1,400 km tiang a phan khomi cruse missile thar kan ser khawh cang, tiah Iran Defence Minister Amir Hatami nih Thursday ah khan a chim. Tu lio hrawng hi missile program ngol dingin US nih a chimh lio pi a si. Hi missile hi surface-to-surface kahnak a si i, a min ah Qassen Soleimani, tiin an min an bunh. Hi missile hi 1,400 km tiang a kahphaak khawh i, Abu Mahdi, tiin min an pekmi missile hi cu 1,000 km tiang a kah khawh ve, tiah Hatami nih a chim.

US President Donald Trump warns Iran's Hassan Rouhani against ...

An missile hman an thlaakmi cu an State TV ah an laughter hna i, “hihi kan Iran defence power a thawntertu ding a tharhlambik mi cruise missile a si” tiin tlaang an tar. January ah khan Baghdad airport (Iraq) ah Iran Quds Force an lubik Soleimani le Iraqi hriamtlai hna an lubik Abu Mahdi al-Muhadis cu US nih a thah hna. Tutan kan missile, abikin kan cruise missile ko hi kan caah an biapituk hringhran. 300 km in 1,000 km tiang kap kho dingin kan tuahtamh (develop) kan tuah chung hi kum hnih hmanh kan rau lo. Cucaah hlawhtlinnak nganpi a si. Kan ralkap thazaang le kan missile programmes pawl hi mah le mah ai kilveng kho tawk cu kan si ve ko cang, tiin Iran President Hassan Rouhani nih a chim.

Hassan Rouhani, nucelar deals and Iranian politics in the age of ...

2015 lio i vawleicung ram thawngthawng pawl he Iran nih nuclear deal a tuahmi zulh in hriamnaam ser lo dingin UN nih a cung i khamnak a tuahmi a ni le caan cu October in a dih ding khi a si cang caah, cu ti khamnak ni le caan cu vun pehsauh than rih dingin US nih UN cu a hnek cuahmah lio pi hna a si. 2018 i Trump nih Iranian neuclear deal in a chuah hnu le Iran cung i phihkharnak a tuahchap hnu khan cun Iran le US karlak an i hmuhthiamlonak hi a zualhma chinchin cang. Iran nih hin nuclear a sernak rian siseh, ballistic missile ser ai timhnak siseh, cun a raminnpa ah raal a thawhtermi vialte hi a maaktaak khawhnak dingah US nih biataktein reh le rengh a timh peng ko.

Under the Radar, Iran's Cruise Missile Capabilities Advance - War ...

Kan cung i phihkharnak na tuah chung paoh cu nanmah US he biaruahtinak ngeih kan i tim lo, tiin Iran lei nih an chim.

Thursday ah khan New York ah UN Security Council nih Iran cung i hriamnam ser lo dingin phihkharnak an tuahmi a ni le caan pehsauh than rih dingin US nih a duhnak a langhtermi cu Thursday i New York ah UN Security Council nih an hnonpiak hna hnu cun, Iran cung i US nih phihkharnak a tuahmi vialte vun nunter dih than dingin, Trump nih bia a ka ronh, tiah US Secretary of State Mike Pompeo nih a chim.Credit:chelas Bawi.

Iran unveils long-range missile on revolution anniversary | MEO

Thawngpang dang >>Democratic lei in president ai zuammi Joe Biden nih Senator Kamala Harris cu a vice-president tuan te dingin ai thim cang. Minak le Asian American nunau vialte lakah a tu bantuk dirhmun a phan kho mi hi amah Harris lawnglawng hi a si rih. Harris hi California senator a si i, Indian-Jamaican hrinsor a si. Rampumpi cuul in miphun thleidannak ralchanh in duhlonak langhter a si lio ah police dirhmun remhsiam ah a tha lai, tiin a aupitu a si. California attorney general zong a rak tuan bal mi a si.

Donald Trump says he is ready to meet Hassan Rouhani under right ...

Nov. 3 ah Biden nih President Donald Trump hi hmaitonh in a dironh ding a si cang. “Harris hi ka lungthli tein a pakhatnak i kai thimmi a si ve” tiah Trump nih Tuesday i White House news conference ah a chim. Oct. 7 ah khin Salt Lake City, Utah ah Trump i a Vice-President Mike Pence he debate an tuah te lai. Cuhlan i Vice-president tuan dingin min an rak pek bal mi nunau hi pahnih lawng an um bal – 2008 ah khan Republican party nih Sarah Palin, cun 1984 ah khan Democrats nih Geraldine Ferraro an rak tar bal hna. An pahnih ningin an sung; White House an phan kho veve lo. American party vialte lakah a main a si mi Democrats le Republicans nih hin cuhlan hrimhrim ah vunnak (vun dang) ai ngeihmi nu hi Vice-president tuan dingin mincazin an chuahpi bal lo.Credit:Chelsea Bawi.

Note: Mipi Sinah Lawmhnak le Zaangfah nawlnak: Ka thawngpang (News) ka ttial mi a rel mi vialte mipi nan dihlak cungah ka lunglawmnak nan sinah ka langter. Ka thawngpang ttialmi na kan rel piakmi ruangah keimah zong thawngpang a dikmi le a hmanmi ka post khawhmi a si. Thawngpang kan tial mi hi kan Mipi caah tha hnemnak a chuahpi ding tial hi a pakhatnak ah kan i timh bikmi a si.
Thawngpang (News) kan lakmi hi thatein source dang ka zoh hnuah mah hi cu a hmanmi a si lai tiah ka ruah mi hna hi ka miphun a si mi “Chinmi” caah tial khawh le theihter khawh ka rak I zuam. Asi nain vawlei cung cu tlamtlinglonak a si caah Source ka lakmi ah a hman lo mi zong a um kho caah cu a hmang lo mi a si tiah nan theih mi cu zeitik caan poah ah ka theihter uhlaw keimah ca zongah ralrinnak caah a si lai i cu thawngpang a hmanmi le a dik mi cu remh le tial khawh kan i zuam cawlh than ko lai. Cu caah ka Miphun hawi hna nangmah bawmhnak zong ka herh hringhran. Thawngpang tial piak na duh sual zongah zeitik caan poah ah tial piak khawh zong na si tiah Zaangfah nawlnak he- Lungleng Tlang Editor

By Chuncha