Nihin cu kan lai pathawng pawl an ii pawmh cang lai. A Hlan kanh deuh tein an rak tarchuah cang bantuk khan kan laimi ah paih thiam pathawng pawl kan ngeih mi pawl hna nih Nihin Saturday 3;00 Pm in 7:00 pm EST ah lentecelh{ I paihnak} an ngeih lai.Tutang ii kan LAI paih thiam pathawng pawl nih lentecelh nak an tuah ding mi hi anmah mitthat nak le minthang nak menmen si hrimlo in Paletwa  ii ral ruangah harnak a ton mi kan unau hna caah zeiti tal in tthat hnemnak a ngei el sual ah tiah anmah bawmnak ca ding ah fan an kawl nak asi.

Image may contain: text that says 'A VOI 6 NAK WORLD PAIH CHAMPION VIP TICKET 50 ($50) lawng kan zuar lai. (Zanriah ai telh chih)'

Kan lai pathawng  pawl nih a khuaruah nak le tuak tang nak hi uar an um tuk hrinhrang. Kan lai pathawng pawl nih An chim cio mi Pahrang ka ngeih mi hi kan miphung caah sihramseh ti saduhthah nak ngan pi ngeih in hi bantuk in an tuah nak hi asi.Tutang ah an tuah ding mi cu paletwa kan unau hna bawmnak a si lai caah anmah paih thiam pawl zoh duhnak menmen sihrim loin na ngeihchun fanghra te kha an kut rak sam ve cio hnaseh ti hi  an  saduhthah mi asi caah kan tii kho tawk I zuam cio hram uhsih.

Image may contain: 8 people, text that says 'PPV@ ww.chinhill.net A Hmun: 8686 Madison Ave. Suite (G) Indianapolis, IN 46227 A Caan: AUGUST 22, 2020 (Saturday) 3pm pm EST ACLIO A VOI 6 NAK WORLD PAIH CHAMPION MIDDLEWEIGHT John Lyan- Kyaw Mang Lal Ram Ruat Ngun Lin Uk Sang Lian Thawng Tial Uk Tin Lian Thawng Van Uk'

Thawngpang dang >>Democratic lei in president ai zuammi Joe Biden nih Senator Kamala Harris cu a vice-president tuan te dingin ai thim cang. Minak le Asian American nunau vialte lakah a tu bantuk dirhmun a phan kho mi hi amah Harris lawnglawng hi a si rih. Harris hi California senator a si i, Indian-Jamaican hrinsor a si. Rampumpi cuul in miphun thleidannak ralchanh in duhlonak langhter a si lio ah police dirhmun remhsiam ah a tha lai, tiin a aupitu a si. California attorney general zong a rak tuan bal mi a si. Nov. 3 ah Biden nih President Donald Trump hi hmaitonh in a dironh ding a si cang. “Harris hi ka lungthli tein a pakhatnak i kai thimmi a si ve” tiah Trump nih Tuesday i White House news conference ah a chim.

US Presidential Election: Donald Trump says it may take years to ...

Oct. 7 ah khin Salt Lake City, Utah ah Trump i a Vice-President Mike Pence he debate an tuah te lai. Cuhlan i Vice-president tuan dingin min an rak pek bal mi nunau hi pahnih lawng an um bal – 2008 ah khan Republican party nih Sarah Palin, cun 1984 ah khan Democrats nih Geraldine Ferraro an rak tar bal hna. An pahnih ningin an sung; White House an phan kho veve lo. American party vialte lakah a main a si mi Democrats le Republicans nih hin cuhlan hrimhrim ah vunnak (vun dang) ai ngeihmi nu hi Vice-president tuan dingin mincazin an chuahpi bal lo.Credit:Chelsea Bawi.

Note: Mipi Sinah Lawmhnak le Zaangfah nawlnak: Ka thawngpang (News) ka ttial mi a rel mi vialte mipi nan dihlak cungah ka lunglawmnak nan sinah ka langter. Ka thawngpang ttialmi na kan rel piakmi ruangah keimah zong thawngpang a dikmi le a hmanmi ka post khawhmi a si. Thawngpang kan tial mi hi kan Mipi caah tha hnemnak a chuahpi ding tial hi a pakhatnak ah kan i timh bikmi a si.
Thawngpang (News) kan lakmi hi thatein source dang ka zoh hnuah mah hi cu a hmanmi a si lai tiah ka ruah mi hna hi ka miphun a si mi “Chinmi” caah tial khawh le theihter khawh ka rak I zuam. Asi nain vawlei cung cu tlamtlinglonak a si caah Source ka lakmi ah a hman lo mi zong a um kho caah cu a hmang lo mi a si tiah nan theih mi cu zeitik caan poah ah ka theihter uhlaw keimah ca zongah ralrinnak caah a si lai i cu thawngpang a hmanmi le a dik mi cu remh le tial khawh kan i zuam cawlh than ko lai. Cu caah ka Miphun hawi hna nangmah bawmhnak zong ka herh hringhran. Thawngpang tial piak na duh sual zongah zeitik caan poah ah tial piak khawh zong na si tiah Zaangfah nawlnak he- Lungleng Tlang Editor

By Chuncha