Nizaan tini a thawngpang hi a video na zoh pah in rak bih tthan <Mai Jenevy Sui kan in lawmhpi hringhran. A sunglawi tuk mi laksawng na hmuh. Bawipa nih lam in hruai ko seh. International Youth Fellowship (IFP) nih kum khat voi khat an tuah tawn mi vawlei cung ram huap hlasak zuamnak, 2020 kum ah Myanmar ram aiawh in aa zuam mi Thantlang Peng, Aibur khua mi Mai Jenevy Sui nih, hi zuamnak ah laksawng a sang cemmi Grand Prize Winner a co mi thawng kan rak thanh cang bantuk in atu te kha Roca le lawksawng cu an pek cang.

IYF hruainak in vawleicung ramhuap hlasak zuamnak hi kum dang ahcun Korea ram ah tuah a si nain tukum hi cu COVID-19 ruang ah a hmun ah tuah kho loin Online in an tuah. Hi hlasak zuamnak ah aa zuam mi hi a ram in ram 64, aa zuamtu dihlak minung 138 an si tiah kan theih. Grand Prize Winner a co mi Mai Jenevy Sui nih, Atu bantuk in vawleicung ramhuap in zuamnak ah zuam khawhnak caan ka neih i, laksawng tiang ka tinco khawh ve tik ah kaa lawm tuk, Pathian zong ka thangthat i thazaang a ka petu online le mizapi nan cung zong ah kaa lawm. Hi zuamnak hi kanmah miphun hla si loin Korea hla in i zuam a si.

Keimah changtu ah laksawng a cotu hi India ram aiawh in aa zuam mi a si. Kei hi “Crush Landing On You” timi hla in kaa zuam. Hi zuamnak ah atu bantuk in laksawng ka co lai ti hi ruahchannak le zumhnak tlawmpal te lawng ka ngei. Pathian dawtnak thawng le mizapi nih nan ka tanpinak thawng in atu laksawng ka co hi si tiah a lunglawmhnak bia a chim. 2019 kum IYF nih hlasak zuamnak an tuah mi ah Myanmar ram aiawh a rak i zuammi Kachin miphun Roger Doy nih laksawng a rak co bal ve. Hi zuamnak ah laksawng hi MacBook pakhat le Korea ram ah Free in khualtlawn khawhnak an pek hna tiah kan theih. Ref: Myanmar IYF Page Live

Thawngpangdang<< Thantlangpeng CNP party cu Pathian lam hruainak thawng in thazaang tampi he hmai lei ah a kal cuahmah lio a si. Miphun dawtnak le thil dik thil hman tanh ruangah EC (53 ) le chungtel dihlak nih fekthup in dirkamh a si bantuk in avoikhat nak upa meeting (29.7.2020) ah minung (73) an kai , (2.8.2020) mino meeting ah mino (71) le upa (10) dihlak (81) kai a si i CNP mino bu cu tlamtling tein dirh a si, tuchun tiangah mino members (109) tiang an hong si cang caah lunglawmh nak tampi kan nei. CNP cu kan Pathian caah, Chinram caah, Chin miphun caah, ( for the Christ, for the Chinland, for the Chin people ) caah raltha tein federal a aupi mi , mah te khuakhan lairel nak a aupi mipi, Pathian le Chin miphun ah hrambunh mi party a si. Thlacam nak in kan bawm u, ruah nak kan pe u, thazaang kan pe u , kan dirpi u tiah upat nak he kan nawl than hna.

Note: Mipi Sinah Lawmhnak le Zaangfah nawlnak: Ka thawngpang (News) ka ttial mi a rel mi vialte mipi nan dihlak cungah ka lunglawmnak nan sinah ka langter. Ka thawngpang ttialmi na kan rel piakmi ruangah keimah zong thawngpang a dikmi le a hmanmi ka post khawhmi a si. Thawngpang kan tial mi hi kan Mipi caah tha hnemnak a chuahpi ding tial hi a pakhatnak ah kan i timh bikmi a si.

Thawngpang (News) kan lakmi hi thatein source dang ka zoh hnuah mah hi cu a hmanmi a si lai tiah ka ruah mi hna hi ka miphun a si mi “Chinmi” caah tial khawh le theihter khawh ka rak I zuam. Asi nain vawlei cung cu tlamtlinglonak a si caah Source ka lakmi ah a hman lo mi zong a um kho caah cu a hmang lo mi a si tiah nan theih mi cu zeitik caan poah ah ka theihter uhlaw keimah ca zongah ralrinnak caah a si lai i cu thawngpang a hmanmi le a dik mi cu remh le tial khawh kan i zuam cawlh than ko lai. Cu caah ka Miphun hawi hna nangmah bawmhnak zong ka herh hringhran. Thawngpang tial piak na duh sual zongah zeitik caan poah ah tial piak khawh zong na si tiah Zaangfah nawlnak he- Lungleng Tlang Editor.

By Chuncha