah Ralrin Peknak: Kawlram phone/internet a ngah le cangka in Rangon i cozah rian a tuanmi ka hawipa he kan i chawn! Cozah riantuantu hna nih Civil Disobedience an tuahmi hi ralkap nih an tih tuk cang le Naypyidaw i cozah riantuantu cheukhat hna cu an zungkainak ah an hren hna! Inn ah an lawiter duh hna lo! An lawiter hna ahcun zung an kai ti lai lo ti an phang! Cucaah cozah riantuantu hna, hrenmi ah aa tel rih lomi hna cu zungkai ti lo ah a tha, tiah ka hawipa nih a ka chimh! Hi kong hi Online ah post lo dingin ralkap lei nih an ti hna! Cucaah keimah a vun ka chimhnak a si! Mahca cun ka hawipa min zong ka langhter lonak a si! Credit: Chin Post

May be an image of one or more people, people standing, road, crowd and text that says "E-26305"

Hi bantuk in thinlung ruahnak a ngeihmasa i ram dawtnak thinlung taktak in Malaysia harsa dirhmun in hi zat kut samh hna cu zohchun an tlak hrim. kan lungput kan langter mi nih thiltha tampi a tuah khawh hrim lai. Yangon lamzawhtu hna dinti/eidin cawkpiaknak ca ah Malaysia um Nu Ngun Hlei Iang te chungkhar nih ka sin ah 100,000 MMK a rak kuat. Thaizing ah Rev. Uk Ling Thang le mino pali-nga he Hledan le Sule ah dinti kan phawt hna lai.

Ralkap uknak dohdalnak ah alangtlang in Kawlram mipi ca ah chawva a hlutu Nu Ngun Hlei Iang cung ah kan i lawm hringhran. Thaizing Hledan le Sule ah a phanmi Lai mino nih dinti phawt bawmh na kan duh ve ahcun ka messanger in pehtlaih khawh ka si i, phone number zong chiah ta u law Sule le Hledan kan phak in kan in chawnh hna lai. Credit: Salai Zing Bawi

Write, call, or both, to your Congressman/MP and Senators: RAMLENG UMMI NIH A RAN NAK IN TUAH DING: Tuzanlei ah US Senators 14 nih Secretary of State (US ramdang lei minister) kha ca an pek. Burma ram kong ah biatak te in le fakpi in hma lak a hau. Cu ti hmalak nak na tuah nak ah aherh ning in kan in dirpi lai timi ca an chuah. Tuchun ah US I kan hawile asimi Burma ram kong ah kumtampi rian kan ttuantti mi hna nih President Biden nih Burma ram he pehtlai in Executive Order a chuah khawh nak ding ah thil sining rak chim ding in an kan sawm caah zeibia dah kan chim ah athat lai timi konghe pehtlai in biaruah nak kan nei kho. Cu kan hawi le nih White House ah President Biden cu Burma ram thil acang mi kong he pehtlai in bia an va ruah lai.

Cu pin ah US Senate ah bia an va ruah rih hna lai I State Department zong ah bia an va ruah hna lai. Covid 19 Pandemic lio asi caah kan mah kan kal kholo. TUAH DING: US aum mi nih nan mah le nan um nak cio I senators pawl le Congressman pawl kha phone in chawn hna u asi lo ah email/ ca kua hna ulaw Burma ram thil a cang mi kong ah hmul a nei bik in rak kan ttanpi u tiah catial, phone chonh, email kuat ding an si lai. State kip in rak tuah cio ding asi lai. Cun Australia I a um mi zong nih mah ti ning cu rak tuah ve uh. Europe le ka dangdang I a um mi ramleng I aum mi poh nih mah cu rak tah u. Zei caah dah mah cu kan tuah ahauh?

UN Secretary General hrimhrim nih Kawl ralkap nih uknak an lak mi hi hma kal kho lo ding in ramkip nih kan izuam lai ati. UN nih Burma ram ah biapi taktak minung pahnih a thlah mi hna an um. 1. Cu UN Secretary General Special Envoy to Burma ti asi I Politics kong he pehtlai in a tlai mi asi. UNO General Secretary nih direct in a mah aiawh ah athlah mi asi. Mah cu nu cu Switzerland nih Thailand ah Ambassador a rak ttuan mi nu asi. A vapa zong Switzerlannd nih Burma ram ah an rak thlah mi Ambassador asi. Nizan UN Security Council nih thanhca an chuah mi ah Security council nih mah Envoy nu hi rianfak pi in a ttuan khawh nak ding ah kan dirpi lai ti asi.

A dang pakhat cu nuhrin covo lei ah UNO nih Burma ah a thlah mi UN Special Rapporteur on Human Rights on Burma ti asi. Mah cu nu zong cu tu UN Security council ah direct in Burma ram kong report a pe mi asi. UN Secretary General Special Envoy office he pehtlai te in kan ichawn kho. Ahlan te in a rak ithei hngal mi kan si caah. Asi khawh chung in Ralkap uknak Burma ah a um than lo nak ding ah an izuam. Rian fakpi in an ttuan cuahmah. UN Special Rapporteur on Human rights zong tu chun ah CHRO nih brief kan tuah. An mah office zong pehtlai te in kan I chonh peng mi an si. Kan mah mipi ramchung ramleng biatak te in kan ttan tti abiapi. Kan ti khawh nak lam cio in fak pi in thazaang chuah hna usih. Ralkap nih uknak an lak mi a hram a thlak hlan ah kan phuk a hau. By Salai Bawi Lian Mang

Kawlram buaibainak kongah Fundraising a phunphun an chuah. Pumpak in siloah theih bal lomi zong nih Kawlram democracy sandahpiahnak caah tiin halnak a chuah kho. Fundraising a tuahmi paoh zumh lo ah a tha. USA ah a si ahcun tha tein NGO register a tuahmi asi maw, cun aho pawl dah fundraising tuahnak ah an itel ti zoh ta lengmang a hau. USA zongah gofundme in phaisa hlutnak a tuahmi lakah a deu siloah mitha lo hna siloah an mah pumpak caah an i lakmi an um pah lengmang caah iralrin thiam ngai a hau. Pekchan duhnak thinlung put hi a tha tukmi a si. Kan phaisa U$ 1 te zong asi ah mihrokhrol hna sinah a phan lo ding zong hi abiapi ve. By Salai ZT Lian

By Chuncha

Leave a Reply

Your email address will not be published.