Ka ruahlo tuk in thil a cang: Zanleisang ah park Badminton tuknak in ka lawi, Facebook ka van kau cu Messinger cakuat a rak lut, “Kawi Dawt, Na dam ttha maw? Kan nih kan dam lio asi. Tuhi Delhi ah na um lio asi ko rih lo maw? Na u Kawi Dawt (Salai Van Dawt Ceu) kha ka asi. US ummi kha ka si. Kan nupa in, Delhi lei na um lio asi ahcun: retheih fial le bawmhhal kan in duh ngai ko e.

Image may contain: 2 people, people standing

Mah cu: kan Chinmi Delhi ummi cungah, a khuasak tintuknak a harsa tuk ko, tiah nangmah nih, na ruahmi chungin, dawng 12 (12 families) in, rak kan thim piak kho hna law, kan duh ngai ko e. Phaisa tlawmpal te cio in bawmh kan duh hna ii. Na caan kar-lak ah thawng na vun ka thanh le tanh piak khawh ahcun, kaa lawm tuk ko hnga. Nangmah kan in bochan ko.

A harsa ko, tiah na ruahmi dawng 12, an vun um ahcun, phaisa zong, nangmah sin ah kan vun i kuat colh ko hnga. Kaa lawm tuk.” Tiah a tial. Kei nih Bawmchantu hmanh nan um ah kan si khawh chung in kan rak hlat lai tiah ka leh. “Aw.. sisi. Mah hi, bawmhnak chimtlaak lo te tuah ka i timhmi cu: organization min in si lo in, nangmah pumpaak min tein, rethei fial kan in duh ko. Cun a dangdang kha, a ho hmanh kan chim hna lo. Cun Nangmah hrim zong laksawng kuat kan in duh” a ti. Ka thinlung ah a chuakmi cu: aw, harsa cung ah dawtnak le zawnruahnak an ngeimi cu uar a va um ve ka ti. Udawt hi Delhi a um lio zong ah a kom neih tuk kan si lo nain Tangka kong ah zumhnak he bawmhnak an tuahmi tuanvo lakpiak ding rianvan pek cu ti ah ka lunghmuh ziar. Cuticun ka theih phaktawk pumpak pahnih le chungkhar 10 min ka hei pek. Tangka a van kuatmi thanh pahin mah ti hin ca a tial “Pa Dawt te nupa nih: ei-awk facang tun khat-hnih cawknak ah, an in kuatmi hna si e, tiah rak kan chimh piak te ko ne law” tiah a tial. Phaisa cu kan vun kuat. US $2000 asi ii, India in Rs-147093 asi.

Rs-10000 (thonghra) cio in, cabawm (evelope) te he, rak tthen-phaw cio te ko hna law.Cun, a taangmi Rs.27000 (thongkul le thongsarih) kha cu, nangmah nih rak i laak te. Nangmah ca hrimhrim ah kan vun in kuatmi asi.” Tiah a tial. Cakuat ka zoh cu ka lau. Aaaaa, A tam ko ee. mah cu dah. Keimah hrim bawmh, laksawng pek an ka duh le a si ko hi teh ka ti i lawmhnak in ka khat. Ka lawmh tuk ah zeiti lunglawmhnak chim dan hmanh ka thiam lo. Ruahchannak zei hmanh kan ngeihlonak hmun in Dawtnak le Zawnruahnak kan tinco ahhin lunglawmhnak a sang khun. Bawmhnak an pekmi hna chungkhar 6 sinah kan pek cang hna. An rak i lawm tuk cio. Damte thawh ahcun Thaizing lei ah Chungkhar 6 sin ah kan pek than lai. An caah Ka tuah khawh tawk Pathian sin ah thlaza ka cam piak hna. Ka lawmhnak ka um pi khawh lo caah ka lunglawmhnak ka rak phuan. Ka lawm tuk hring hran. Udawt te Chungkhar nan dawtnak le lungput duh a nung, upat le zohchun tlak a si. Pathian nih dawtnak, deihnak, lawmhnak le thluachuahnak he lam in hruai peng ko hna seh.Amen. Credit: Dawt Cung

Note: Mipi sinah lunglawmhnak le zaangfahย  nawlnak: Thawngpang News kan tialmi a kan relpiak tu ka Miphun Chin/Laimi nan dihlak cungah lunglawmhnak tampi chim cawklo kan ngei. Thawngpang kan tialmi nan kan relpiaknak thawngin a dikmi le a hmaanmi thawngpang News kan thlah Post khawh hi mipi nan thawngin asi.

Thawngpangย  kan tialmi hi careltu mipi caah thathnemnak si hram seh tihi kan itinhmi asi. Chirhchanh Source kan lak hnu ah a dik mi asi lai tiah kan ruah mi kha kan Miphun Laimi Chinmi nih fawizang tein kan theih khawh cio nakhnga theihter khawh kan i zuam. Asinain vawleicung cu tlamtlinlonak a si caah chirhchanh Source kan lakmi tete hi a dik lomi a um khawh caah a dik lomi thawngpang a si tiah nan ruahmi kha zeitik caan paoh ah theihter khawh kan si i, kanmah lei zong in a dikmi thawngpang tial khawh le kan palhmi remh khawh kan i zuam lai.

Mipi nih theih ve hna seh ti na duhmi, thawngpang News siseh, Pathian bia siseh, siaherhnak bia in siseh, capar biazai le theihtlai pawl tialpiak ding a um ahcun zeitik caan poah ah tialpiak le thlahpiak khawh zong a si. Nan dihlak cungah lunglawmhnak le zaangfah nawlnak he- Chief Editor

By Chuncha

Leave a Reply

Your email address will not be published.