Kan Rak Sining Kha Kan Philh Cang Maw? Kan ram tthat lo ruangah mahle ongka cio in chuahnak lam kawl cio a si. Cheukhat phaisa ngeih deuh nih pumpak chawva dih in Mexico in US an lut. US an luh hnu in; (Ka zaangfah ko uh, kan ram ah himnak a um lo ruangah hika ka phanh a si) tiah Asylum kan sok i, nihin tiang nuam ngaiin US ah khua kan sa.

US election results| Who will win US elections? Trump takes Florida &  Texas, Biden wins New York; find state-wise results here

Malay lei kan ra i, UNHCR zungah, kan ram ah ka nun a him lo caah hika ka rak phanhnak a si, ka zangfah hram u law, UNHCR tangah dornak rak ka pe hram uh tiah kan ti. Cu bantuk cun India lei a panhmi mi zong kan si tthiam. Cun ramthumnak ah rak ka lanhter hram uh kan ti rih i, North America, Europe, Australia le New Zealand ram hna kan phan.

Nain ram thumnak ah nuam ngaiin khua kan sak hnu tu cun kanmah bantuk dirhmun in le harsa ngaiin khuasa cuahmah mi India le Malaysia ah a tang rihmi kan miphun hawi ca tucu kan tuak ti lo. Kawl phungthluk ah “A ho an thih zongah keimah ka thih lo paoh cun a za” timi phungthluk cu maw kan hluan ne ko hnga.

UNHCR Central Europe - Home | Facebook

Hi tluk mipem a hua i, nangmah le keimah bantuk dirhmun in harsatnak a tuar cuahmah mi hnu a chit i, zei a rel lomi Pu Trump hna thi deng in kan hei ttanh lenmi ka ruah ah, Kan Lai Phungthluk i “Mah Hngal Lo” timi kan hluan cang ko lo hlah maw timi a ka ruahter ngai. Nihin Chimmi zeimawzat nih Trump kan uarnak khi, abortion, same sex marrige le ISIS kong hrawnghrang long a si.

US politics ah, khi pawl nih khin bia a chat lo. US politics pi khi Lai Thluak in kan cuanh tawn ruangah si deuh hnga maw? Hiti ka ttial ruangah, nai fimter, na pianthar lo ruangah, zei na si ve lo khah, thil na thei lo ruangah e.t.c nan ka ti len men lai. Mahle hmuh/ruahning cio si te ko seh. Credit: Salai Biak Tum Lian

Image may contain: 2 people, text that says 'BIDEN VS. TRUMP ON THE ISSUES AMONG LIKELY PENNSYLVANIA VOTERS 45% ECONOMY 52% 54% CORONAVIRUS RESPONSE 41% BIDEN 57% RACIAL INEQUALITY 38% /FOX FOX NEWS channel QUINNIPIAC UNIVERSITY AUGUST 28- SEPTEMBER ;1,107 LIKELY PA VOTERS MARGINOF ERROR + 3% POINTS TRUMP'

Tuzan US thimnak result theih lai cu ngaih a um ko. Tutan cu Biden tling sawh seh ti ka duh. Biden a tlin ahcun Malaysia le Delhi a tangmi kan miphun tampi US an lut kho lai; kanmah bantuk mipeem thar le mi harsa nun sersiamnak (Edu, Health, Welfare) ah Biden policy Trump nak in a let in a ttha deuh. Cun, vawleipi hruaitu pa can ah US a dir tthan lai.

Tuchun tiang popular votes ahcun Biden nih a hip ngai. Teinak biakhiak tu cu Electoral votes
asi caah Swing States nih lai a rel rih te lai. Swing States ah an i tazi ngai. Tuzan result tu vun hngak cio ko usih. A ho an tlin pak ah Pathian nih tthuden a pekmi paoh lunglawm tein cohlang te ko usih. By Plato Van Rung Mang

Image may contain: text that says 'MN ME 20 2020 ELECTORAL NE OH MAP ANALYSIS NC 15 SC npr n R DE NH MD DC'

Note: Mipi sinah lunglawmhnak le zaangfah nawlnak: Thawngpang News kan tialmi a kan relpiak tu ka Miphun Chin/Laimi nan dihlak cungah lunglawmhnak tampi chim cawklo kan ngei. Thawngpang kan tialmi nan kan relpiaknak thawngin a dikmi le a hmaanmi thawngpang News kan thlah Post khawh hi mipi nan thawngin asi.

Thawngpang kan tialmi hi careltu mipi caah thathnemnak si hram seh tihi kan itinhmi asi. Chirhchanh Source kan lak hnu ah a dik mi asi lai tiah kan ruah mi kha kan Miphun Laimi Chinmi nih fawizang tein kan theih khawh cio nakhnga theihter khawh kan i zuam. Asinain vawleicung cu tlamtlinlonak a si caah chirhchanh {Source} kan lakmi tete hi a dik lomi a um khawh caah a dik lomi thawngpang a si tiah nan ruahmi kha zeitik caan paoh ah theihter khawh kan si i, kanmah lei zong in a dikmi thawngpang tial khawh le kan palhmi remh khawh kan i zuam lai.

Mipi nih theih ve hna seh ti na duhmi, thawngpang News siseh, Pathian bia siseh, siaherhnak bia in siseh, capar biazai le theihtlai pawl tialpiak ding a um ahcun zeitik caan poah ah tialpiak le thlahpiak khawh zong a si. Nan dihlak cungah lunglawmhnak le zaangfah nawlnak he- Lungleng Tlang Editor.

By Chuncha

Leave a Reply

Your email address will not be published.