Kalay Peng Ah Uico Ralkap Pawl Nih Nau Pawi Lio Mi Nu Pakhat Meithal In An Kah

Kalay Peng Ah Uico Ralkap Pawl Nih Nau Pawi Lio Mi Nu Pakhat Meithal In An Kah

Vaupi 8,2021 Tualchung Thawng Nek Nawi. Ni hin zanlei ah Kalaymyo Tawngphila ah nau pawi pakhat ral lo kap nih meithal in an kah,thinphan thlalau tuk cu a si lo. Ni hin ni tiangah Kalaymyo ah ram caah a nunnak a pe mi minung 29 an si cang.

Myanmar Army Accused of Civilian Attacks As Thousands Flee

Matupi ah nawl ngaihnak la ral lo kap nih mino(10) tluk tlawm lo cu Vaupi 7 le vaupi 8 ah an tlaih hna. Hakha khuathar le Matupi peng ah ral lo kap nih PSI le Tata salawng cu an hlongh piak hna.

Zahan ah ral lo kap nih Pastor Cung Lian Thawng cu an tlaih i a zanlei ah an thlah than,a zan li la ah hringtu a pa cu Cinkhua ah ral lo kap nih an va tlaih i tuzan lei ah an thlah than.

Relchap: Indonesia Ah Thlichia Ruangah 180 Nunnak A Liam:Bawmhchanh tu thil phur mi Indonesia ralkap tilawng pahnih cu rampi nih a tonmi Saikalung thlichia ruangah April 8 ah a phan tiah theih a si. Mah thlichia ruangah inn pa a simi Timaw ram ah ah a nunnak a liammi 180 hrawng an si tiah theih a si.

Thlihran a fah caah inn rawk an tam tiah theih a si. Kum tin te ni khua caan ruangah a rawkmi thil a tam bik mi cu Saikalung thlichia hi a si,ruah zong fak ngai in a surtawn,minung umnak le thingkung ram kung hna zong a rawk theo. Hmun tam deuh ahcun mei a mit i minung hna cu hmun himnak ah an i thil theoZarhpini ah a rak lutmi thlichia ruangah tlang pakhat nih tlangtang i a ummi khia hna le lam hna le khuami inn le lo tam pi a hrawh tiah theih a si. CAN

Adang: U Kyaw Swar Min cu 2021 march (9) ah ramleng pehtlaihnak zungin kan auh cang mi a si tiin 2021 April (7) ah Kawlram Embassy in British Foreign Ministry sinah ca an kuat. Mah caa ahcun Kawlram palai thar Dr. Chit Win min thut mi a sii, 2021 April ni (7) zan lei suimilam (5) ah Dr. Chit Win cu Palai rian vialte pek a si cang tih a si.

Mah kong he pehtlaihin UK Foreign Secretary Dominic Raab nih zahan London ah ralkapbu thil tuah ning cu kan duh lo ngai. U Kyaw Swar Min hmalak hnga dingah thazaang ka pek i, Kawlram ah Democracy nunphung a um than zawkzawk khawh nak dingah kan nawrh rih lai tiah amah twitter page ah a tial.

U Kyaw Swar Min hi CDM atuah mi cu a silo nain, Daw Aung Suu Kyi le President U Win Myint hna thlah tthan dingin Ralkapbu Council sinah nawlnak ca a rak pek bal cang.

Leave a Reply

Your email address will not be published. Required fields are marked *