Khi kan tlangtar he pehtlai in zei ruangah dah US mipi caah tih a nung lai tiin kan tar tih ahcun ,US ram cu khrihfa ram asi bantuk in nu le nu pa le pa i thit um cu kanmah khrihfa mi kan nunzia le kan phunglam nih a duhlomi asi , cu pinah kan pathian hrimhrim nih a duh lo mi asi.Tu ii  US ram ah nu le nu pa le pa i thit um kho nak a chuahpi tu hi OBama asi, cun Biden hi Obama nih hin president ttuanseh ti a duh tuk fawm, a fawinak cun Trump hi thumh a duh cu ruangah biden president a ttuan asi ahcun Nu le nu pa le pa i thit um le i duh kha a cohlan ding mi asi caah kan tlangtar ahkhin tih a nung  lai tiah kan tar nak asi.

Nuhrin covo bu nganpi nih Joe Biden cu endorsed an tuah. Zeidang ruangah si loin Same sex marriage timi, nule nu, pale pa thit-umhnak asiloah ngeih khat thit-umhnak a pom ruangah US President si dingah kan duh an ti. Nuhrin covo bu hna nih cun an zumhnak nakin an covo kha biapi deuh ah an chiah.

Trump Says He Could Beat Up Joe Biden

Democrats pawl hi nau thah le nau hrawh a pomi an si. US ah hin kum khat ah nau thah le nau hrawh ruangah a thimi 295,000 an si. Coronavirus ruang i a thimi nak in a let thum renglo an si. Asinain CNN le Main stream media nih cun nau thah le nau hrawh i a thimi cazin hi an chim duh bal lo. Pathian a zum lomi hna le Pathian a tih lomi, Liberal democrats nih cun Pathian a zummi pawl cu mi hrut, thei hngalhnak a tlawmmi tiah an ruah hna. Mah hna pawl ruangah US ah khrifha hna kan zumhnak an filter ngaingai.

Trump Says He Could Take Joe Biden In a Fight And the Former VP ...

Thawngpang dang relchap duh mi caah<<Party Lutlai Sinak In Rian Ṭhumh le Chungtel Sinak In Phuah Hi A Um Tawnmi A Si Ko; Tuhrawng cu CNLD Central Executive Committee (CEC) nih Thantlang CNLD Chairman le Secretary, Party chungtel sinak in an chuahnak hna thawngpang nih Facebook cahmai a luah dih. Hi thawngpang hi CNLD le Laimi sining hrawng long a cuanhmi caah cun thilmak ngaimi (ထူးဆန်း) thawngpang a si kho men ko.

Nain Buu le Phu ah siseh, ramkhel party ah siseh a um tawnmi a si ko. USDP chung zongah party member sinak in an chuah hna i, NLD zong nih an chuah ve ko hna. Kum 2016 April thla ah khan USDP Surlu pakhat a si vemi U Shwe Mann le a dang minung 16 cu USDP chungtel sinak in an rak chuah hna. U Shwe Mann cu USDP in an chuah hnu ah UBP a dirh i, tutan thimnak ah an lut ve lai. Ṭhutdan zeimawzat zong an hmuh lai zumh a um.

NLD zong nih kum 2018 August thla ah khan, Rangon ramṭhen, Dagon Myone in Pyithu Hluttaw palai Dr. Thet Thet Khine le Rangon ramṭhen Hluttaw palai U Kyaw Zeya cu CEC chungtel sinak in an rak dinhter hna. Cun Botahtaung Myone in Pyithu Hluttaw palai Daw Me Soe zong tukum May thla ah khan, Party chungtel sinak in an rak chuah ve. Cu long silo, nizan nai bik ah, Ayewarwady ramṭhen Wakema peng i NLD party chairman cu, Chairman sinak in an ṭhumh i, Secretary cu NLD chungtel sinak in an chuah.

Cucaah cun party lutlai sinak in ṭhumh le party chungtel sinak in phuah tibantuk hi tutan CNLD longah a cangmi a si lo. USDP zong ah a um tawn i, NLD zong ah a um tawnmi a si ko caah Thantlang peng CNLD Chairman le Secretary Party chungtel sinak in an chuah hna hi thilmak (ထူးဆန်း) tukmi a si lem lo. 16 July, 2020 Catialtu: Salai Biak Tum Lian

Note: Mipi Sinah Lawmhnak le Zaangfah nawlnak: Ka thawngpang (News) ka ttial mi a rel mi vialte mipi nan dihlak cungah ka lunglawmnak nan sinah ka langter. Ka thawngpang ttialmi na kan rel piakmi ruangah keimah zong thawngpang a dikmi le a hmanmi ka post khawhmi a si. Thawngpang kan tial mi hi kan Mipi caah tha hnemnak a chuahpi ding tial hi a pakhatnak ah kan i timh bikmi a si.

Thawngpang (News) kan lakmi hi thatein source dang ka zoh hnuah mah hi cu a hmanmi a si lai tiah ka ruah mi hna hi ka miphun a si mi “Chinmi” caah tial khawh le theihter khawh ka rak I zuam. Asi nain vawlei cung cu tlamtlinglonak a si caah Source ka lakmi ah a hman lo mi zong a um kho caah cu a hmang lo mi a si tiah nan theih mi cu zeitik caan poah ah ka theihter uhlaw keimah ca zongah ralrinnak caah a si lai i cu thawngpang a hmanmi le a dik mi cu remh le tial khawh kan i zuam cawlh than ko lai. Cu caah ka Miphun hawi hna nangmah bawmhnak zong ka herh hringhran. Thawngpang tial piak na duh sual zongah zeitik caan poah ah tial piak khawh zong na si tiah Zaangfah nawlnak he- Lungleng Tlang Editor.

 

By Chuncha