KAN LUNGPUT LE CA TTIALMI HI

Siangpahrang pakhat a sual ngaimi a rak um. A tthut duh tik pohah a sal pakhat hi tthutdan ah a hman. Rawl a ei tikah a sal pakhat angki hi kut hnawhnak ah a hman. Cakei a kah duh tik pohah a sal dang pakhat hi Cakei rawl ah a tarh tawn.

Thawngttha chimtu pakhat hi a um ve. Pastor pa a thangtthat pohah Pastor dang thangchiatnak a chim hmasa zungzal. A hawikom a fak duh tikah midang chiatnak a chim hmasa tawn.

Politic kongah Party pakhat a tthatnak ko kan chim duh tikah, Party dang chiatnak chim lo tein, kan duhmi Party a tthatnak kong chim khawh a si ko lai.

Mi pakhat lawmhter kan duh tikah midang ngaihchiat ter loin tuah khawh a si ko lai. Mi pakhat kan zaangfah tikah midang chhiatnak chim loin zaangfahnak langhter khawh a si ko lai.

Kan cattial le kan lungput zoh tikah Arpi kan ttah ter i Sahngar kan nihter tawn. Ruahsur seh ti kan duh ruangah ni linh kha soisel a herh lem lo. Ni linh kan duh ruangah ruahsur zong kha huat ding a si hlei lo.

Ka Comment ttialmi le ka cabia ttialmi nih mi tampi lung a fahter men lai, tihi zumtu Khrihfa kan caah cun ruah a herh ko.

Credit: Tlir Lian Thang

By Chuncha