2020 kum thimnak he pehtlai in Chin National Front sin in thawngthanhnak. November 8, 2020 ah tuah ding mi Myanmar ram thimnak he pehtlai in CNF nih thawngthanhnak cu September 7 ah an tuah. Hi thawngthanhnak chung ah a bik in langhternak a tuah mi cu tanglei bantuk in asi. 1.Myanmar ram thimnak he pehtlai in November thla ah tuah ding mi cu lunglawm tein kan don i zauk phung ning zulh in a thiang mi le tlukrualnak in thimnak tuah ding forhfialnak.2.CNF cu mah tein khuakhan lairel khonak nawl, miphun tlukrualnak le zauk phung he a tling mi Federal Democratic Union serhchuah khonak caah remdaihnak lei ramkhel biaruahnak lam in aa zuam cuahmah lio asi bantuk in cu lamthluan lei hmuitinhnak lei hoih in a ṭuan ve mi zeibantuk ramkhel bu siseh, pumpak in siseh hmunkhat tein ṭuan ṭi ding timh cia asi;

3.2020 kum thimnak he pehtlai in cheukhat ramkhel bu siseh le pumpak in siseh CNF nih ca chuah mi le dirhmun langhternak cathluan pawl cu nawl halnak le theihternak um lo in a cheuchum in siseh, aa lo nawn in siseh lak in 2020 kum thimnak ah teinak hmuh kho ding caah mah duh poh in lak le ṭial mi pawl cu hmuh le theih asi. Cu asi caah, kha bantuk pawl cu ningcang lo in lak piak le hman piak lo ding theihternak thawngthanh le; 4.Cu lawng si lo in vawlei cung ramkip nih temh in mi Covid-19 zawtnak aum lio asi caah 2020 kum thimnak aa zuam ding ramkhel bu le pumpak nih cio nih Union Election Commission nih nawl chuah mi zulhphung ning tein cawlcang ding le CNF nih nawl ngeihnak hmunhma pawl ah cawlcang ding mi kong cu CNF ṭuanvo ngeitu upa pawl sin ah ningcang tein theihternak tuah ding in forhfialnak tuah asi.Credit:CCN

Image may contain: 2 people, people sitting and indoor, text that says 'ပူးဇင်ကျုံး Pu Zing Cung BOSCH ဗိုလ်မှူး Col.'

Hakha thawngpang kan rak nawlh ttha <<Kan innchung in a leng chuah tik ah hmur-kaa huh i huh ding. Kan i huh tik zong ah Ngandamnak Zung nih dingrep a ser ning tein i huh ding. Mibu in hnianghrawn lei siseh, Zaanglek (pumpululh telh) lei tuah siseh, Hakha Peng chung i tiva pawl ah ngahring dawi le ti i lio siseh, cun mizapi nih hman mi hmun nuam pawl ah mibu in um lo le tuah lo ding.  Company le a dang chawletthal hna nih mibu in tuah mi thil zuar le thil phawtzamh nak tuah lo ding.Eidin dawr, rawl dawr le tamhnak dawr pawl zong Ngandamnak Zung nih nawl a chuah mi ning in dawr hon le zuar ding.

Biakinn zong ah Ngandamnak Zung nih dingrep a ser ning tein zulh ding.Kan inn pawngkam hrawng ah ramdang in a rak tlung mi, Stay At Home an tuahnak Peng in a rak tlung mi ramdang mi, COVID-19 zawtnak a ngei ko lai tiah lungrumh mi pawl Hakha Peng chung ah an rak luh a si cun aa pehtlai mi sang upa le cozah lei ah thawngthanh ding. Ramdang in Hakha ah a rak lut mi poh an phak ni in ni 21 erhkhumh (Facility Quarantine) ding.Coronavirua Disease 2019 runvennak ca ah Hakha khualuhnak hauka in ngandamnak lei zohfelnak tuah lio a si i zohfelnak tuah tik zong ah lunglawm tein cohlan ding. Cun, nawl chuah mi le dingrep tuah mi pawl mizapi lei nih tha tein zulh khawh i zuam ding. Credit:HCRC

Note: Mipi Sinah Lawmhnak le Zaangfah nawlnak: Ka thawngpang (News) ka ttial mi a rel mi vialte mipi nan dihlak cungah ka lunglawmnak nan sinah ka langter. Ka thawngpang ttialmi na kan rel piakmi ruangah keimah zong thawngpang a dikmi le a hmanmi ka post khawhmi a si. Thawngpang kan tial mi hi kan Mipi caah tha hnemnak a chuahpi ding tial hi a pakhatnak ah kan i timh bikmi cu a si.
Thawngpang (News) kan lakmi hi thatein source dang ka zoh hnuah mah hi cu a hmanmi a si lai tiah ka ruah mi hna hi ka miphun a si mi “Chinmi” caah tial khawh le theihter khawh ka rak I zuam. Asi nain vawlei cung cu tlamtlinglonak a si caah Source ka lakmi ah a hman lo mi zong a um kho caah cu a hmang lo mi a si tiah nan theih mi cu zeitik caan poah ah ka theihter uhlaw keimah ca zongah ralrinnak caah a si lai i cu thawngpang a hmanmi le a dik mi cu remh le tial khawh kan i zuam cawlh than ko lai. Cu caah ka Miphun hawi hna nangmah bawmhnak zong ka herh hringhran. Thawngpang tial piak na duh sual zongah zeitik caan poah ah tial piak khawh zong na si tiah Zaangfah nawlnak he- Lungleng Tlang Editor

By Chuncha