DUBAI (Reuters) – UAE le Israel karlak i ruahlo piin lungtlitinak tuah a si ruangah Iran ralkap lei nih biakaa in faak taktak in a hrocer hna. A aukhuangmi hi a mi seh nak hmanh in a faakdeuhmi ko a lo cang. Middle East buaibainak kaangmei phalhti dingin Israel le UAE karah remdaihnak le lungtlintinak um kho dingin kan hnung zarh ah khan US nih lam a kalpiak hna. Cu ti lamkal rian a tuanmi ruang ko ah cun Iran cozah nih US cu an thangchiat ngaingai.UAE cungah a cheukhat ram pawl nih cuhlan an rak i hawikomhnak hri an chah cang. Asinain, nihin tiangah cun Iran nih UAE he pehtlaihnak an ngeihnak zawn tete cu a chat lem rih lo. Iran hruaitu nih hin buainak siloin, remdaihnak hi ai thim zungzal tawnmi a si, a bikin a raminnpa pawl he ko hin a si khun. Kan mipi nih a lungduh zulh in rian kan tuan zungzal. Cucaah kan lungduhmi hnursuanpiak kan si hlan chung paoh cu midang cungah zeibantuk tihnungmi tuahsernak hmanh kan kalpi lem lai lo, tiah senior Iranian official pakhat nih a chim.

Israel, UAE reach historic peace deal: 'We can make a wonderful ...

Dubai hi Gulf in meng 100 hlatnak lawngah a ummi a si i, Iran he business lei in pehtlaihnak an ngeih hi kum 100 lengkai a si cang. Mifim pawl nih an tuaktan ve ningah, hi ti ningte i Iran nih ramdang sin a zinaan a zuarnak kutka US nih a phih peng ko rih a si ah cun, Dubai sin tiang zongah hin a zinan a zuar kho ti lo zong a si kho mi a si. Iran hruaitu pawl nih hin kan thutnak thingngeteng cu kan i hau kanh bal lai lo. Cucaah, Dubai hi business lei i a hawitha a si peng ko rih lai, tiah Tehran ah hmunhma a khuarmi mifimthiam Saeed Leylaz nih a chim.

Iran nih chawlehnak a tuahpimi ramdang vialte lakah China hi a nganbik a si i, a changtu ah hin UAE a si. June thla i Iran state news agency nih an chim ningah, Iran cozah nih hin UAE he chawlehnak an tuahmi a pehzulh peng ko rih lai, ti a si.Kan ram hi ramdang pawl sinin i bing, pheu (isolated) si a duh ve lo caah, a raminnpa pawl he i hlat ding taimai in cun an cungah thatlonak faakpiin tuah ai tim lo, tiah Iran official pakhat nih a chim. Faktuk hna i lehrulhnak kan tuah sual ah cun, Oman, Bahrain le Saudi Arabia tiangin Israel he lungtlintinak an tuah diam khawh mi a si, tiah Iran official nih a chim.

President Trump Unveils “Historic” Israel-UAE Peace Plan ...

“Israel Flag ai Thui Len ko”:Israel le UAE karlak i an i pehtlaihnak hi caansau nawn a si cang ko. Asinain, tutan i a thar in lungtlinnak an tuahti mi belte hi cu Iran ralchanh caah a si. A ruangbik cu, Iran hi a raminnpa pawl caah tihnung a si cang, tiin Israel, UAE le USA nih an hmuh caah a si. UAE khua le ram chungah Israel flag ai thui khawh caah hin Middle East hrawng i Iran a dirhmun a vun deetkhawt khotu karhlannak nganpi a si, tiah Israel ah a ummi Interdisciplinary Center ah saya a tuanmi Meir Javedanefar nih a chim. UAE cungah Iran nih lehrulhnak thalo in a tuah sual ahcun, Middle East ah a ummi Islamic Republic chungtel ram pawl le kan hawile pawl vialte hi an lung a derter hna lai. Hi hna pawl hi Middle East i Iran kar a hlantertu an si i, Iran nih cu ti kar a hlan hi kum 20 leng a si cang, tiah a cheukhat Iran kong a theitu pawl nih an lungretheihnak an langhter.

Israel, UAE reach 'historic peace agreement' - World - DAWN.COM

Hi ruang te ko ah hin, Israel le UAE karlak lungtlintinak an tuahmi kongah Iran nih zeibantuk lehrulhnak hmanh a takin a tuah lo ah a tha deuh ding thil a si, tiin official pakhat nih a chim. Asinain, a ra lai mi zarh tawlpal chungah hin bom puah thawng, drone in asiloah miakpii in i kahnak thawngpang na theih sual ah maw vun lai tuk lai ci, tiin bia a beuh ta ve hna.Israel nih UAE he lungtlintinak an tuahmi i tlaih riangmang in Gulf i Iran ramri tiang ah a lungduh tein zalongtein hmunhma a khuar khawhmi a si. Cu ti thil a si tak sual ah cun, cucu Iran lei nih cun ngiartau ah an relpiak te ko lai, tiin Iran diplomate hlun pakhat nih a chim. 1979 i Islamic revolution (tawhlanzi) hnu khan cun, Iran nih hin Israel hi a ral ah a chiah peng cang i, vawlei mephung (map) in a hloh in hloh lawlaw ding tiangin khua a kan zungzal.

By Chuncha