Atu lio Covid-19 thanwgpang cu a kan lauter chin ko, Kawlram labang cu nitin in zawtnak thar le a thimi an karh chin cuahmah lio a si. Damnak i thlopnak dingah in vawlei cung pi theih in sii public hmang kho ding thanhnak an tuah rih lo tikah mi zarang cahcun a fawi te lo mi a si. Atu lio an hmang cio mi sii hi cozah lei long nih mah ram in ruahnak in atha timi an chuahmi hmang cio a si.

India nih Covid-19 Sii 3000 Myanmar sinah a pek ti thawng kan theih i, lawmh a um hringhran. Mah hi Myanmar le India rualremnak langternak caah India nih Myanmar Covid-19 dohnak, bawmchannak caah tiin Covid-19 sii Remdesivir dawng 3000 a pek tiah theih a si.

Foreign Secretary Shri Harsh V Shringla le Chief of Army Staff cu Myanmar ah a rak tlawng i, Remdesivir 3000 hi State Counsellor Daw Aung San Suu Kyi sinah an hlanh tiah thawng theih a si. @Embassy of India Yangon, Myanmar

Relchap>>> Electoral votes ah hin i tluk khawh a si caah, election ah hin i tluk a um kho ve ko. Electoral College ah i tluk a um ah cun, biachahnak nawl hi House of Representatives thutdanh a tingcomi kut ah a um lai i, state kip nih an vote mi cu unit pakhat ah ai hman ve lai.Hi kong hi Constitution ah cun a dikdiar in langhter a si lo nain, state kip aiawhtu phu nih cun an duhmi candidate kha vote an pek lai, tiah Yale University ah law le political science prof. a si mi Akhil Reed Amar nih a chim. State aiawh phu lak nih vote an pekmi zongah an i tluk ko rih a si ah cun, state vote hi san a tlai ti lai lo. Candidate nih buan a co khawhnak dingah cun a tlawmbik vote 26 a hmuh a hau. A tutiang ko rih ah cun Republicans nih 26 state delegations ai uk rih hna i, Democrats lei nih 22 ai uk ve hna. Pennsylvania belte nih Republican le Democrats delegates ai zat veve in a ngeih hna. Michigan nih cun Democrats 7, Republicans 6 le independent 1 ai ngeih hna. House seats vialte hi election kong lai a reltu a si caah, Nov. 3 thimnak a khupthal a let khotu taktak cu hi state delegations hi a si. Vice President kong i biachahnak belte cu a thar in thimmi Senate kut ah a um i, senator pakhat cio nih vote an thlaak ding khi a si. A donghnak ah cun, cu ti vote an thlaknak kongah buaibainak hna a um pingpang belte le, Supreme Court ah an langhter te lai.

Note: Mipi sinah lunglawmhnak le zaangfah nawlnak: Thawngpang {News}kan tialmi a kan relpiak tu ka Miphun Chin/Laimi nan dihlak cungah lunglawmhnak tampi chim cawklo kan ngei. Thawngpang kan tialmi nan kan relpiaknak thawngin a dikmi le a hmaanmi thawngpang {News} kan thlah{Post}khawh hi mipi nan thawngin asi.

Thawngpang kan tialmi hi careltu mipi caah thathnemnak si hram seh tihi kan itinhmi asi. Chirhchanh {Source} kan lak hnu ah a dik mi asi lai tiah kan ruah mi kha kan Miphun Laimi {Chinmi} nih fawizang tein kan theih khawh cio nakhnga theihter khawh kan i zuam. Asinain vawleicung cu tlamtlinlonak a si caah chirhchanh {Source} kan lakmi tete hi a dik lomi a um khawh caah a dik lomi thawngpang a si tiah nan ruahmi kha zeitik caan paoh ah theihter khawh kan si i, kanmah lei zong in a dikmi thawngpang tial khawh le kan palhmi remh khawh kan i zuam lai.

Mipi nih theih ve hna seh ti na duhmi, thawngpang {News} siseh, Pathian bia siseh, siaherhnak bia in siseh, capar biazai le theihtlai pawl tialpiak ding a um ahcun zeitik caan poah ah tialpiak le thlahpiak khawh zong a si. Nan dihlak cungah lunglawmhnak le zaangfah nawlnak he- Lungleng Tlang Editor.

By Chuncha