Lai mino nih kan bochan ngai mi le Refugee caah holh lettu dirhmun in rian tha atampi a kan zuam piaktu Lai holh in thawngpang News a kan tial piaktu siseh, Chin miphun caah a herh ko tiahย  ahmuh ning zong fiang teaktak in siseh, mi nuarsuang tuah lo in mi caah thahnemnak a chuahpi kho tuding tampi a kan tial piak tu, Chin miphun caah vision tampi ngeih in saduhthah le sining kong fiang tein a kan hmuh piak chung le raltha tein a kan tial piak tawn tu Salai Zasang Cinzah cu a hnaruh he sunglawi taktak in puai an tuah cuahmha lio a si.

Atu lio zawtnak thatlo ruangah nupi pasal ngeih duh zongah siseh, puai tha tuk in tuah duh zongah tuah khawh lo in a khammi hna tampi lakah atu bantuk in thitum puai hna vung tuahย khawh hi cu zei lakah a sunglawi hrim ko lai hih. Lai pasal lai nu bak te I thit hi cu uar a um bak ko. Lainu cu Laipa ca bak ah Pathian a kan ser hnawh chan mi kan si ko caah Lainu nih Laipa, Laipa nih Lainu bak thitum kan i tuah hi zei zong vialte lakah lung a hmui cemmi le di a riam cemmi bak asi ko.

A Sang le Par Ku Pathian nih pumkhat si dingin an fontomh hna mi le an kaukhihmi nan si mi kan hmuh tikah thinlung takin kan in lawmhpi cio hna. Chungkhar thar nan sernak ah Bawipa nih in um pi hna sehlaw thluachuah bongmal za he lam in hraui ko hna seh. Chungkhar thar si hnu in cun nan duh tawn lo mi le kan tuah kan theih bal lo mi siseh kan rak tuah tawn ballo mi hna duh zong duh lo zongah u hnek can a hauh cang lai caah chungkhar thar nan sernak ah pakhat le pakhat i theihthiamnak hram thukpi in nan i thlak cia i kar nan hlan chin thiam bak hnga saduh kan in thah piak hna.

Bawipa nih chantlung tiang lam in hruai ko hna seh. Fanu fapa tefa tampi in a hringsor khotu si hram ko uh. Nan puai sunglawi kan i zoh hna, a sunglawi hringhran. Hlasak tu siseh, thitumnak a tuah tu vialte cung zongah kan i lawm. nan i tumh tuahmi a ropui tuk, tlam a tlinghran. Lawmhpinak he..

Note: Mipi Sinah Lawmhnak le Zaangfah nawlnak: Ka thawngpang (News) ka ttial mi a rel mi vialte mipi nan dihlak cungah ka lunglawmnak nan sinah ka langter. Ka thawngpang ttialmi na kan rel piakmi ruangah keimah zong thawngpang a dikmi le a hmanmi ka post khawhmi a si. Thawngpang kan tial mi hi kan Mipi caah tha hnemnak a chuahpi ding tial hi a pakhatnak ah kan i timh bikmi a si.

Thawngpang (News) kan lakmi hi thatein source dang ka zoh hnuah mah hi cu a hmanmi a si lai tiah ka ruah mi hna hi ka miphun a si mi “Chinmiโ€ caah tial khawh le theihter khawh ka rak I zuam. Asi nain vawlei cung cu tlamtlinglonak a si caah Source ka lakmi ah a hman lo mi zong a um kho caah cu a hmang lo mi a si tiah nan theih mi cu zeitik caan poah ah ka theihter uhlaw keimah ca zongah ralrinnak caah a si lai i cu thawngpang a hmanmi le a dik mi cu remh le tial khawh kan i zuam cawlh than ko lai. Cu caah ka Miphun hawi hna nangmah bawmhnak zong ka herh hringhran. Thawngpang tial piak na duh sual zongah zeitik caan poah ah tial piak khawh zong na si tiah Zaangfah nawlnak he- Lungleng Tlang Editor.

By Chuncha