Myanmar i nawlngeitu hna nih cozah le ralkap sawisel le an rianttuanmi cung lungtlin lonak daihnak tein a langhtertu siangngakchia pawl tlaih le tazacuai hi cu nuhrin covo buar a si, tiah Human Rights Watch nih zahan ah khan an website ah an ttial. siangngakchia cung i tazacuainak le vialte hi a rannak in an hlawt i siangngakchia lei in zeibantuk biakamnak hmanh um lo in chuah hna u, an ti.

World Bank Project Puts $100m Toward Education in Burma The Irrawaddy

Ramkip huap in a tlawmbik siangngakchia 20 hi atu cozah rianttuan ning an lungtlin lonak le ralkap an duhlonak daihnak tein an langhter ko nain tlaihmi an si. Cu lakah Coronavirus lio a si pinah minung covo a simi Information hmuh khawhnak lam Internet phih a tongmi Rakhine le Chin State cheukhat ah a rannak in Internet on piak ding “All Burma Federation of Student Unions” (ABFSU) nih an aupimi a si.

Chinram Paletwa le Rakhine i Internet phihmi kong hi Chin Human Rights Organization (CHRO) zong nih biatak ngaiin an chimrel ve. Ramkip um Chinmi bu hna zong nih hi kong hi ruah a herh ngaimi a si hnga lo maw?

Pin on VISLANG: 180901 New York Times


Thawngpang dang>> White House i Rose Garden ah republican senator cheukhat le mi tlawmpal hmai ah president Donald Trump nih rak ruahning bantuk in Amy Coney Barrett cu Supreme Court i chantlung biaceihbawi caah aa thimmi a fehter.

Amy C. Barrett cu Roman Catholic a si pinah Conservative a si caah Supreme Court cu Conservative asiloah phungdang in chim ahcun Republican party politics a dirpimi, an politics he aa tlak in upadi a let, a thal le bia a ceih ding a si cang lai.

Trump Picks Judge Amy Coney Barrett as Supreme Court Nominee: Live Updates  - The New York Times

Senate ah Senator 100 an um i Republican 51, Democrat 47 le Independent 2 an um. President nih a kut tang rianttuan ding ah a duhmi paoh a thim khawh hna nain Senate nih an hnatlakpi a hauh caah amah party pawl an tamdeuh a si ahcun a duhmi a tling (peng). Cucaah tutan zong a saduhthah tlin dawh a si ko.

Amy C. Barrett hi kum 48 lawng a si rih i a thih hlan lo a duh can ttuannak nawl a ngei lai, an thim ahcun. Cun kum saupi chung cu Republican lei duhnak deuh in bia a ceih ding Conservative Biaceihbawi an lal lai tinak a si.

Trump has decided to select Amy Coney Barrett for the Supreme Court

Note: Mipi sinah lunglawmhnak le zaangfah nawlnak: Thawngpang {News}kan tialmi a kan relpiak tu kan Miphun Chin/Laimi nan dihlak cungah lunglawmhnak tampi chim cawklo kan ngei. Thawngpang kan tialmi nan kan relpiaknak thawngin a dikmi le a hmaanmi thawngpang {News} kan thlah{Post}khawh hi mipi nan thawngin asi.

Thawngpang kan tialmi hi careltu mipi caah thathnemnak si hram seh tihi kan itinhmi asi. Chirhchanh {Source} kan lak hnu ah a dik mi asi lai tiah kan ruah mi kha kan Miphun Laimi {Chinmi} nih fawizang tein kan theih khawh cio nakhnga theihter khawh kan i zuam. Asinain vawleicung cu tlamtlinlonak a si caah chirhchanh {Source} kan lakmi tete hi a dik lomi a um khawh caah a dik lomi thawngpang a si tiah nan ruahmi kha zeitik caan paoh ah theihter khawh kan si i, kanmah lei zong in a dikmi thawngpang tial khawh le kan palhmi remh khawh kan i zuam lai.

Mipi nih theih le hngalh ve hna seh ti na duhmi, thawngpang {News} siseh, Pathian bia siseh, siaherhnak bia in siseh, capar biazai le theihtlai pawl tialpiak ding a um ahcun zeitik caan poah ah tialpiak le thlahpiak khawh zong a si. Nan dihlak cungah lunglawmhnak le zaangfah nawlnak he- Lungleng Tlang Editor

By Chuncha