Tutang  thimnak ah Kawl ralkap nih thahrut in nawl ngeih nak an lak hnu ah kawlram cu buainak in a khah.Cu ve bantuk cun vawleicung hmunkip ramkip ah a um mi Myanmar miphung vialte nih Duhlo nak langter ve asi. Hi kong he petlai in US president Joe Biden zong nih cathanh an chuah ii, Senate minung 14 zong nih cathanh an chuah cang.

Image result for un general secretary antonio guterres

Tutang ah Thawngpangtha ngai pakhat asi mi cu, UN lei in thawngpang hi asi.Tuzing ah khan UN Secretary General Antonio Guterres nih Washintong Post sin ah hi ti hin a chim.Tutang ii  Myanmar ralkap an thil tuah mi hi kan cohlan kho hrim  loh. Kanmah zong tha tein ton biaruahnak voikhat kan ngei cang. Kanmah nih a zapi tein tuanvo kan I lak lai tiah a chim.

Image result for un general secretary antonio guterres

Hi Buainak hi daih ter sawhsawh men lawng si loin Ralkap pawl an I timh mi le an riantuan ning vialte ton biaruahnak kan ngei hna lai. Cun Ram cu daih nak le normal tein a kal tthan khawh nak hnga ralkap Nawl ngeih nak vialte cu a sungh pek asi lai tiah a chim.

Uknak ttha lo a chuah tikah innchung ah umphung a si tilo/I benh phung a si tilo. Lengah chuah in lam cungah sandahpiah dih a hau cang. Sandahpiah cu a phun2 a um ko lai. San an tlai dih cio ko lai. Nan Kawlram sining tuak tik ah lamcung bak ah chuah in sandahpiah a hau. Mi tampi nih nan I thawh I atuchan cu social media chan a si I minung kan fim tuk cang. Thil ttha lo le din lonak thuh khawh a si ti lo ruangah uknak hi a thleng zau ko lai tiah nan zumh. Uknak thleng zau cu kan dihlak te duhbikmi a si ko. Nan cucu a tak ah fawi dawh a si ti lo. Kum tampi rau dawh a si cang. Ralkap butkedanh hnawtpiak le ralkap tang 3/4 awnglo pawl kha boss le sayakyi ti auh in kum tam nawn hmang rih dawh kan si ko hi. Kum 60 chung nawn a phunphun in duh lonak kan langhter nan thlengnak taktak cu a chuahpi kho lo tikhawh a si. Curuangah atutan cu fak chinchin in kan I zuam a hau lai.

Laimi (Chinmi) le Kawlram miphun dang, politics kan kalnak lamthluan ahhin fimkhur tein le ralring tein kal cang hna u sih. Trump cu palhttanh in kan ttanh tuk ruangah kanmah cungah Myint Aung Hlaing hmang in dantatnak kan tong cang hi. Kan lung a fim rih lo. Trump, Than Shwe le Myint Aung Hliang te pawl lungput le ziaza le kalning cu a khat bakte an si tiah voi 6 leng ka rak ti cang kha. Trump a hlawh tling lo. Myint Aung Hlaing teh a hlawhtling ve lai maw? Atutan uknak ttha lo nan auhmi cu bel le kheng tum, le a phunphun in tthawl nan I zuam nan thlengnak taktak a chuahpi lai maw chuahpi lai lo theih khawh a si rih lo. Atutan I ralkap uknak tthalo, langngam ti loin nan tthawl khawh lo ahcun ruahchannak a um tilo tluk a si cang ko. Zungzal in ralkap kut tangah nan um a hau ko lai. Keicu beiseinak ka nei tuk lem lo. Ka pehtthan te lai. Credit: Van Tum

By Chuncha

Leave a Reply

Your email address will not be published.