Hi ca hi Pa Ngun Cthia nih amah pumpat hmuh ning amah time ah a tial mi kan rak share chinh mi asi.Kanmah a biafang pakhat zong kan zuh lo i ka beh lo amah a tial ning tein kan rak copy chinh mi asi.Nawlnak: Mipakhat nih a ruahnak a hmuh ning a tial tih ah comments kan ii ralring ngaingai ahau, aruang cu a hohmanh pumpat in sawhchih mi a ngei hrimlo,anmah le hmuh ning ruahning  te kha a vah  hman ah hmanlo pek ah an langter theu mi asi caah soisel loin na ruahnak tu kha chim khawh cheukhawh i zuamhram hna uhsih.

Lungrualnak taktak kan phak hlah ah kan mah le kan mah kan i doh i kawl lak ah kan i rem lo caah Kawlram chung State vial te lah ah nam neh bik mi le a thawng lo bik kan sinak a ruang cu kan lung thin put hi Miphun dang bantuk in a ruan lo caah asi tiah kei cu ka hmuh. Kan dih lak in nan nih kan nih ti um lo te in kan Unau Mizo bantuk te in khin dawtnak le i zawn ruahnak hi a um khawhnak ding taktak lam a um ko nain Kanmah le kan PengTlang le Myoney cio Holh hi tling seh ti le Lungthin remh duh lo in rum duh tuk le chawva le,Mah pumpak Lungthin ngantuknak nih kan Chin rampi le Minung cu a hrawh dih tiah ka hmuh.

Image may contain: 6 people, indoor

Kan Zapi te in Kawl kut thang in chuah kan taktak kan duh ko ah cun Ziah kan pa le Mifim thiam kan in ngeih mi hna Pastor le Ram khel mifim pawl hna nih Thangthar caah Pathian pakhatnak kan chiah khawhnak hnga le Ading fel mi lungthin in Ram le miphun caah kan nun hman khawhnak ding ah kan hruai tawn hna lo mi hi a poi mi cu asi. Keimah hmuh ning. Ziah Kawl Party NLD le USDP in kan ram sersiam i timh cu nan duh peng mi hi a phi cu ramdawtnak taktak le Chin ram hi Kanmah te in Ram pakhat ah kan ser khawhnak ding lam tiang/ asi lo ah Fedaral in Nawl ngeihnak taktak in Chin ram kan dawt ko le Miphun Kawl Sal tannak chung in kan chuah khawhnak ding ah asi lo ti a fiannak cu Laimi/ Chin miphung Party ah Kan dih lak i tel ding in le Thawng taktak in Kan chin ram zapi lung hmuh ding ah nan dih lak in nan i fonh khawh lo mi hi asi tiah kan ruah hna .

USDP le NLD I an lutlai bik cu zeitik hmanh ah Laimi & Chin mi cu nan si bal lai lo Cun hi Party tang in CM zong tuan peng hmanh uhlaw Anmah nih an in Sum tho tho ko hna lai caah kan duh mi thanchonak taktak cu Upadi in kan hmu taktak khawh lai lo mi hi nan i fiang ko nain Heh tiah nan i cuh ve mi tham cu Rum duh le Min than duh le Unau i tenhnak le Mah chuahnak khua le ram Midangnak in Sersiam duh ah asi ko lo hme maw ti hi Ruah lo awk atha lo Cu lungput cu Atu Kawl rakkap lungput hi a si thiam thiam ko dahkaw Chin miphun hna nang zeilam hi dah biatak lam cu asi ti hi ruah caan a phan cang .Credit :Pa Ngun Cthia.

Image may contain: people sitting, table, screen and indoor

Thawngpang dang <<President Obama chan ah khrihfa cheukhat hna cu, Pathian zei ah a rel lomi hna , zum lotu hna le biaknak ngei lomi hna nih a phunphun in an serhsat hna i taza zong an cuai hna. 2015 ah Kentucky State Rowan County ah cazi rian a ttuanmi nu, Kim Davis cu khrihfa a si caah ka zumhnak he a kalhmi ngeih khat thit-umhnak [ Same Sex Marriage ] a tuahmi hna cu marriage licenses [ Marriage Certificate] ka pe kho hna lo tiah a al hna ruangah U.S. District Court ah tazacuai atong i, zum lotu, liberal biaceihtu,] David Bunning nih Court biachahnak na zul duh lo tiah sual a phawt caah thong ah a hren colh. Same Sex Marriage License a chuah piak hna lawngah thong in ka chuah lai tiah a rak ti. Hmailei ah zum lotu, Liberal pawl nih US President le biaceihbawi, Judge tampi an tlaih ahcun khihfa caah thinphan dai lo a si. Kan khrihfabu chung hmanh nih ngeih khat thitumhnak tuah a duhmi hna nih biakinn chungah thit-umhnak tuah an duh i kan pastor hna nih an cohlan duh hna lo ahcun tazacuai in thong thlak khawh dirhmun a phan kho kan si.

Colorado State ah changreu le wedding cake tuah in a minthang ngaimi, khrihfa tha, Jack Phillip cu nupa sinak a thlengmi nu, Autumn Scardina,nih taza a cuai. Mah taza an cuaimi hi avoi thumnak tazacuai a ton a si. Autumn Scardina nih a chiatha, nupa sinak a thlennak lawmhnak caah Jack Phillip cu cake tuah a fial i, ka zumhnak he a kalh caah ka tuah kho lo tiah a al caah minung na kan thleidan, discrimination na kan tuah ti in taza an cuai.

2012 kum ah khan gay nupa a simi, [ nudawk pa dawk ] David Mullins le Charlie Craig nih an wedding tuahnak caah cake tuah an fial i, Jack Phllip nih khrihfa kan zumhnak he a kalh caah wedding cake kan ser piak kho hna lo’ tiah a rak khirh hna. Gay nupa hna nih minung na kan thleidan an ti i, an volh an pamh hnu ah an chuah taak. Mah ruangah Gay nupa hna nih minung a kan thleidan, discrimination a kan tuah tiah social media kip ah an phozaar I, Jack Phillip wedding cake cawk lo dingah mipi an sawk hna.

Jack Phillip cu same sex marriage a pommi le a ttanpi tu pawl nih um thiam loin phone an chonh, a phunphun in an hrocer, thah ding tiang in an thihphaih hnu ah taza an cuai beh. Calorado biaceihtu hna nih chang tuahtu Jack Phillip cu mi na thleidan ti In sual dantatnak an rak pek. Jack phillip nih ka zumhnak ruangah zalong tein pek lonak nawl ka ngei ve a ti i, biacehtu biachahnak cu a lung a tlin lo caah Donald Trump President a tuan hnu ah Supreme Court ah biachahnak tuah piak than dingah a hal hna i Supreme court nih kum 5 renglo hnu ah Jack phillip cu teinak an pek than. Donald Trump President rak si hlah sehlaw khrihfa, Jack Phillip hi tuchun tiang thong a tla dingmi a si.

Supreme Court ah minung 9 an um i minung 7 nih Jack Phillip cu teinak an pek. Mah biachahnak cu khrihfa mi hna caah thawngtha ngaingai a si. Na zumhnak ruangah same sex marriage pawl nih wedding cake siseh, pangpar siseh, wedding tuahnak he pehtlaimi kongah hranhram in fialnak nawl an ngei kho ti lo. Cucaah President Donald Trump nih Supreme Court, Federal court le Circuit Court ah khihfa zumtu hna biaceih bawi I a chiahmi hna hi khrihfa hna kan zumhnak himnak caah a rak biapi tukmi a si. Presdient Donald Trump nih 2020 thimnak ah teinak a co than ahcun Supreme Court ah biaceihbawi minung 2 cu chiah khawhnak nawl a ngei kho. Justice Ruth Bader Ginsburg, kum 87 le Stephen Breyer, kum 81 cu an taar ngai cang. A ngadamnak zong nih a tlinh tuk ti lo caah a ra laimi kum 4 chungah pension an la lai tiah zumh a si. Mah ruangah President Donald Trump nih kum 4 a peh than ahcun US biaceih zung sangbik Supreme Court ah khrihfa tha, zumtu tha minung pahnih a chiah khawh than ahcun a ra laimi kum 30 chung khrihfa caah himnak a um lai. Supreme Court cu biaceihnak sang bik a si caah President zong nih an biachahmi a hnawt kho lo. President nih rian apek hnu ahcun ahohmanh nih phuah khawh a si ti lo. A thih hlan lo le a tuan khawh chung tiang poah tuan a si.

Note: Mipi Sinah Lawmhnak le Zaangfah nawlnak: Ka thawngpang (News) ka ttial mi a rel mi vialte mipi nan dihlak cungah ka lunglawmnak nan sinah ka langter. Ka thawngpang ttialmi na kan rel piakmi ruangah keimah zong thawngpang a dikmi le a hmanmi ka post khawhmi a si. Thawngpang kan tial mi hi kan Mipi caah tha hnemnak a chuahpi ding tial hi a pakhatnak ah kan i timh bikmi a si.

Thawngpang (News) kan lakmi hi thatein source dang ka zoh hnuah mah hi cu a hmanmi a si lai tiah ka ruah mi hna hi ka miphun a si mi “Chinmi” caah tial khawh le theihter khawh ka rak I zuam. Asi nain vawlei cung cu tlamtlinglonak a si caah Source ka lakmi ah a hman lo mi zong a um kho caah cu a hmang lo mi a si tiah nan theih mi cu zeitik caan poah ah ka theihter uhlaw keimah ca zongah ralrinnak caah a si lai i cu thawngpang a hmanmi le a dik mi cu remh le tial khawh kan i zuam cawlh than ko lai. Cu caah ka Miphun hawi hna nangmah bawmhnak zong ka herh hringhran. Thawngpang tial piak na duh sual zongah zeitik caan poah ah tial piak khawh zong na si tiah Zaangfah nawlnak he- Lungleng Tlang Editor.

 

 

By Chuncha