Kan farnu lungput cu uar a um kho taktak. Mah hmang ding tampi herhmi a um lengluan ko nain kan Chin unau harsa a tuar le ralzam in a um mi hna Paletwa an caah hi zat bawmhnak a pek hi cu zohchun awk a tlak hrim ko. Paletwa har tongmi hna hi a tu tiang bawmhnak a pemi hna kan zoh tikah nu pawl lawng ten a si ko. Nu hi harnak phak taktak ahhin siangnak thinlung le dawtnak thinlung hi an rak ngeih deuh ko rua. Peknak leiah hmai an sa bak. Uar an um hringhran ko.

Kan farnu zong hi mino te hi bantuk thinlung an ngei tertu hi Bawipa a si ko. Zeitik hmanhah thiltha tuah hi a sungh ballo mi thil tuah a si caah na ti khawh tawk te cu tuah khawh peng kan zuam piak peng ko mu. Bawipa nih lam in hruai ko seh. Mai Run Nei Par In Raltlan Bom: Mai Run Nei Par in Paletwa raltlan hrangah 200,000MMK bomnak a pe. Julie Par hi Falam peng, Khaw-Val khua a siih China ih um lai a si.

Paletwa raltlan pawl zawnzaih dan theiih a titheitawk ih bomtu Chin lengnu Mai Run Nei Par hnenah “Chinland Development Network (CDN) in lungawi thu kan sim. A tuahtuannak tinkim ah Pathian thlawsuah um vivo hramseh, tiah duhsaknak kan hlan. Credit: LB Khum Mapuia

Image may contain: 1 person

Thawngpang dang rel chap ding <<<< Chinmi nih Politic leiah a mi kip in thinlung fakpi in kan chungah rian a tuan ti hi a lang ngaingai. Hi hi thancho ngaingai pakhat ah a cang. Hlan deuh chan cu kan kut ah phone a phan rih lo, newspepar hna hi a tel a la kho mi hi kut dong sawh khim long in an si, Radio a ngaimi zong hi kan rak tam lem lo, cun Tv thawngzamh live zong a zohkho mi kan tam lo, khoika in dah thawng kan theih lai ti hi a rak har tikah mi pakhat nih a chim relmi kha a hmang maw hmang lo le a dik le dik lo zong tuak lem hlah, e um kan rak ti men i, kan theih khawh bikmi le kan hmuh khawh bikmi cu Ralkap kan khua cio an rak tikah kan thirphan le khuabawi hna a si lo ning in an tuk hremmi long hi zarang nih cun kan rak hmuh hna.

Cu bantuk ram sifah umnak nih a zei miphun tanh le Democracy e Federal e ti he cun kan rak i hlat ngamsam hna. Atu ram a hung thlen deuh tikah kan hmuh ton ballo mi tete kan hmuh kan tonghtham hna, kan rel ballo mi hna kan rel kan theih hna, Kawl ralkap nih tam tuk a kan hlen cangmi vialte zong a thli thup in zeihmanh a um kho ti lo tikah an tuar sernak a hung lang zuahmah mi hna kan hna kaw long si hlah kan kut ah ca in mit in hmuh le rel theih a si cang.

Cu tikah kanmah Chinram zong cu thil a thup mi um tuk ti lo in atu a cang mi atu ah vawlei pi theih in kan theih kan hngalh khawh dih ve manh cang i, kan dirhmun a fekfuan dengmang pah in kan kal lio a si. Thanthar mino hna nih miphun thisa sinak an hung langter cio mi tampi hmuh awk a um i lawmh a um hringhran. Chin miphun kan thancho lonak a maru cu information a rak um lo ruangah pakhat le pakhat ipehtlai a har i, lung i rual duh tluk zong in a rak rual kho bak lo.

Atu kan caan hi caantha miphun le ram caah kan tuan chuah caan te a si ve i, mino tampi kan kutah a hngat ngai cang. Miphun pakhat sinak tampi a kan thanphawt a caan a cu in tanrual a herh te caan a si. Cu caah mino tampi nih politic kan khel tikah rangtuk hna in le thintawi tuk hna in kalpi hi tih a nung ngaingai mi a si. Aruang cu nangmah ruangah miphun pi hi kan sung kho i, fahnak tamtuk kan ing kho ti zong hi theih a herh ngaingai mi a si.

Atu lio ah heh tiah Party kan i soisel kan idoh, ruat tuah uhsih, kan catial le kan comment te pawl hi zoh ahcun a puitling mi politic ruahnak cu kan ngeih bak lo hih, kannih cu 100%99 cu khrihfa kan si chinchap cu mu, kan fb min te pawl zoh ahcun thinlung put that lo hna cu kan lo ko hih awh!!, ruat dih uhsih, duh thimnak cu nangmah kut te ahkhan a um bak ko cu, nain mi nuarsuantuk in na caan na hmang sual ahcun nangmah lila kha a tem tuar tu na si ko lai. Na si a vang ko lai. Na ing a puan ko lai, mah nih khan zei te hmanh an tha hnem lai lo. A rauh hlanah a caan nih an tlik tak lai i, tuanman lo in vava na tum ko lai.

Mah le party tanhmi cu dirhpi lio a caan a si. Kan dirpi mi party kha athat a chiat cuaithlai lemlo in mah duhnak thisa in a tanhmi kan si lo ding hi a biapi ngaingai. Kan Chinram caah MP a cuhmi hna hi ka za a ti bak long te a fit bak mi an si i, an sining tampi hngalh awk a um cang ko, mah chungah hin miphun ram a daw taktak mi le kan caah rian a kan tuan piak ngamtu Hluttaw zongah a herh ning in bia a kan chim piak kho tu hna minung tu hi lung fim tein kan dirpi ngam ding hna hi a biapi hringhran. Kan miphun covo kan herh tluk in Chinmi thanchonak alam kip in kan herh ve hringhran, mi hnu dawi peng ding kan si ti lo, hmai a fongchinmi si kan herh tuk ve ti hi ruah kan herh.

Dawtmi nu le pa unau hna a caan lio ahcun duhfak tuk in tanhmi ruangah biafak kan chim kan rel ko hna lai, a caan a si ko, nain thimnak result a chuah hnu i a ho cozah siseh, a ho minu mipa an va tling tik zongah remnak mit le dawtnak mit le theihthiam hnaa, kan miphun caah an herh mi a si ti lungput tu kar a hlan thiam te ding ruahnak zong atu in i ngeih ciah te uhsih, thimnak hnu in cun idaw cicek hna uhsih, tuanti lengti te hna uhsih ti mi hi ramkhel rian a tuan mi kan sinak dingah ka duh ngai fawn.

Atu kan Chinram ah si kho seh ti saduh a thatmi Dr. Tuan Peng Thang nih a timeline teah tawitein a tialmi hi ka lung a tling ngai ve i, ka rak in hrawm chin ve hna. Saduhthah: Pu Henry nih VP peh sehlaw Lairam caah si rih seh, Pu Ngai Sak nih State Hlutdaw chairman tuan seh, CNLD ca longah siloin. Dr. Sasa nih si lei uanci tuan sehlaw NLD caah siloin. Dr. Hmuh Thang nih CM tuan sehlaw, USDP caah siloin.

By Chuncha