Jesuh, Kan ram thimnak kong ahcun daite in um ko, ti si hlah seh: Ka cuanh khawh tawk in, Khrihfabu a kalning hi a umnak ram cozah kalning hoih in a kal ve tawn ko. Kawl ram pastorte nih ralkap cozah uknak le hruaining cu kan uar lo ngai nain, kan rak i theih lo kar ah kan thisa chung ah a rak pil dih cang i anmah style in Khrihfabu kan hruai caan a tampi. Cucaah cozah țhat le an hruaining țhat hi Khrihfabu ca hmanh ah a biapi ngaingai ko.

Bible chung i Israel uknak le Judah uknak zong ah Pathian hi Amah rianțuantu tlangbawi le prophet hna hmang in a rak i thlak lengmang ve. Pathian duhmi siangpahrang kha chiti rak thuh, siangpahrang nih ral doh lai ah prophet pawl kha a kawh hna i ruahnak a rak hal hna i Pathian nih a chimh hna ning in ruahnak an rak cheuh ve tbk. le siangpahrang nih sualnak a tuah tik ah va siik/chimhhrin tbk. pawl kha Pathian nih A rianțuantu pawl a rak fial tawn hna.

Israel siangpahrang Ahab ruahnak cheutu prophet 400 tluk kha naal prophet an rak si ai i prophet Mikaiah lawng kha biatak phuangtu a rak si (1Siangpahrang 22). Naal prophet 400 tluk hmang in siangpahrang Ahab a rak thi, Pathian nih a thah. Siangpahrang cung ah Pathian a um.

Ramkhel kong ah cun pastorte hi daite in um ko u, nan riante kha țuan ko u, ti bia a hung um len. Hi hi Bible ning a si ko maw? Ram uknak le biaknak cu aa țhen (Separation of Church and State) khi cu aa dang ve ko. Hawihnu cun Jesuh zong hi daite in kan umter te sual lai, phan a um ko. A hlei in kannih Lai/Chin ram cu Khrihfa kan tamnak ram a si. Jesuh cu a ka khamtu le bawi ah a cohlang cangmi kan tam.

Ka saduhthah; Kan ram hruaitu le kan ai-awh palai cu Jesuh hruai ning in rian ka țuan lai a titu Khrihfa țha, bochantlak si seh, ti hi a si. Zuding sa-ei lo, Khrihfa upa le Church Chairman hmanh a rak țuan balmi le a rian aa hngalhmi si hna seh law ka hei duh dah. Photo: Ka nu thlacam lio, Catialtu: Taan Mang

Note: Mipi sinah lunglawmhnak le zaangfah  nawlnak: Thawngpang {News}kan tialmi a kan relpiak tu kan Miphun Chin/Laimi nan dihlak cungah lunglawmhnak tampi chim cawklo kan ngei. Thawngpang kan tialmi nan kan relpiaknak thawngin a dikmi le a hmaanmi thawngpang {News} kan thlah{Post}khawh hi mipi nan thawngin asi.

Thawngpang  kan tialmi hi careltu mipi caah thathnemnak si hram seh tihi kan itinhmi asi. Chirhchanh {Source} kan lak hnu ah a dik mi asi lai tiah kan ruah mi kha kan Miphun Laimi {Chinmi} nih fawizang tein kan theih khawh cio nakhnga theihter khawh kan i zuam. Asinain vawleicung cu tlamtlinlonak a si caah chirhchanh {Source} kan lakmi tete hi a dik lomi a um khawh caah a dik lomi thawngpang a si tiah nan ruahmi kha zeitik caan paoh ah theihter khawh kan si i, kanmah lei zong in a dikmi thawngpang tial khawh le kan palhmi remh khawh kan i zuam lai.

Mipi nih theih le hngalh ve hna seh ti na duhmi, thawngpang {News} siseh, Pathian bia siseh, siaherhnak bia in siseh, capar biazai le theihtlai pawl tialpiak ding a um ahcun zeitik caan poah ah tialpiak le thlahpiak khawh zong a si. Nan dihlak cungah lunglawmhnak le zaangfah nawlnak he- Lungleng Tlang Editor.

By Chuncha