Nizan (September 4, 2020) niah ka nau pa cu Hnaring in Himual jeep in Hakha lei an i thawh. Sentung le Tisen B kar Palang va ah an hmai kalmi an hawipa ti aa kholh lio ah an hngak i motor chungah an thu ko. Culio ah tlangval pakua an rak phan i na ngamh maw kan i vua lai tiah an rak ti len.  Kanmah cu cubantuk vuak hmangmi kan si lo tiah a va leh hna. Mah hnu cun an ithawh than i Tisen B pawngah an motor cu a rawk. Mah lio ah Hakha lei in a rami motor a rak phan i motor thilri lak dingah Hnaring lei a kalmi motor cu a zulh hna. An kal i Sentung lampial an phak ah motor cuangmi hna zun zun dingin an dir.

Mah lampial ahcun kuak le tuktak an zuarnak a um rua. Tlangval hna cu mah ka cu an va um i ka nau motor cung a tum bakin an zuan hnawh a dang khual pawl zong an velh chih hna. Ka nau pa cu thlanglei a rak zam i an va dawi i an va velh. A hawile nihcun a zam kho i a luat tiah an va ruat i an rak velh len cu an rak hmuh lo. Cuti an velh hna lio ah Fanthen lei phone an chawnh hna i Fanthen mi an rak phak in motorcycle in an zam hna. Zingka an kalti mi an hawi an chawnh hna i Aibur an phak in an rak hngak hna i cu tlangval hna cu bia an hal i Leitak kan si tiah an rak hlen. Pakhatpa te angki ah thi ai neh caah a zum hna lo i Aibur khua upa hna a au hna i bawmh a hal hna tikah Aibur tlangval lawngte an rak si. (Tlangval hna min ka theih lo caah Aibur khuami ka ti hi asi i Aibur khuami dihlak ti duhnak asi lo) Ka nau pa cu Hnaring siizungah aa thlawp lio asi. A haa pahnih a kiak i a cal a kawi. FB hawile hna thlacam kan bawm ve u.Credit: Ling Din

Thawngpang dang <<USA election lai nihnih duhah Nov 1/2020 ah Covic-19 khamnak sii an phawtzamh dih lai tiah an langhter.Mah Covid-19 khamnak sii (vaccine) phawtzamhnak dingah states dih lak le khuapi ngan deuh hna ngandamnak lutlai hna sinah nawlneitu nih theihternak atuahnak kong an chim. Sates 50 le New York,Chicago,Philadelphia,Houston le San Antonio, khuapi bik hna ngandamnak lutlai sinah CDC haotu Dr Robert Redfield nih mah virus kham sii kongah thanhnak le theihternak atuahnak kong New York Times nih alanghter.

Analysts Predict US Presidential Election Outcome Could Collapse Dollar,  Boost Bitcoin and Gold | News Bitcoin News

CDC nih thawng athanh han ningah cun ngandamnak le tuanvo neitu,mingor sii-inn staff,rianttuan lo ngah lo mi hna , Security guards, Indigenous ,kum 65 cunglei upa hna pinah thongtla hna zong papek an si chih lai tiah an langhter. Vawleicung ah tulio rai zawtnak neimi dihlak cu 26 million leng an si i athimi dihlak sing riat fai an si. USA ramah mah rai zawtnak nei dih lak milu 6million leng an si caah vawleicung ah a tambik an si,a thimi dihlak milu cu; sing hnih dengmang an si tiah an langhter.voa

Note: Mipi Sinah Lawmhnak le Zaangfah nawlnak: Ka thawngpang (News) ka ttial mi a rel mi vialte mipi nan dihlak cungah ka lunglawmnak nan sinah ka langter. Ka thawngpang ttialmi na kan rel piakmi ruangah keimah zong thawngpang a dikmi le a hmanmi ka post khawhmi a si. Thawngpang kan tial mi hi kan Mipi caah tha hnemnak a chuahpi ding tial hi a pakhatnak ah kan i timh bikmi cu a si.

Thawngpang (News) kan lakmi hi thatein source dang ka zoh hnuah mah hi cu a hmanmi a si lai tiah ka ruah mi hna hi ka miphun a si mi “Chinmi” caah tial khawh le theihter khawh ka rak I zuam. Asi nain vawlei cung cu tlamtlinglonak a si caah Source ka lakmi ah a hman lo mi zong a um kho caah cu a hmang lo mi a si tiah nan theih mi cu zeitik caan poah ah ka theihter uhlaw keimah ca zongah ralrinnak caah a si lai i cu thawngpang a hmanmi le a dik mi cu remh le tial khawh kan i zuam cawlh than ko lai. Cu caah ka Miphun hawi hna nangmah bawmhnak zong ka herh hringhran. Thawngpang tial piak na duh sual zongah zeitik caan poah ah tial piak khawh zong na si tiah Zaangfah nawlnak he- Lungleng Tlang Editor

By Chuncha