Tufang hi leitlunpi Covid-19 ruangah a buai vutvo ih thuhla dang hrimhrim in hmunhma a co nawn lo.
Asinan mai helhkam zawng tin ram thukhel thu in hlawknak lak dan ding(Political advantage) ka ron aupi ve thung ding.Chinram in upper House hrang MP 12 kan co ih pengpi 9 lawng kan si ruangah pakhat ciar kan co.

Cun a tanglai 3 cu mipum tamnak hmun Paletwa,Tedim le Hakha in an co. 2010 kum ahcun Falam in pahnih kan rak co ih cucu Pu Con Kheng le Pu Zung Hlei Thang an rak si.
Hmansehla Falam cu mipum kan mal ruangah upper house MP seat hnih co nawn loin pakhat lawng ah kan tla a si kha.

Than Tlang peng cun upper House MP 2 co thei dingin VP 2 Henry Van Thio cun cantha remcang la in a suahnak khua Tikir khua ah Paletwa raltlan mi zarual a lalut a si timi cu zapi theih a si.
Tuah Falam pacang Pu Salai Lian Luai cu Chinram lubik CM tokham ah a to ve ih ziangtin hi political advantage hi kan la ve ding. Ngaingai tiah cun Falam pengah ram tha le hmunhma lawnglak kauzet kan neive a si.
Hmunpi ram le Nimzawl kiangkap,Webula le Bualzawl kiangkap le Falam peng ih ram thabik timi Selawn khua ah tla retve sehla ral a daih hnu hman ah an khua an ram ih kirsal hman an paih nawn lo men thei.
VP 2 Henry Van Thio khua Tikir ih umtu Paletwa raltlan pawl cun Tikir ih umta ding cu rem an ti lo thu an phuangsuak a si.Ziangah tile ei hawlnak dingah Tikir khua cu an ram a sia ih a tlak in an hmu lo.
Pu Dr.Run Bik in vei tampi a rak aupi mi Falam peng ah mipum tamter ding timi hi tuah a tak ih kan fehpi a cu. Paletwa peng raltlan pawl hi a tlunih kan tarlang mi khua pawl ah ko sehla an hnenih bomnak kan va kuat le pek rero tullo in kanmai pengpi sungah bomnak pe in thaten mikhual sehla, an ngamnak ding lamzin hawlsak in Falam peng mipum tamter sehla a tha lo maw.
Kan unau pawl hrang himnak siin le kanni hrang mipum tamnak a sive ding. Mipum 5000 kan laklut ahcun 2020 hrilawknak ah upper House MP seat hnih kan co thei dingih a hlawknak kan tel ngah ve ding a si.
Himi Chance la thei dingin CM kan nei ve sisi.Mi kan bawm ih kanmai hrang lala khalah hlawknak a um timi cu a tha lo maw si.
Hihi upa hruaitu in committee din in tawlrel lohli a tha nan ti maw? Sumpai khong awin an umnak Sami Myo tiang va feh khal taktak ahcun a him lo tuk fawn ruangah Falam peng suak Laimi pawl in thuhla tawlrel lohli teh a tha lo maw?Mai helhkam zawng tiah ka ron relve mai a si hi.//

Credit: KC Sum

By Chuncha