COVID-19 Zawtnak ruang ah Kalay in Yangon le Mandalay ah khualtlawng Mawtaw dinhter an si. “Myanmar ram COVID-19 Zawtnak Hrik a karhning a rang tuk ca ah Kalay in Yangon le Mandalay ah khualtlawng Mawtaw hna cu September 10 in dinhter an si cang” tiah Kalay Mawtaw Gate zung hruaitu U Some Win nih a chim. Asinain Khuadang ah khualtlawn a duhtu hna cu tlawn khawh tthiamtthiam a si.

Pov Driver Driving a Car Stock Footage Video (100% Royalty-free) 12450791 |  Shutterstock

Atu bantuk Yangon le Mandalay lei an phihnak cu COVID-19 Zawtnak ruang ah khualtlawng ding minung an um lo ca ah an phih mi a si tiah kan theih. Kalay in Yangon le Mandalay khualtlawng Mawtaw dinhter mi cu Cozah nawl chuah mi a si lo ca ah Thilphur Mawtaw hna cu Zalong tein luhchuah khawh a si. Kalay in Yangon ah a Kal mi Mawtaw gate (8) an um i Kalay in Mandalay ah a Kal mi Gate 13 an um tiah Kan theih .Credit: S&M News

Staying alive on the 'highway of death' | Frontier Myanmar

Thawngpang dang <<<Bawlung kum an hun thawk cang i France League 1. ah PSG le Marseille an chuih ah an i vel hna i minung panga Redcard an hmu. Cun PSG 0-1 in an sung.Leandro Paredes nih Dario Benedetto a zuan hnawh i a thluk caah Yellowcard pahnih veve nak an hmu i chuah an si. Cu kong an i el hna lio ah PSG hnukham Layvin Kurzawa aa sum kho lo i Kung-fu a hman caah chuah a si ve. Amah he aa nammi Jordan Amavi zong Redcard a hmu ve. Cuti minung pali an chuah hna lio ah cun i sik cu an ngol lo i a thlite in Neymar nih Alvaro Gonzalez cu a tukbakhur ah a thongh. Mah cucu bualupa nih a hmu lo nain VAR an zoh tthan tikah a lang. Cucaah Neymar cu an chuah ve. Journalist nih a ruang an hal i “Racist a si caah ka thonghmi a si, a hmai ah ka thongh lomi kha kaa chir,” tiah Neymar nih a chim. Phaisa liamter lawng si loin caan zeimawzat cu bar (chuihter lo) an si kho, an ceih rih hna lo. VG/ Sport1

Note: Mipi sinah lunglawmhnak le zaangfah  nawlnak: Thawngpang {News}kan tialmi a kan relpiak tu kan Miphun Chin/Laimi nan dihlak cungah lunglawmhnak tampi chim cawklo kan ngei. Thawngpang kan tialmi nan kan relpiaknak thawngin a dikmi le a hmaanmi thawngpang {News} kan thlah{Post}khawh hi mipi nan thawngin asi.

Thawngpang  kan tialmi hi careltu mipi caah thathnemnak si hram seh tihi kan itinhmi asi. Chirhchanh {Source} kan lak hnu ah a dik mi asi lai tiah kan ruah mi kha kan Miphun Laimi {Chinmi} nih fawizang tein kan theih khawh cio nakhnga theihter khawh kan i zuam. Asinain vawleicung cu tlamtlinlonak a si caah chirhchanh {Source} kan lakmi tete hi a dik lomi a um khawh caah a dik lomi thawngpang a si tiah nan ruahmi kha zeitik caan paoh ah theihter khawh kan si i, kanmah lei zong in a dikmi thawngpang tial khawh le kan palhmi remh khawh kan i zuam lai.

Mipi nih theih ve hna seh ti na duhmi, thawngpang {News} siseh, Pathian bia siseh, siaherhnak bia in siseh, capar biazai le theihtlai pawl tialpiak ding a um ahcun zeitik caan poah ah tialpiak le thlahpiak khawh zong a si. Nan dihlak cungah lunglawmhnak le zaangfah nawlnak he- Lungleng Tlang Editor.

By Chuncha