Atu lio cu 2020 Rampi election kong Facebook cahmai a khat ko, alar taktakmi cu NLD le CNLD an hmuh ning le zei nih dah teinak a hmuh lai timi kong chin ceih lio pi a si. Cheukhat nih mah nih tanhmi party lawng athatnak luakchuak tiang in chim rel kan hmang i ca rel zong a nuam phah lo nak a um pah. Zei maw zat Laimi kan lung a fim ngai ko rua ka ti. thimnak ah hin kan caah zeizah an tha lai ti cu facebook in au lennak in anmah nih duhthimnak a tuah kho mi an tam pi ngai tiah theih a si. Khua te lei zong hi a lung fim mi kan tampi ko e an ti. kan duh mi hi a khat pah ngai hna, Cu ahcun atu lio NCA kan pa le nih an kalpi mi hi Chinmi nih kan duh bik mi le kan i tinh bik cuu a si ko caah mah an riantuannak hi mipi nih tha kan pek tuk ding khi a si ko.

Kawlram ah a dikmi federal of democracy a chuah khawhnak dingah cun, NCA thawnter aherh.
A ruang cu kum 2008 phunghram remhnak caah le adikmi federal of democracy sersiam nak lam um Chun cu NCA cawlcanghnak lawng hi asi. Cu caah kawlram ah hin adikmi federal of democracy chuak hrimhrim seh ti na duh taktak ah cun, NCA hi tthawnter i zuam. Credit: Peng Thawng

Avoi 4nk 21st Century Panglong Peace Conference ah an halmi “Union Accord Part III” cu August 20th ah cohlang a si cang i, a donghnak ni ah cohlangnak minthut a si lai tiah President Office in biachimtu nih a phuan. Union Accord Part III ahhin Nationwide Ceasefire Agreement (NCA) tlamtlingter ding, election dih hnu ah cawlcangh ning ding le basic Federal principles pawl an si. Fiang deuh in langhter ahcun:

1nk ah NCA hnatlaknak ah points 15 a ummi tlamtlingter ding, 2nk ah 2020 election dih hnu ah step by step in points 8 tlamtlingter dingmi le, 3nk ah Federal union ah Basic principles guidelines points 4 hna hi an itel tiah Global new Light of Myanmar nih a langhter. Avoi 3nk Conference an rak tuah hnu khan “51 federal-related basic principles/Federal he aa pehtlaih principles 51 hi thate in hnatlaknak an ngeih khawh cang tiah Xinhuanet nih a langhter.

Union Accord Part III cohlangnak ahhin Chinmi in Dr. Lian Hmung Sakhong min a thut ve lai. Dr. Lian Hmung Sakhong hi UPDJC ah Vice–Chairman a si i, UPDJC ahhin NCA-S EAO lei aiawh in aa tel. Cucaah, “NCA-S EAO aiawh in Union Peace accord ( p3) minthu ding ka si caah ka lawm” tiah a Facebook ah a ttial. By Zasang Cinzah

Note: Mipi sinah lunglawmhnak le zaangfah  nawlnak: Thawngpang {News}kan tialmi a kan relpiak tu ka Miphun Chin/Laimi nan dihlak cungah lunglawmhnak tampi chim cawklo kan ngei. Thawngpang kan tialmi nan kan relpiaknak thawngin a dikmi le a hmaanmi thawngpang {News} kan thlah{Post}khawh hi mipi nan thawngin asi.

Thawngpang  kan tialmi hi careltu mipi caah thathnemnak si hram seh tihi kan itinhmi asi. Chirhchanh {Source} kan lak hnu ah a dik mi asi lai tiah kan ruah mi kha kan Miphun Laimi {Chinmi} nih fawizang tein kan theih khawh cio nakhnga theihter khawh kan i zuam. Asinain vawleicung cu tlamtlinlonak a si caah chirhchanh {Source} kan lakmi tete hi a dik lomi a um khawh caah a dik lomi thawngpang a si tiah nan ruahmi kha zeitik caan paoh ah theihter khawh kan si i, kanmah lei zong in a dikmi thawngpang tial khawh le kan palhmi remh khawh kan i zuam lai.

Mipi nih theih ve hna seh ti na duhmi, thawngpang {News} siseh, Pathian bia siseh, siaherhnak bia in siseh, capar biazai le theihtlai pawl tialpiak ding a um ahcun zeitik caan poah ah tialpiak le thlahpiak khawh zong a si. Nan dihlak cungah lunglawmhnak le zaangfah nawlnak he- Lungleng Tlang Editor.

By Chuncha