US ramchung lam le sul, hlei le 5G wireless khuate lei tiang ngah dih ding in tuahnak caah President Trump nih billion 1000 [ one trillion ] hman dingah timtuahnak a ngei. Democrats pawl nih cun billion 500 tiang lawng hman ding an duh. President Trump nih 2016 election campaign lio tein US lam le sul, airport, sizung le sianginn vialte hi third countries pawl hmanh kan tluk ti hna lo, vawleicung ram tha bikmi nih third countries hmanh kan tluk ti lomi hi a si ding a si ti lo, kan remh hrimhrim a herh” tiah a rak chim, atu hi a chim bantuk tein tuah taktak a timh than.

Thawngpang dang<<Atu lio cu aralaimi November ni 8 rampi thimnak kong a hung lumsa ngaingai. Mah hi miphun kan dawt cio caah a si i a tha ngaingai i ruahnak dangdang le hmuhnak dangdang le mi zei party nih hin dah Kawlram pi an ser tikah mipi nih kan tin covo siseh zalennak kan hmuh lai i mipi kan I lawm lai ti mi caah a si i  a tha hringhran tiah ka hmuh.Chinram cu kan laihri tannak a si bantuk in a ho hmanh nih kan dawt kan philh khawh lo mi a si. Kan Chinmi nih hin lungthin damnak hrim hmuh cang uhsih ti hi kan saduhthah cio mi asi. Kanmah tein i tawlrel khawhnak ding caah kum tampi kan pa le hrauitu hna siseh, atu tiang CNF/A hna hmangin Lai pasal tha an nunnak tampi thap in a kan zuam piak cuahmah. Kan pa le a kan tawlrel piak tu hna an cung zongah lawmh a um taktak. Ruahchannak in pasal an kalpi mi le an chim relmi hi tlam a tling tuan zau ko lai ti zong zumhnak ka ngei.

Kawlram level in kan zoh tikah kum tampi ralkap uknak in kan kal tikah fawi tein thlen a har taktak, 2015 ah ruah lo pi in NLD nih cozah a hung tlaih tikah kawlram pi lawng hmanh si loin vawlei cung a culh dih manh i ram tampi nih an rak lawmh taktak hna. cu hmanh nihcun kawlram cu zei maw zat a hninh manh caah thlennak tampi a hung lang cawlh. Kum 4 chung an riantuannak ah chim ding tam tuk a um. Kan theih dih mi a si ko. Kan chinram ah zeitluk in dah luatnak kan hmuh manh, Chin tuanbia ah a um bal rih lo mi Pu Henry Van Thio nih Vice President a hung si hnu in zeitluk in dah Chin mipi caah rian thatha a tuah khawh tampi chim ding a um.

NLD le Kan Pi Suh Kyi nih heh tiah Kawlram thlennak ding caah a kan phihkhar biktu 2008 phunghram zong remh dingin an i zuam ve ko, hi phunghram remhnak ding ahcun party pakhat long nih a ngah lo zia anai Dr. Lian Hmung Sakhong nih fiang tein a chim kha. Mah phunghram pi remhkhawh nak ding lam pakhat a um mi kong zong fiangtein a rak chim. Cu caah Kawlram level in cun NLD dah ti lo hi cu zei party hmanh nih a sersiam khawh rih lai lo, Ralkap pawl a tei kho tu cu anmah long hi a si rih. NLD nih hming tein kum 60 cung uknak that lo mi a kan hmeh ta longah kawlram pi caah zalennak dik tak mi cu a um lai i chihkhat ah vawlei pumpi level in kan um kho lai.

NLD kong kan chim ah hin cheukhat nih cun phundang pi khin a kan ruahmi nan um cuh, Chinmi level in cun Chin party cu kan duh ve ko dakaw, nangmah nih nan cuanh mi bantuk khin kan saduhthah cu a si ve dakaw, mah tein khuakhan lairelnak ngei kho uhsih ti cu kanmah nak hmanh in kum tampi nunnak thap in kan chinmi mi caah CNF/A nih a kan zuam piak cuahmah hih. Zei tik hmanh in philh awk an tha lo, hlawhtlingnak theipar zong kan zun caan a phan lai tiah ka zumh fawn. Atu i chin party tiah a lar ngai mi CNLD hi mi zeidah a si? Chin a kan iah awh kho taktak lai maw ti hi Salai Lungthli Tum hmanh nih tampi a chim cang.

CNLD hi kan huat fawn lo i, kan tanh ve hlei lo, miphun party in ka pom kho lo caah a si. Chinmi caah heh tiah an i zuam len ve mi khi ka upat tuk hna. Party hung dirh khawh le Party dang zong he i funtom khawh zong hi kan lawmhpi tuk hna. Amah belte cu atu cheukhat an thutto ning zoh tikah Chin state ah CNLD nih teinak hmuh sual sehlaw kan Chinram a rawk cawlh lai. An pumpak cheukhat CNLD MP a cuh ding pawl ka zoh hna tikah ka lung a tlingmi cu an um bak ve. An pumpak in cun ka zumh tuk fawn hna i ram pi tiang a ser kho ding zong an um. Cu caah minung pakhat dirhmun kan i zoh tikah kan hmuhnak le kan ruahnak cu a lo hrim lai lo, nain mah le hmuh ning ah hin kawlram pi caah siseh, kan chinram caah mipi nih a dik mi Democracy kan hmuh khawhnak ding ahcun a zei party ti lo in chanchuah kan herh rih mi dirhmun le a kan humhak kho tu hi thimnak pe rih ko uhsih.

Note: Mipi Sinah Lawmhnak le Zaangfah nawlnak: Ka thawngpang (News) ka ttial mi a rel mi vialte mipi nan dihlak cungah ka lunglawmnak nan sinah ka langter. Ka thawngpang ttialmi na kan rel piakmi ruangah keimah zong thawngpang a dikmi le a hmanmi ka post khawhmi a si. Thawngpang kan tial mi hi kan Mipi caah tha hnemnak a chuahpi ding tial hi a pakhatnak ah kan i timh bikmi a si.

Thawngpang (News) kan lakmi hi thatein source dang ka zoh hnuah mah hi cu a hmanmi a si lai tiah ka ruah mi hna hi ka miphun a si mi “Chinmi” caah tial khawh le theihter khawh ka rak I zuam. Asi nain vawlei cung cu tlamtlinglonak a si caah Source ka lakmi ah a hman lo mi zong a um kho caah cu a hmang lo mi a si tiah nan theih mi cu zeitik caan poah ah ka theihter uhlaw keimah ca zongah ralrinnak caah a si lai i cu thawngpang a hmanmi le a dik mi cu remh le tial khawh kan i zuam cawlh than ko lai. Cu caah ka Miphun hawi hna nangmah bawmhnak zong ka herh hringhran. Thawngpang tial piak na duh sual zongah zeitik caan poah ah tial piak khawh zong na si tiah Zaangfah nawlnak he- Lungleng Tlang Editor.

By Chuncha