A Nuam tuk lai ning le a ropui tuk lai ning hi cu a mak ko. i ngaih a um hringhran hih. Lawm tein hmang hram hna seh. January ni 20,2021 cu America mipi hna cu President thar an ngei cang lai: Kum li chung ram uk tu ding avoi 46th nak President attuan dingmi Joe Biden le Vice President attuan dingmi Kamala Harris nih U.S Ram uk tu sinak tlamtling tein biakam nak an ngei lai.

Image may contain: 8 people

Inauguration Day cu ro pui emem dingin timhlamh nak an ngei. Vawlei cungah hlasak thiam taktak hna nih hla dawhdawh an sak lai i boi rank sang pipi nih bia an chim lai. Cuti cun aro pui khawh chungin tuah dingin timhlamh nak an ngei. Ram hla asa ding hi Vawlei cung a hnin tu awttha bak mi Lady Gaga asi lai. Cun atu lio alar tuk mi Jennifer Lopez zongnih Musical performance nak a ngei vel ai. Cu hnu ah cabia arel tu dingah Amanda Gorman asi lai. (Benediction) thluachuah hal piak tu ding cu Rev. Dr. Silvester Beaman a si lai.

Zanlei sang Suimilam 8:30PM ET! ah Tom Hanks (Actor & Filmmaker) nih Host attuan lai i hlan lio minthang taktak mi Bon Jovi nih hla asak lai cun adang minthang hna Demi Lovato, Justin Timberlake le Country hlasak thiam tuk mi Brad Paisley cun Hip-hop hlasak amak tuk mi Ant Clemons tiin an puai cu an lawm lai.

Image may contain: 9 people, text that says 'NAUGUR JANUARY 20, 2021 ホ EX 网 ND T 2021 BE PART OF HISTORY #INAUGURATION2021'

Cu caah January ni 20 thok cun America mipi hna cu President thar an ngei cang lai. An mah ram chungmi lawng i ngeih si loin ramdang mi hna zong nih an i ngeih tuk ve ti asi. Hi ah hin ram tampi nih an rak lawmhpi cio lai i Kawlram zongnih arak cawnglawmh ve lai ti asi. Hi an ni sunglawi puai tuahnak cu ka hin zoh khawh asi lai LIVE in. YouTube in aduh mi nih ka hin –https://www.youtube.com/bideninaugural…   Facebook in aduh mi nih ka hin- Credit: CCNC

NLD upa nih cozah thar serti nak ding kong he pehtlaih in tlangmi party ton ding ah an state cio an kal hnawh hna i an sawm len hna nain cheukhat party nih NLD zung ah i ton an duh lo caah an i tong kho hna lo. Hi ruang ah khuatuak lo deuh cheukhat nih NLD an thangchiat len.

Nain, nikum ah khan party 40 cu ralkap lutlai General Min Aung Hlaing nih Naypyidaw a zung ah ton ding a auh hna, leklak an ra colh, Chin party ai timi CNLD telh in. Ralkap meithal cu an tih deuh ngai ko rua, Suu Kyi nih cun a rak tih bal lo nain. Credit: Salai Lungthli Tum

Monday zanlei ahkhan, Mike Pence le Trump cu buainak a chuah hnu ah a voikhatnak an itong. Trump le Pence cu Kum 4 chung nainiam tein rian an ttuan tti hnu ah zohchia in an itthen ko cang. TRUMP nih Pence cu phunghrampi buar in Electoral colleges result cu “objection” tuah dingin a fial nain, Pence nih a al caah Mipi theih in Trump nih a thangchiat pinah a nunnak he pehtlaihmi security kong ah him lo ngai in, Capitol building in zaam dirhmun a phak ve tikah, Trump cungah a lung a fak ngai tiah amah he nainiam nih an chim.

Pence cu, Democratic Party nih 25 amendment hmang in Trump cu a rian in ngolter ding hi an fial nain, a al hna. Cun, Jan 20 hlan chung, an rian a tangmi pawl thate in tuan aa timh pinah Joe Bidden Inauguration zong ah chuah aa timh tiah an langhter chih. President Trump belte cu “Joe Bidden Inauguration ah ka chuak lai lo” tiah a chim i, US tuanbia ah Kum 150 hnu ah Inauguration a chuak lomi President a si lai tiah NBC nih an langhter.

Jan 6 sandahpiah lio ah hliam hma in a nunnak a liammi, Capitol Police officer chungkhar cu Mike Pence nih a va leng hna. Asinain, Trump tu nihcun a chawnhbiak rih hna lo tiah nbc news nih a langhter rih. TRUMP hi a political career zoh tikah thingkung kai a thiam ngai nain a ttum lei a thiam ti lomi ka lawhter ngai. Teinak hmuhnak ahcun Mipi thinlung a lak khawh ngai ko nain, sungh a thiam ti lomi nih a thlak tthan.

Politics a khel ning zoh tthan tikah, Republican Party in Primary a rak icuh lio ah anmah Republican primary election system hrim hi “Rigged” a rak ti cang. Mah lio ahkhan rak sungh sehlaw, a cohlang lai lo. “Rigged” a si tiah Independent in a rak icuh lai i, Republican Party cu a khuai/a tthen lai. Asinain Republican party in icuh ding teinak a hmu ko caah, a dai.

2016 ah Hillary he President an icuh lio ahkhan “election is rigged” a ti lengmang thiam. Rak sungh sual sehlaw, Mipi vote cun ka tei nain Rigged/fir/ in a ka tei a ti lai ti kha, a campaign message in ah rak ifiang cia. Cucaah, Presidential Debate kip ah Election Result hi na cohlang lai maw? Tiah an rak hal lengmang nak kha a si.

2020 election ah Joe Bidden he an izuam tthan i, Election is rigged/stolen tiah a cohlang duh lo. Legal te in challenge khawhnak vialte ahcun, a challenge dih nain, a tei hlei lo. A donghnak, House le Senate Joint Meeting ah a Vice President tiang phunghrampi buar in Electoral college result objection tuah ding a fial. Sungh a thiam ti lo caah, a donghnak ahcun, amah he nainiam bik, A Vice President Mike Pence he lamdang zulh in an political tuanbia cu an dih ko.

“2020 election ah kan sungh zong ah 2024 ah izuam tthan ding caan tha a ra tthan lai” tiah ruah khawh ding a si nain, sungh duh lo ruang ah minung 4 nunnak a lak in a liam i, amah dirpitu nih meithal he sandah piah an itimh rih ti a si fawn tikah, a herh loin minung nunnak tampi a liam chap rih sual hnga maw tiah ruah a rem lo taktak khi a si ko. Apoi e! Credit: Za Sang Cinzah

Falam Meisa Kaang thu Update: Farțhawk vengih Pi Mang Hlei Zing (kum 69) cun khuasik ruangah electric meipung cu a ihnak kiangah ret in a it. Cuih electric meipung ihsin meisa a kaang thok tiah Falam meithat zungin an sim. Meisa ruangah Pi Mang Hlei Zing le a umpi Nu Rah Thang (kum 42) cu an nunnak a liam. Meisa kaang cun:

1.Pi Mang Hlei Zing ih 30′ x 30′ dothnih thing inn 1, 2. Pu Run Rem Thuan ih 30′ x 40′ dotkhat thing inn 1, 3. Pu Ci Hem ih 30′ x 40′ dothnih thing inn 1, 4. Pu Hram Dim ih 30′ x 20′ dothnih thing inn 1, 5. Pi Hrin Thiam ih 30′ x 20′ dothnih thing inn 1 le 6. Pu Zaw Tun ih 20′ x 20′ dothnih thinginn 1 pawl a kaangral. Meikaang harsa tuar pawl cu atu ah sungkhat neihniam inn pawl ah an beu sung a si.

Harsa tuar pawl bawm cio dingin leitlun killi ih zate hnen ah Global Chin (Falam) Organization – GCO cun sawmthannak a nei ih Falam khua nu/pa thawn țuan tlaangin Meikaang bomnak tiin KBZ bank le Myanmar Economic Bank (MEC) ah account dang te an phuan tum tiah theih a si. Cumi hlan ih a pekhlan duhtu pawl cun Salai Nhgepi hnen ah pehtlai a theih tiah an sim. Credit: Falam Community Media

2021 January 8:30 update news: Falam ah inn 6 a kaang, tarnu pahnih an thi, thilri sing 80 leng man a ciam Falam khua, January 12 zinglei suimilaam 4:10 hrawng ah Falam Lamtonnak ah inn 6 a kaang i kumkhua upa tarnu pahnih a kanghchih hna, thilri sing 850,000 man hrawng a ciam, tiah kan theih.

“Ahote inn in dah inn kangh aa thok ti le minung zeizat set dah an thi ti hi kan hlat lio a si. Atu tiang ahcun kum 69 nu, Pastor zong a rak tuan bal mi le hnachet mi nu pakhat a kanghchih hna. Zeitin mei aa thok i a kangh ti hi kan hlat lio a si. Zinglei 4:10 hrawng ah a kaang i 5:30 hrawng ah mei kan thah khawh. Thilri a ciam mi hi kanmah nih kan tuak ning ahcun tangka sing 850,000 man hrawng a si,” tiah Falam Pengkomh (Khayaing) lutlai Pu Ca Zung Mang nih The Hakha Times ah a chim.

Hi kong ah Falam Peng Meithat Zung lutlai phone kan chawnh nain damlonak ruang ah sii-inn ah a um lio a si i kan pehtlai kho lo. “Chin Ramkulh Cozah lei nih kan tikhwahtawk in inn kaang mi in 6 siseh, mithit siseh, tangka Ks. 300,000 cio ka va bawmh hna,” tiah The Hakha Times ah a chim.

By Chuncha

Leave a Reply

Your email address will not be published.