Atu lio Corona Virus dam lo nak in Vawlei pi cu a kan den ko i, a ho fa ti thleidanย  a thiam lo mi a si caah mi zei cung zongah a tlung kho i kan zaw kho tikah thinlung a dam kho hrim lo, US ram hi zawtnak an tam biknak a si i, lung a tha kho hrim lo, Kanmah unau kan Laimi hna an tamnak a si tikah hi dam lo nak hin thawngchia kan i theih sual lai ti hi kan tih cio mi a si. Sihmang sehlaw dam lo a um mi hna zong nih Bawipa thawng in damnak kan hmuh ti thawng kan theih tik ah kan I lawm cio hna. Lawmhpi phu hrim zong an si i, an i lawmh mi hi a phu bak mi a si.

Bawipa thawng in damnak kan hmuh ti mi tluk hi a sunglawi mi a um ti lo, Aruang cu mi tampi nih an thih pi i ngaichiat ngai in an um hna, cheukhat cu dam lo zualhma in siizung zongah a um mi an um hna lakah kan dam cang tiah thawng vung theih hrim hi cu thaw a chuak i hna a ngam hringhran. Atu a dam lo mi hna chungkhar nih damnak an hmuh nak ahhin an nu bik hi kum 70 a tling deng mi a zaw ve i a dam ve nak kong kan hnu zarh te ahkhan Bawipa sinah lawmhnak bia an rak chim mi kha kan theih. Atu zong an zapi tein an dam cangnak kong zong an vung langter than mi kan hmuh tikah le chungkhar tling in hmunkhat te ah thutdir khawhnak an ngeih nak kong a kan chim than mi hrim hi lawmh a um tuk hringhran. Bawipa nih hmailei an nunnak lamtluang damsaunak thluachuah kan pek piak chin ko hna seh.

Nizan cu kan City i Health Department nih leng nan chuak kho cang an kan ti, kan senior Pastor nih Pathian sinah lawmnak bia a kan chim piak. Kan chungkhar ningin kan zawt lio ahcun hibantuk can tha hi kan hmu than te hnga ma kan ti nan, kan chungkhar caah Bawipa a tha tuk, damthannak a kan pek. Covid 19 kan kal tak cang ko law.

Credit: Nunu Ngunzing Ngunzing

By Chuncha