Kan hnu October 8, 2020 i ti ah a tla mi kan farnu Lalngaihdami (14), cu nihin ah a ruak an hmuh cang tiah thawng kan theih. Hringtu a nu le a pa chungkhat pawl le a sianginn kaiti siangngakchia le a say ate he nizan ah aruak um lo in thlahnak caan an hmang cang hnu ah a tu bantuka a ruak an hmuh khawh mi cu lawmh a um hringhran. Hringtu a pa zong ruak a kawltu vialte le sui ngun chawva in siseh, Motor lr Cycle tha ngeichun in tang a kan latu nan zapi cungah kan in lawmh tuk hringhran ti mi bia zong a chim cang i thinlung a khoih hringhran.

Kan fanu hi aruak zong kan hmuh than khawhnak hnga na kan tanhpi than dingin kan in nawl ko hna ti zong sawmnak a tuahmi kan theih. Atu an hmuhnak hi Tuikum tiva, Vanchengte kai-a a tlaknak a taw lei tili a naih biknak kamah an hmuh tiah thawng kan theih hi asi.

Kan farnu Lalngaihdami (14), Serchhip IOC Veng ah a um mi asi. Sipai li-ah nihin, Oct. 17, 2020 chun suimilam 12:35 hrawng ahkhan a ruak an kawl than i an huh khawh hi a si tiah thawng kan thei. Ruak a kawl thanmi hna An cungah lawmh a um hringhran. Kaltakmi a chungkhat vialte Bawipa tu nih hnem hram ko hna seh. Liana Sailo

Note: Mipi sinah lunglawmhnak le zaangfah  nawlnak: Thawngpang {News}kan tialmi a kan relpiak tu ka Miphun Chin/Laimi nan dihlak cungah lunglawmhnak tampi chim cawklo kan ngei. Thawngpang kan tialmi nan kan relpiaknak thawngin a dikmi le a hmaanmi thawngpang {News} kan thlah{Post}khawh hi mipi nan thawngin asi.

Thawngpang  kan tialmi hi careltu mipi caah thathnemnak si hram seh tihi kan itinhmi asi. Chirhchanh {Source} kan lak hnu ah a dik mi asi lai tiah kan ruah mi kha kan Miphun Laimi {Chinmi} nih fawizang tein kan theih khawh cio nakhnga theihter khawh kan i zuam. Asinain vawleicung cu tlamtlinlonak a si caah chirhchanh {Source} kan lakmi tete hi a dik lomi a um khawh caah a dik lomi thawngpang a si tiah nan ruahmi kha zeitik caan paoh ah theihter khawh kan si i, kanmah lei zong in a dikmi thawngpang tial khawh le kan palhmi remh khawh kan i zuam lai.

Mipi nih theih ve hna seh ti na duhmi, thawngpang {News} siseh, Pathian bia siseh, siaherhnak bia in siseh, capar biazai le theihtlai pawl tialpiak ding a um ahcun zeitik caan poah ah tialpiak le thlahpiak khawh zong a si. Nan dihlak cungah lunglawmhnak le zaangfah nawlnak he- Lungleng Tlang Editor.