Kawlram pi thimnak cu kan i ngaih tluk in cheukhat caah lawmhnak a tling i, cheukhat caah ngaihchiatnak le lungfahnak a chuak ko. Minung thisa a nung ko mi nih cun a phung a si ko, Chinmi nih politic lei biatak tein kan lung a hung fim hi zahan naite long hi zarang caah a si. Cun ralkap uknak caan sau tuk kan temtuar cang tikah kan khong dih, atu bantuk in Mipi vote kan ngeih khawh zong hi a nai tuk rih, vote thlak ning kong hmanh a fiang lo mi kan tam rih lai. Cu bantuk ram dirhmun kan si lio ah Kan Chinram ah fak ngai in Party kongah i elnialnak a hung chuah manh.

 

Cu ahcun a bikin CNLD le NLD hi tukum thim lai ah a doh bik ah a hung cang. Thim lai i, kan bia le hla vialte kha i ruah cio tuah uhsih, a ho ca ah dah ram cu na khel? Bia na chim hlan ah teh? Na ruat ta maw? Na tanhmi party nih teinak an hmuh lo ah teh? Zeitindah na feling a um? Sui Tha Iang nih a tial hnawhchan hi i fiang ve tuah? Fim tuk le thiam tuk i ruahnak nih a sungh pi hna: CNLD soisel si loin CNLD tlamtlin lonak le chambau nak chim poh ah CNLD hruh tanh in a tanh tu cheu khat nih comment ah “mi hrut” an in ti lai. Kan Bible ah mihrut cu cawnpiak hlah an huat lai, timi hna a lo pah.

Kan bia hi luan tuk hlah seh law a tha lai. Mi nih an in duh hna lo caah nan sungh a si ko. CNLD nak in NLD kha mipi nih an duh deuh caah an vote a si ko. Nan sungh le cang kaa in mipi kha “mi hrut, miphun daw lo, miphun tlau, ramkhel fian lo, cite le ngapih i lem khawh mi” nan hei ti hna cuh. Nan bia luan hlah seh.

Image may contain: one or more people, sky, motorcycle and outdoor

Nan lungput hi teinak hmu tlak lungput a si khe lo. Nan biachim hrimhrim hi teinak hmu tlak biachim a si lo. Nanmah cu maw fim bik, nanmah cu maw ramkhel thei bik, nanmah cu miphun daw bik, miphun caah nan tuah nan tuanmi cu rak chuah pi uh ca, cuai kan thlai hnik lai.

Mi nih an kan duh lo, kan biachim ruang ah duh le tanh cu chim hlah. A huat bak in a kan hua tu an karh ti kha i theih uh. Zei ruang ah kan sungh? Zeidah kan i remh awk a si? Zeidah kan chambau? ti kha teh mifim nan si ahcun nan ruah? Credit: Sui Tha Iang

Note: Mipi sinah lunglawmhnak le zaangfah  nawlnak: Thawngpang News kan tialmi a kan relpiak tu ka Miphun Chin/Laimi nan dihlak cungah lunglawmhnak tampi chim cawklo kan ngei. Thawngpang kan tialmi nan kan relpiaknak thawngin a dikmi le a hmaanmi thawngpang News kan thlah Post khawh hi mipi nan thawngin asi.

Thawngpang  kan tialmi hi careltu mipi caah thathnemnak si hram seh tihi kan itinhmi asi. Chirhchanh Source kan lak hnu ah a dik mi asi lai tiah kan ruah mi kha kan Miphun Laimi Chinmi nih fawizang tein kan theih khawh cio nakhnga theihter khawh kan i zuam. Asinain vawleicung cu tlamtlinlonak a si caah chirhchanh Source kan lakmi tete hi a dik lomi a um khawh caah a dik lomi thawngpang a si tiah nan ruahmi kha zeitik caan paoh ah theihter khawh kan si i, kanmah lei zong in a dikmi thawngpang tial khawh le kan palhmi remh khawh kan i zuam lai.

Mipi nih theih ve hna seh ti na duhmi, thawngpang News siseh, Pathian bia siseh, siaherhnak bia in siseh, capar biazai le theihtlai pawl tialpiak ding a um ahcun zeitik caan poah ah tialpiak le thlahpiak khawh zong a si. Nan dihlak cungah lunglawmhnak le zaangfah nawlnak he- Chief  Editor.

By Chuncha

Leave a Reply

Your email address will not be published.